Виртуал спортын наадам дуусахад ердөө хэдхэн хоног үлдлээ

      Монголын тусгай олимпийн хорооноос спортоор дамжуулан иргэдийн нийгэм дэх тэгш оролцоог хангах зорилгоор онлайнаар зохион байгуулж буй “Виртуал спортын наадам” нь амжилттай зохион байгуулагдаж, энэ сарын 30-ны өдөр өндөрлөх гэж байна. 

Монголын тусгай олимпийн хороо нь 2013 оноос эхлэн үйл ажиллагаагаа явуулж эхэлсэн бөгөөд Монгол даяар буй 50000 гаруй оюуны бэрхшээлтэй иргэдийн эрүүл амьдралын хэв маяг, идэвхтэй дасгал хөдөлгөөнийг дэмжих зорилгоор уг наадмыг зохион байгуулж байгаа билээ. Уг наадамд оюуны бэрхшээлтэй иргэд нас, хүйс харгалзахгүй оролцох боломжтой ба цаашлаад тусгай олимпийн хорооны тамирчин болон, бэлтгэл сургуулилтаа тасралтгүй үргэлжлүүлэн, гадаад дотоодын олон тэмцээнд оролцох боломжтой болох юм.

Та бүхэн энэхүү Виртуал спортын наадамд гимнастик, фитнес, сагсан бөмбөг гэсэн 3 төрлөөс аль нэгийг нь сонгон оролцох боломжтой түүнчлэн “Sport for all” фэйсбүүк хуудсаас илүү дэлгэрэнгүй мэдээллийг аваарай. 

Нийгэмд тэгш оролцоог бий болгоход таны, миний, бид бүгдийн оролцоо чухал тул та ойр дотны нэгнийхээ оролдлогыг урамшуулж, энэхүү тэмцээнд идэвхтэй оролцоход уриалан, дэмжээрэй. 

#БоломжийгБүгдэд

#Онцгойтамирчин

#Тусгайолимп

#Virtualsportgames