Монгол Улс, ОХУ-ын Засгийн газар хоорондын хэлэлцээрийн дагуу 93 сая ам.доллараар "ДЦС-IV" төрийн өмчит хувьцаат компанийн дөрвөн турбингенераторыг өргөтгөж Төвийн бүсийн эрчим хүчний системд холболоо. Ингэснээр манай улс ОХУ-аас авдаг эрчим хүчний импортыг хоёр дахин бууруулж, хэрэглээнийхээ 98 хувийг дотоодоос хангах боломж бүрдэж байна. 89 МВт-аар өргөтгөсөн нь 10 аймгийн төвийг эрчим хүчээр, 18 мянган айл өрхийн 150 гаруй орон сууцыг дулаанаар хангах хэмжээний хүчин чадал гэсэн үг юм.
Өргөтгөлийг ашиглалтад хүлээн авах ёслолд Монгол Улсын Ерөнхий сайд У.Хүрэлсүх оролцлоо. Засгийн газрын тогтоолын дагуу айл өрх, аж ахуйн нэгжийн цахилгаан, дулааны төлбөрийг 2021 оны 07 дугаар сарын 01 хүртэл төр хариуцах болсон. Цахилгаан, дулааны хэрэглээний өсөлтийг найдвартай хангах, өвлийн оргил ачааллыг даван гарахад энэ өргөтгөл чухал хувь нэмэр оруулна гэдгийг тэрээр тэмдэглэж, гүйцэтгэгч компаниудад талархал илэрхийлэв. Мөн ойрын гурван жилд Тавантолгой, Чойбалсан, Амгалангийн цахилгаан станц, Эрдэнэбүрэнгийн усан цахилгаан станцыг шинээр барьж, өргөтгөхөөр зорьж байгааг хэлэв.
Цахилгаан станцын өргөтгөлийг "ДЦС-IV" болон ОХУ-ын "Уралын турбин завод" компанийн инженер, техникийн ажилчид хамтран хийлээ. Туслан гүйцэтгэгчээр "Ган цагаан өргөө", "Морьтон", "ББЗБ", "Эрчим сервис", СММ", "Монкран консалтинг", "Бестпрайс", "Ханжинбулаг", "Шинэ эхлэл төсөөлөл", "Ди Ти Юу" компани ажиллажээ. "ДЦС-IV" компани Төвийн бүсийн эрчим хүчний нэгдсэн системийн цахилгааны 70, Улаанбаатар хотын дулааны эрчим хүчний 65 хувийг үйлдвэрлэж байна гэж Засгийн газрын Хэвлэл мэдээлэлтэй харилцах хэлтсээс мэдээллээ.
11 сэтгэгдэлСэтгэгдэл бичих
Хүрэлсүхэд маш их баярлаж байна. Улс орны нэн хэрэгцээт зүйлсийг өөрсдөө хангана гэсэн зорилтондоо удахгүй хүрэхийг хүсэн ерөөе.
Хэдэн 10 хүн бөөгнөрөөд нээлт хийж баярын зоог барьж болдог. Иргэд хэдүүлээ салхинд гарахаар буутгадаг Сонин ДЭгЛЭМ юмаа
AH-daa bayarlalaa
Эгийн голын усан цахилгаан станцыг барих асуудлыг шийдвэрлээд барьчихвал Монгол Эрчим хүчний гачаалаас гараад зогсохгүй усан сангийн арвин их нөөцтэй болохоос гадна хөрсний, гүний усны нөөцөд сайнаар нөлөөлөх юм шүү...
89МВтр юу гэж тийм юмнууд бархав дээ хийгддэг л 1 өргөтгөл шүү дээ
Bagaaraa sain shiidverlej sain ajillaj baina.Ulam erch huchtei ajillahiig husie!!!!!
tegeed 1 baahan haluun usni turba end tendgui tavidagaa bolih heregtei,zuvhun tog garga,usaa barinihaa door boliurt tsahilgaanaar halaaj bai.
коммунист нам гэж хараан зүхээд байдаг хүмүүс уншаасай билээ.
АН 123 МВт р өргөтгөж байлаа гэж
маш сайн байна энэ засгий газар сайн ажиллаж байгаа шүү
мөн ч их хүлээсэндээ. Тусгаар улс ийм л байх учиртай. Гайхалтай ажил, гайхалтай баг .Та бүхэндээ баярлалаа.