Коронавирусийн халдвар дотоодод тарсантай холбогдуулан Улаанбаатар хотын хэмжээнд бүх нийтийн бэлэн байдлын зэрэгт шилжээд буй. Улмаар хөдөө орон нутаг руу явах хөдөлгөөнийг хязгаарласан бөгөөд зайлшгүй хүндэтгэх шалтгаантай иргэд коронавирусийн шинжилгээ өгч, Улаанбаатараас хөдөө орон нутгийг зорьж байгаа юм.
Гэтэл зарим хувиараа хөдөлмөр эрхэлдэг иргэд Өмнөговь аймгийн Цагаан хад хилийн боомт болон Дархан-Уул аймгуудын нутаг дэвсгэрт коронавирусийн шинжилгээ өгөөгүй иргэдийг хулгайн замаар тээвэрлэж байна гэх мэдээлэл цагдаагийн байгууллагад иржээ. Уг мэдээллийн мөрөөр цагдаагийн байгууллага, аймгийн Онцгой комисс, Авто тээврийн төв хамтран хяналт шалгалт явуулж, шалгалтын хүрээнд зөвшөөрөгдөөгүй авто замаар хүн тээвэр хийсэн Өмнөговь аймагт 13 тээврийн хэрэгсэл, 13 жолооч, 28 зорчигч нийт 41 иргэн, Дархан-Уул аймагт 12 тээврийн хэрэгсэл, 12 жолооч, 17 зорчигч нийт 29 иргэдийг илрүүлсэн байна.
Улмаар Зөрчлийн тухай хуулийн 5.13, ЭХТА-ийн 15.6-д зааснаар зөрчлийн хэрэг нээжээ. Мөн зөрчлийн тухай хуулийн 4.2-т зааснаар зөрчил үйлдэхэд ашигласан эд зүйл, хэрэгслийг хурааж улсын орлого болгох саналыг аймгийн шүүхэд хүргүүлэхээр ажиллаж байгаа аж.
Иймд иргэд та бүхэн хулгайн гэх тодотголтой зөвшөөрөгдөөгүй замаар болон зөвшөөрөлгүй хот хооронд хүн тээвэр хийхгүй байхыг цагдаагийн байгууллагаас анхааруулсан байна.
Зөрчлийн тухай хуулийн 4.2 дахь хэсэгт: 4.2 дугаар зүйл. Зөрчил үйлдэхэд ашигласан эд зүйл, хэрэгслийг хураах
1.Энэ хуулийн тусгай ангид заасан тохиолдолд эрх бүхий албан тушаалтан зөрчил үйлдэхэд ашигласан эд зүйл, зэвсэг, хэрэгслийг хураана.
2.Зөрчил үйлдэхэд ашигласан тээврийн хэрэгсэл, уналгыг хураах, эсхүл түүний үнийг гаргуулах эсэхийг шүүх шийдвэрлэнэ.
3.Зөрчил үйлдэхэд ашигласан эд зүйл, хэрэгсэл нь зөрчил үйлдсэн хүний амьжиргааны эх үүсвэр болсон эд зүйл, хэрэгсэл бол тэдгээрийг хураахгүй.
4.Зөрчил үйлдэхэд ашигласан эд зүйл гэдэгт зөрчил үйлдэхдээ ашигласан зэвсэг, хэрэгсэл, эд зүйл, тээврийн хэрэгсэл, уналга, зөрчилтэй бараа, бүтээгдэхүүн, эд зүйлийг ойлгоно.
15 сэтгэгдэлСэтгэгдэл бичих
shuud buud
Хэлээд анхааруулаад байхад л яваад байх юмдаа эрүүл өвчин зовлонгүй газарт өвчин тээж яахнав дээ
Маш зөв ийм өвчтэй бга үед санаатайгаар хууль дүрэм зөрччөөд үүрэгээ биелүүлэх болохоор ингэж болохгүй тэгэж болохгүй гэж шалчигналгүй шууд хураалгах ёстой
Маш зөв машиныг нь хураагаад харуулж байгаад шууд шатаачих юм ойлгодгүй юмнуудад тэгж л ойлгуул
Зөв байнаа. Харин Их дээд сургуулиуд "танхимын сургалт" сэргээх талаар ярих болсон нь маш буруу шүү.Зөвхөн өөрсдөө "үнээгээ саах" гэж ийнхүү муйхарлаж байгаад гүнээ харамсаж байна
Zov shuu. Iim uyed huuli durem toohgui baigaa ulsiig ingehees oor yah yum be. Mashiniig ni huraagaad deerees ni torgo gedgiig demjij bna.
Порлетари диктатур тогтож социалист систем рүү бага багаар шилжиж бна Хүний хувийн өмч рүү чичрээл бх юм
Хүний амьруу чичрээд байгаа болохоор яая гэхэвдээ аргаа бараад л хурааж байгаа хэрэг.
Юм л бол ядарсан иргэдээ торгоно, хураана, хорино л гэдэг болж.
ӨНДӨР ДҮНГЭЭР ТОРГООД ТЭР ТОРГУУЛИА ТӨЛТӨЛ ЧИНЬ МАШИНЫГ ЧИНЬ ХУРААЛАА ГЭЖ ХУРААГААД ТӨЛӨХӨӨР НЬ МАШИНЫГ ӨГӨХ ХЭРЭГТЭИ ...ДЭЭР НЬ ЖОЛООНЫ ЭРХИИГ НЬ ХОЁР ЖИЛЭЭР ХАСАХ ХЭРЭГТЭИ ...
Xuue bolij uz tsagdaa naraa... xubi xunii ed xurungiig shuud xuraagaad yamar sotsializmiin ue bish dee... Arai dendenee erx barigchidaa
Avliga iheseh nidee
Зөв зөв бас тэр согтуу машин барьж байгаа бол шууд хурааж улсын орлого болгох хэрэгтэй дарга сайд хэнч байсан ялгаагүй ганц машин хураах ч биш дээр нь дахиад машин авах хэмжээний торгууль тавь төлж чадахгүй гэвэл удаан хугацаагаар ял биш тусгаарлаад чихийг нь алт болтол сургалтанд суулга
уг нь бол зөв. гэхдээ яг хурааж чадах уу
zuv