Монгол Улсын Засгийн газрын 2017 оны долдугаар сарын 4-ний өдрийн 199 дүгээр тогтоолоор “Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журам” шинэчлэгдэн батлагдсан.
Уг журамд Агаарын тухай хуулийн 14.1-д заасан нөхцөл шалгуурын аль нэгийг хангасан болон нийслэлийн гэр хорооллын өрхийн ахуйн хэрэглээ, халаалтын зориулалтаар хүйтний улиралд орой, шөнийн цагт хэрэглэсэн цахилгааны тарифыг 100 хувиар, аймгийн төв болон арван мянгаас дээш хүн амтай сум, суурин газрын гэр хорооллын айл өрхийн орой, шөнийн цагт хэрэглэсэн цахилгаан эрчим хүчний тарифыг 50 хувиар бууруулж хөнгөлөлт үзүүлж байв.
Нийслэл хот болон аймгийн төв, арван мянгаас дээш хүн амтай сум, суурин газрын гэр хорооллын айл өрхийн орой, шөнийн цагт хэрэглэсэн цахилгааны тарифт 2017-2019 онуудад нийт 29.0 тэрбум төгрөгийн хөнгөлөлт үзүүлсэн. Мөн түүнчлэн 2020 оны 1-3 саруудад 11.9 тэрбум төгрөгийн хөнгөлөлтийг хэрэглэгчдэд үзүүлжээ.
Аймгийн төв, арван мянгаас дээш хүн амтай сум суурин газрын агаарын бохирдлыг бууруулах, айл өрхөд санхүүгийн дэмжлэг үзүүлэх зорилгоор гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журамд өөрчлөлт оруулан, 50 хувиар хөнгөлж байсныг 100 хувиар тооцож хөнгөлөлт үзүүлэх шийдвэр гарсан.
Эдгээр айл өрхийн цахилгааны тарифын хөнгөлөлтөд 4.7 тэрбум төгрөг зарцуулна.
Энэхүү журам хэрэгжиж эхэлснээр Улаанбаатар хотод 117 мянган айл өрх, 21 аймгийн төв, Сэлэнгэ аймгийн Мандал, Өвөрхангай аймгийн Хархорин, Дорноговь аймгийн Замын-Үүд зэрэг 10 мянгаас дээш хүн амтай сум, суурин газруудад 72 мянган айл өрх, гэр хорооллын нийт 189 мянган айл өрх 100 хувийн цахилгааны тарифын хөнгөлөлтөд хамрагдах боломжтой болсон.
Гэр хорооллын хэрэглэгчдэд үзүүлэх тарифын хөнгөлөлт нь агаарын бохирдлыг бууруулах, мөн гэр хорооллын айл өрхийн хэрэглэгчдэд санхүүгийн дэмжлэг үзүүлэх гол зорилготой. Гэр хорооллын айл өрхийн орой, шөнийн цагт хэрэглэсэн цахилгаан эрчим хүчний тарифт хөнгөлөлт үзүүлснээр 220 В-ын хүчдэлийн түвшинтэй нэг өрх сард дунджаар 80000 төгрөгийн, 380 В-ын хүчдэлийн түвшинтэй нэг өрх сард дунджаар 160000 гаруй төгрөгийн хөнгөлөлт авах бүрэн боломж бүрдэж байгаа юм.
Монгол Улсын Засгийн газрын дээрх журмын дагуу стандартын шаардлага хангасан баталгаажсан тарифт тоолууртай, цахилгаан эрчим хүчний өр төлбөргүй гэр хорооллын хэрэглэгчид цахилгааны тарифын хөнгөлөлтөд хамрагдах боломжтой.
Монгол Улсын Засгийн газрын дээрх тогтоолыг хэрэгжүүлж агаарын бохирдлыг бууруулах зорилгоор нийслэл хот болон аймгийн төв, арван мянгаас дээш хүн амтай сум, суурин газрын гэр хорооллын өрхийн орой, шөнийн цагт хэрэглэсэн цахилгааны тарифт Төв, Зүүн, Өмнөд, Баруун бүс болон Алтай-Улиастайн бүсийн эрчим хүчний системийн нэгдсэн сүлжээнд холбогдсон гэр хорооллын тарифт тоолууртай өрхийн 1, 2, 3, 11, 12 дугаар сарын оройн 21:00 цагаас өглөөний 06:00 цагийн хооронд хэрэглэсэн цахилгааны тарифт хөнгөлөлт үзүүлж байгаа юм.
10 сэтгэгдэлСэтгэгдэл бичих
Тогоо 100% хөнгөлөх нэрийдлээр 10-р сарийн тогны мөнгийг нэг нуглаж бичсэн байна ШАЛГУУЛМААР байна.
Гэрээ зөвхөн цахилгаан зуух эсвэл цахилгаан паараар халаадаг иргэдийн цахилгааны төлбөрийг өдөр шөнө гэж ялгалгүй тавин хувиар бууруулчихсан дээр байх.
Tog 100% hongolno ch geh shig boliochee. Sotsiolist niigemiin iim hangamjuudaa boli odoo. Naad idej uudag mongoo oor ur ashigtai uls orond heregtei yumand zartsuulaachaachee.
bi ch gesen haluun huten usaa 100 hamaruulmaar baina,hen ni hamragdaad hen ni boldoggui yum,nasaaraa ajil hiij tatvar tuluj baihad
100%гэж иргэдийг дандаа хуурдаг балиар новшнууд. Яах вэ хөнгөлж л байгаа юм даа гэхээс биш, худлаа 100% гэж шаахаа больчих тодорхой хэсгийг л хөнгөлдөг гэж үнэнээ хэлж чаддаггүй хувалзнууд.
Энэ бичиж байгаа сурвалжлагч дутуу ажилладаг тархитай юм уу хаашаа юм бэ? Эхлээд 100% хөнгөлнө гэх юм, тэгсэн мөртлөө сүүл үрүүгээ 8000/160000 ₮ хүртэл хөнгөлөлт эдэлж болно гэх юм. 100% хувь хэмнэвэл тэрнээс илүү чбайж болно шүү. Худлаа мэдээлэл санаатай дөмжуулсан эсэхийг шалгах хэрэгтэй.
700 kw хүртэл 100 % хөнгөлдөгөө шөнийн хэрэглээг 100 хувь гээд л бх юм саяны өөрчлөлтөөр хөдөөгийнхөнийг л 50 хувь хөнгөлж байсныгаа 100 хувь болгосон юм байнашдэ хотынхон бол хуучнаараа л бгаа юм бна худлаа хуурах юм да
хуучин шиг 10 сараас байсан бол энэ жилийн хэдэн хүүхэд үхээчүү гүйчүү
Тарифын хөнгөлөлтөнд яаж хамрагдах уу? Бичиг баримт бүрдүүлдэг болов уу? Мэдэх хүн байна уу? Хаанаас лавлах вэ?
Хороон дээрээ яваад оч