Улсын онцгой комиссын хуралдаанаар дөрвөн асуудал хэлэлцжээ. Уг асуудлаар Шадар сайд, УОК-ын дарга Я.Содбаатар мэдээлэл өгөв. Тэрбээр "Улсын онцгой комиссын 31 дүгээр хуралдаанаар 4 асуудал хэлэлцлээ. Үүнд:
-Шадар сайдын 18 дугаар тушаалаар томилогдсон “Шуурхай бүлэг”-ийн орон нутагт ажилласан тухай
-“КОВИД-19” цар тахлаас урьдчилан сэргийлэх чиглэлээр авч хэрэгжүүлсэн арга хэмжээний талаар
- Хүнсний хангамж,нөөцийн өнөөгийн байдал, цаашид авах хэмжээний талаар
- Бусад гэсэн асуудлыг хэлэлцсэн юм.
Нэгдүгээрт, Баян-Өлгий аймгийн Цагааннуур боомт, Увс аймгийн Боршоо боомтыг түр хааснаас хойш УОК-ын Нарийн бичгийн даргаар ахлуулсан ажлын баг дээрх боомтуудад ажиллаж, нөхцөл байдалтай танилцлаа. Дээрх хоёр боомтыг гаригийн зохицуулалттай нээх асуудлыг шийдвэрлэх, эдийн засгийн тулгамдсан асуудлыг нь сонсож, холбогдох албаныханд үүрэг чиглэл өглөө.
Түүнчлэн үйлчилгээний албан байгууллага, нийтийн тээврийн хэрэгсэл, соёл, урлагийн тоглолт, спортын тэмцээн зэрэг олныг хамруулсан үйл ажиллагаанд очсон иргэдийг ариутгал, халдваргүйжүүлэлтийн дэглэм сахиулах, амны хаалт зүүлгэх зэрэгт хяналт тавихыг нийслэл, аймгуудын удирдлагуудад хяналт тавихыг үүрэг болголоо.
Алтанбулагийн боомтын ажилтай Эрүүл мэндийн сайд, ЗТХ-ийн сайд нарын ажлын баг ажиллаж байна. Алтанбулагийн боомт хамгийн эрсдэлтэй бүс байгаа” гэж үзсэн байна.
Монгол Улсад коронавирусийн халдвар дотооддоо тархаагүй тус өнөөдрийн байдлаар УОК-оос ямар нэг хориглолт, хязгаарлалт хийсэн шийдвэр гаргаагүй.
Өнөөдөр халдвар хамгааллын дэглэм сахих асуудал тун чухлаар тавигдаж байгаа бөгөөд дэлхий нийтэд СOVID-19 халдварын хоёр дахь давлагаа эрчимтэй явагдаж, өвчлөл нас баралт нэмэгдэж байгаа тул бид дотооддоо эрсдэлээ бууруулах арга хэмжээг авах зайлшгүй шаардлага гарч байгааг мэдэгдсэн.
COVID-19 халдвартай хүнийг эмчилж байсан сувилагчаас халдвар илэрсэнтэй холбоотой буруу ойлголт явж байна. Тухайн сувилагч бол дотроо буюу халдвар хамгааллын дэглэмдээ ажиллаж байсан бөгөөд ямар нэг байдлаар гадаад орчинд, энгийн иргэдтэй харилцсан зүйл байхгүй юм" гэв.
5 сэтгэгдэлСэтгэгдэл бичих
Наадмаас бусад баярыг зоригтойхон хорьчих.эрүүл байвал мянган баяр тэмдэглэсэн ч болно
ЗА ДАА АЮУЛ Ч ОИРХОН БАИНА ШҮҮ ОЛОН ТҮМЭЭН ... БОЛГООМЖ ХЭЗЭЭ Ч ИЛҮҮДЭХГҮИ ....МАСК ЗҮҮХ , ЗАИ БАРИХ , ШААРДЛАГГҮИ БОЛ ОЛОН НИИТИИН ГАЗРААР ЯВАХГҮИ БАИХ , ГЭХ МЭТ ХЭДХЭН ЗҮИЛИИГ БАРИМТАЛЧИХВАЛ ИХ Л ТУС НЭМЭРТЭИ ДЭЭ БИДЭНД .
wow
Hul horio, hyazgaarlalt enee teree togtooh bol nuuj haalgui erthen medeelel gargaarai daa. Idesh hooloo avah enee teree geed huduu gadaa yavah ajil uuseed baigaa shuu, ene ard tumend chini.
gaduur ih garahgvi b.val deerdee.hvvhdvvd haniad hvrehni ihesch b.a..hvmvvs haniaj naitaasan bj maskaa zvvhgvi yavah yum.olon orond hvnderch b.adaa