Тойм:Хотын дарга шинээр сонгогдож, Ц.Элбэгдорж АН-ын гишүүнчлэлээ сэргээж, БНХАУ-д 30 мянган хонийг хүлээлгэн өглөө

Өнгөрсөн долоо хоногт болж өрнөсөн онцлох үйл явдал болон шийдвэрүүдийг  тоймлон хүргэж байна.

             Д.Сумъяабазарыг хотын даргаар томилохыг 71.1 хувийн                                                     саналаар дэмжлээ

НИТХ-ын анхдугаар хуралдаанаар Хотын даргыг томилох эсэх асуудлыг хэлэлцэв. Улмаар МАН-ын Удирдах зөвлөлөөс УИХ-ын гишүүн Д.Сумъяабазарыг Хотын даргад нэр дэвшүүлсэн саналыг хэлэлцэж 71.1 хувийн саналаар дэмжлээ. 

 УИХ-ын гишүүн Д.Сумъяабазарыг Хотын даргад томилох МАН-ын Удирдах зөвлөлийн саналыг НИТХ-ын анхдугаар хуралдаанаар 71.1 хувийн саналаар дэмжив. Улмаар уг саналыг Ерөнхий сайд У.Хүрэлсүхэд өргөн барьж, Ерөнхий сайд батламжлах юм. 

Д.Нямхүү: Сиатлын онгоцоор ирсэн иргэнээс 20 дахь хоног дээрээ                 коронавирус илэрч, батлагдсан тохиолдол 328 боллоо

Эрүүл мэндийн яамнаас ээлжит мэдээллээ хийлээ. Энэ талаар ХӨСҮТ-ийн дарга Д.Нямхүү "Энэ сарын 22, 23-нд 1053 хүнд шинжилгээ хийлээ. Үүнээс 1 хүний сорьцод коронавирус илэрлээ. Тухайн иргэн энэ сарын 20-нд Алтанбулагийн боомтоор орж ирсэн ачаа тээврийн жолооч бөгөөд Монгол Улсын иргэн. 

Монгол Улсад батлагдсан тохиолдол 328 боллоо. Үүнээс 312 хүн эдгэрсэн байна. ХӨСҮТ-д 16 хүн эмчлүүлж байна. Үүнээс 12 нь хөнгөн, дөрөв нь хүндэвтэр байна.  Тусгаарлалтад байгаа иргэнээс 20 дахь хоног дээр нь коронавирус илэрсэн гэсэн мэдээлэл гарсан. Энэ бол үнэн. Сиатлын онгоцоор ирсэн нэг иргэнээс 20 дахь хоног дээрээ коронавирус илэрсэн. Энэхүү иргэн аравдугаар сарын 1-нд эх орондоо ирсэн. Аравдугаар сарын 2-ны шинжилгээгээр хариу нь сөрөг гарсан. Ингээд 13 дахь хоногийн шинжилгээгээр бас сөрөг гарсан. Ингээд гурав дахь буюу сүүлчийн шинжилгээг хийхэд 20 дахь хоног дээрээ коронавирус илэрсэн” хэмээлээ.       

Хоёр настай дагавар хүүгээ зодож хөнөөсөн Б.Хүлгэнд оноосон бүх                             насаар нь хорих ялыг хэвээр үлдээв

 Өнгөрсөн оны арванхоёрдугаар сард Хэнтий аймагт хоёр настай хүү хойд эцэгтээ хэрцгийгээр зодуулан амь насаа алдсан харамсалтай хэрэг гарсан байсан. Мөн амь насаа алдсан хүүгийн  ой гурван сартай дүү нь зодуурын улмаас Хэнтий аймгийн нэгдсэн эмнэлэгт хэвтэн эмчлүүлсэн билээ. Тэгвэл хэргийг үйлдсэн Б.Хүлгэн гэгчид анхан шатны шүүхээс бүх насаар нь хорих ял оноосон. Тэрбээр анхан шатны шүүхийн шийдвэрийг эсэргүүцэн давж заалдсан ч давж заалдах шатны шүүхээс ялыг хэвээр үлдээсэн юм.  Харин Б.Хүлгэн нь анхан болон давж заалдах шатны шүүхийн шийдвэрийг эсэргүүцэн Улсын дээд шүүхэд гомдол гаргаад байжээ.

Улсын Дээд шүүхийн хяналтын шатны эрүүгийн хэргийн шүүх Б.Хүлгэний гаргасан гомдлыг өнөөдөр /2020.10.23/ хэлэлцэж, анхан болон давж заалдах шатны шүүхийн шийдвэрийг хэвээр үлдээж шийдвэрлэлээ. Тодруулбал, Б.Хүлгэнийг гэр бүлийн хүчирхийлэл үйлдэж, бага насны хүүхдийг санаатай алсан, хүний эрүүл мэндэд хөнгөн хохирол учруулсан болон хүчиндэх гэмт хэргүүдийг үйлдсэн гэм буруутайд тооцож, бүх насаар нь хорих ял оногдуулсан шийдвэрийг хэвээр үлдээсэн байна. 

   Ерөнхийлөгч асан Ц.Элбэгдорж АН-ын гишүүнчлэлээ сэргээж,                                             үнэмлэхээ гардаж авлаа

Ерөнхийлөгч асан Ц.Элбэгдорж Ерөнхийлөгчөөр ажиллаж байхдаа хууль, журмын дагуу намын гишүүнчлэлээсээ түдгэлзсэн байсан юм. Харин өнөөдөр намын гишүүнчлэлээ сэргээсэн учир Сүхбаатар дүүргийн АН-ын хорооноос түүнд үнэмлэхийг нь гардууллаа.  Үнэмлэхээ гардаж авсны дараа сэтгүүлчдийн асуултад хариулж, байр сууриа илэрхийлсэн юм. 

-АН үзэл санааны уналтад орсон гэж улс төрийн хүрээнд яригдаж байгаа. Ийм үед та намын гишүүнчлэлээ сэргээж байгаа зорилго нь юу вэ. Та намдаа эргэж орсноор шинэчлэлд ямар үүрэгтэй оролцох вэ?

-АН хувь хүний эрх, эрх чөлөөг дээдэлдэг, баялаг бүтээгчдийг дэмждэг, Монгол Улсад хүнд суртал бага байх ёстой гэдэг чиглэлийг баримталдаг, ийм үнэт зүйлтэй нам. Энэ үнэт зүйлээ сэргээж, үүсэж бий болсон буйран дээрээ баттай зогсох ёстой гэж бодож байгаа. 

-Сонгуульд оролцоно гэж ойлгож болох уу?

-Энгийн иргэн байгаа нь надад хамгийн сайхан. Монгол Улсын иргэн байх хамгийн өндөр албан тушаал гэж ойлгож байгаа. 

-Одоо байгаа намын удирдлагуудтай яаж хамтарч ажиллах вэ. АН-ын унасан нэр хүндийг яаж сэргээх вэ?

-Гишүүний хувьд намын үйл ажиллагаанд идэвхтэй оролцоно гэсэн бодолтой байна.

-Х.Баттулга Ерөнхийлөгчийг дахиад Ерөнхийлөгчийн сонгуульд өрсөлдвөл сөрнө гэж та хэлж байсан. Тэгэхээр ирэх оны сонгуульд өрсөлдөхөөр эргэж ирлээ гэж ойлгож болох уу?

-Гишүүний хувьд би ажиллана. Монгол Улсад, эх орондоо тангараг өргөсөн хүн. Эх орон дуудвал бид босож очих л үүрэгтэй. 

           -БНХАУ-ын талд 30 мянган хонийг хүлээлгэн өглөө-

Монгол Улсын Ерөнхийлөгч Х.Баттулга 2020 оны 02 дугаар сарын 27-ны өдөр БНХАУ-д хийсэн айлчлалынхаа үеэр цар тахлыг таслан зогсооход дэмжлэг үзүүлэхээр 30 мянган толгой хонийг хандивласан. Үүний дагуу Ерөнхий сайдын захирамжаар хандивын 30 мянган хонийг хүлээлгэн өгөх Ажлын хэсгийг Хүнс, хөдөө аж ахуй, хөнгөн үйлдвэрийн сайд З.Мэндсайханаар ахлуулж, 2020 оны 08 дугаар сарын 05-ны өдөр байгуулсан юм. Монголын ард түмнээс өмнөд хөршдөө хандивласан 30 мянган хонийг нэгбүрчлэн мал эмнэлгийн үзлэг шинжилгээнд хамруулж, бүх шатанд хяналт тавьж баталгаажуулан дэлгэрэнгүй бүртгэл үйлдэж БНХАУ-ын талд өнөөдөр бүрэн хүлээлгэн өглөө.  Энэхүү арга хэмжээнд ХХААХҮ-ийн сайд З.Мэндсайхан, Ерөнхийлөгчийн Гадаад бодлогын зөвлөх Г.Тэгшжаргал, Гадаад харилцааны дэд сайд Б.Мөнхжин, УИХ дахь Монгол-Хятадын найрамдлын бүлгийн гишүүд, БНХАУ-аас Монгол Улсад суугаа Онц бөгөөд Бүрэн эрхт Элчин сайд Чай Вэньруй болон орон нутаг, малчдын төлөөлөл оролцлоо. БНХАУ-д хүлээлгэн өгсөн 30 мянган толгой хонийг Хэнтий, Сүхбаатар, Дорноговь аймгийн малчдаас худалдан авч бүрдүүлжээ.

       -Ш.Батхүүд 8 жилийн хорих ял оноож, Г.Алтанг цагаатгалаа-

 Энэ сарын 5-нд эхэлсэн  "Жаст"-ын Ш.Батхүү, "Алтжин" группын захирал Г.Алтан нарт холбогдох шүүх хурал 13 өдөр үргэлжсний эцэст өнөөдөр дууслаа. Шүүхээс Ш.Батхүүд 8 жилийн хорих ял оноож, Ч.Ганзориг, Б.Мөнхжаргал, Г.Амарбат нарын хэргийг хэрэгсэхгүй болгож эрүүгийн хариуцлагаас чөлөөлж, Г.Алтан, Э.Сүрэн нарыг гэмт хэрэг үйлдсэн нь тогтоогдоогүй хэмээн хэргийг хэрэгсэхгүй болгож цагаатгалаа. 

Хэргийг сануулбал, АТГ-аас "Жаст"-ын Ш.Батхүүг "Эрдэнэт" үйлдвэрийн 51 хувийг барьцаанд тавьж, гаднын "Стандарт" банкнаас их хэмжээний зээл авсан хэрэгт буруутгасан. Түүнтэй хамт "Алтжин" группийн Ерөнхий захирал Г.Алтан, түүний хүү Э.Сүрэн нарыг нотлох баримтыг хуурамчаар үйлдсэн гэх үндэслэлээр яллагдагчаар татсан байдаг юм. 

Тодруулбал, тэднийг хуурамч бичиг баримт, тамга тэмдэг, хэвлэмэл маягт ашиглан гаднын "Стандарт" банкнаас 109 сая ам.долларын зээл авч, бусдад онц их хэмжээний хохирол учруулсан хэрэгт буруутган шүүсэн билээ. 

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

139.5.219.97Зочин   • 2020, 10 сарын 24. 11 цаг 50 минут

Elbegdorj zailaach ee

Шинэ мэдээ

Ч.Өнөрбаяр: Т.Доржхандаа чи, МАН-ын хэвлэлийн төлөөлөгч хийхээсээ ичихгүй байна уу?30 минут 15 секундын өмнөМАН-ын рейтингийг унагаж буй гол хүн Д.Сумьяабазар болохыг судалгаа харуулжээ8 сар 17. 12:52М.Янжиндулам: “HumanZ” өөрийгөө хайрлах шалтгааныг минь олуулсан8 сар 17. 12:21ИРГЭН С: БОАЖ-ын дэд сайд асан Ц.Батбаяр Зэд-Хантай-Бүтээлийн нурууны Дархан цаазат газарт ирж улаан номонд орсон ан амьтныг агнадаг8 сар 17. 12:20“Давхар дээл”-ээс гадна гишүүдийн тоо нэмэх асуудал яригдахад Ш.Адьшаа уурлан хурлаа хаяж гарч, Н.Ганибал ирэхгүй зугтжээ8 сар 17. 12:17200 тэрбумтай ч ажиллах компанигүйгээр Дарханы замын маапаан эхэлж байжээ8 сар 17. 11:46Бидэнд гоё ганган нэртэй цогцолбор хэрэггүй зүгээр л 2 давхар цэцэрлэг л байхад болноо8 сар 17. 10:11Ховд Вестерн клубт Ёвропын шилдэгээр удирдуулна8 сар 16. 13:52Дархан цаазат “Зэд “- ийн нуруунд ховор амьтан агнуулж, мод огтолж сүйтгэх ажлыг хамгаалалтын захиргааны дарга Д.Болорчулуун нь хийдэг гэв8 сар 16. 11:34БАРИМТ: Х.Баттулгын үед "Монгол Улсын төвийг сахих" тогтоол цуцлагдаж, ОХУ-тай стратегийн хугацаагүй гэрээ байгуулжээ8 сар 11. 13:22Наран трейдийн С.Болдхэтийн хүүхдийн цэцэрлэгийн зориулалтаар баригдсан газрыг өмчлөн авч орон сууц барих гэж байгааг иргэд эсэргүүцжээ8 сар 10. 9:22Монголчуудын “үр могой” болсон “Женко” Х.Баттулгад хэзээ хариуцлага тооцох вэ?8 сар 7. 16:00Ши Жинпиньд захидал бичиж “Эрдэнэбүрэнгийн УЦС”-ын санхүүг зогсоосон Багийн Засаг дарга Г.Цэдэнбал 8-15 жилийн ял авч магадгүй8 сар 4. 11:28Э.Одбаяр: Дабль стандартыг эсэргүүцсэн залуус өөрсдөө түүнийхээ ХОХИРОГЧ НЬ болоод явж байна8 сар 4. 10:29Өнөөдөр Улаанбаатар хотод бороо орохгүй 24 хэмийн дулаан байна8 сар 4. 8:37Байгалийн нойлоос БОЛОВСОН нойлд шилжих цаг иржээ8 сар 3. 15:00Монгол Улсын Ерөнхийлөгч танд эгэл жирийн сурагч захидал илгээж байна8 сар 1. 18:38Солонгосын алдарт дуучин PSY-ийн тоглолтын дараа Монгол залуу амиа алджээ8 сар 1. 10:31КИМ СОН ЧУЛ: Усан үзэм тарихаар 20 жил судалсан минь монголчуудыг жимс, ногоогоо өөрсдөө тарьдаг байгаасай гэж ХҮССЭНИЙХ...8 сар 1. 9:43VISUAL TOIM: 2019 оны VI сард эхэлсэн Дарханы замд 340 ОСОЛ гарч, 28 ХҮН АМИА АЛДЖЭЭ…8 сар 1. 9:34Л.Оюун-Эрдэнэ, Х.Баттулга хоёрын “ЗОДООНЫ“ ард юу нуугдаж байна вэ8 сар 1. 9:321000 километр ХУРДНЫ ЗАМ барина8 сар 1. 9:29Тэрбумаар үнэлэгдэх хөрөнгөтэй гишүүд7 сар 29. 11:06ХОМ: Бүх дүүргийн Засаг дарга нарын хөрөнгийн хэмжээ нэмэгджээ7 сар 27. 9:34Төвийн бүсийн залуус 17 жилийн дараа чуулах гэж байна7 сар 26. 11:54Эрдэнэт үйлдвэр Бэрх тосгоны музейд бурхан бүтээлгэхээр 415 сая төгрөгийн тендер зарлажээ7 сар 22. 15:35Ж.Мөнхжаргал: Манай улсад сонгуулийн холимог систем илүү тохиромжтой7 сар 19. 12:21"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47
© 2008 - 2022 он. Зохиогчийн эрх хуулиар хамгаалагдсан.