Сонгууль бүрийн өмнө, хойно АН-ынхаа хөлөө жийлцэхээрээ намын байрныхаа тухай ярьдаг ганц сэдэвтэй. Үнэндээ ч Ардчилсан намын тухайд эмзэг сэдэв. Уг нь бол 2016 онд С.Эрдэнэ АН-ын дарга болохдоо амласан амлалт нь “намыг би байртай болгоно” гэж том дуугарсан. Харамсалтай нь С.Эрдэнэ дарга ХАХНХ-ын сайд байхдаа Хүүхдийн паркийн газраас хумсалж авсан газартаа Хөгжлийн бэрхшээлтэй хүүхдийн сургалтын төв барихаар авсан ч зориулалтыг нь өөрчилж хувьдаа авсан байшингыхнаа баруун хаяаг АН-д түрээсээр байлгасаар 2020 оны УИХ-ын сонгуульд намаа ялагдуулсан.
Ардчилал намын үндсэн дүрмийн дагуу сонгуульд ялагдсан намын дарга огцрох учиртай учир ажлаа дэд дарга Ц.Туваанд хүлээлгэж өгөхдөө байрнаасаа намаа хамт хөөгөөд гаргачихсан. Гэтэл орох оронгүй болсон Ардчилсан нам , Шинэ намын төв зөвлөлийн дарга Л.Болдын байшинд нүүж орсон байдаг. Өдгөө АН хоёр даргатай ч юм шиг , хоёр байртай ч юм шиг энэ үед намын байрны тухай Ерөнхий нарийн бичгийн дарга асан Ц.Оюундарь шинэ оны дараахан анх удаа ам нээж байгаагаа илэрхийлэхдээ “2000 оны сүүлээр ардчиллын төлөөx таван нам нэгдэxэд МСДН-аас бусдад нь ямар ч байр байгаагүй. Шинэ Дэвшилт Холбооныхон Төв шуудангийн урдах байрандаа МҮАН-ыг байлгадаг байсан ч, өмчлөгч нь ШДХ хэвээрээ байсан. Одоо ч хэвээрээ. Харин 2006 онд МСДН-ын байрыг АН-ын төв байр болгон засч төвхнүүлсэн.
Тухайн үед АН-ын Ерөнхий нарийн бичгийн даргаар Д.Эрдэнэт, намын дарга Н.Алтанхуяг байсан. Өөрөөр хэлбэл тухайн АН түүхэндээ анх удаа албан ёсоор байртай болсон гэсэн үг. Ингээд 2008 оны үед 2010 онд тохиох Ардчилсан хувьсгалын 20 жилийн ойгоор “Ардчиллын өргөө” барья гэдэг төсөл гарч ирснээр хүзүүвч нурж, АН дахин байргүй болсон. Ингээд “Ардчиллын өргөө” бариx fundraising буюу хөрөнгө босголтын кампанит ажлыг Д.Эрдэнэбат гардан эхлүүлж, гишүүдээс болон компаниудаас жил шахмын хугацаанд нэлээдгүй мөнгө цуглуулсан ч, цугласан мөнгө нь “Ардчиллын өргөө”-ний зураг төсөл, инженерийн тооцоолол гаргах, хуучин хүзүүвчний барилгыг нурааx, суурийн нүxийг уxаx зэрэгт зарцуулагдаад, хүрэхтэй үгүйтэй дууссан байдаг юм. Ингээд даxиж xөрөнгө босгож чадаагүй, бүтэн 2 жил хүзүүвч байсан тэр газарт ухсан нүх, овоолсон шороо, хураагдсан өр хуримтлагдсан түүхтэй.” гэсэн юм.
Тухайн үед Д.Эрдэнэбатаас намын ерөнхий нарийн бичгийн даргын албыг Ц.Оюундарь авсан. Ц.Оюундарын хэлсэн шиг хурааж хуримтлагдсан өр үлдээсэн гэхээсээ илүү СТӨ-ний хүзүүвчний барилгыг газрын хамт албан ёсоор өөрийн болгох ажлыг Д.Эрдэнэбат хийсэн байдаг юм. Мөн тухайн үед үйл ажиллагаагаа явуулах эрх байсан ч улсаас албан ёсоор өгөөгүй байсныг Д.Эрдэнэбат тус барилгыг газрын хамт намдаа хувьчилж авахын төлөө ажиллаж, түүнийгээ биелүүлж чадсан. Гэхдээ түүний намдаа албан ёсоор авч ирсэн байр, газрыг АН анх төлөвлөснийхөө дагуу үр дүнтэй ашиглаж чадаагүй.
Д.Эрдэнэтбатын тухайд АН-ыг түүхэндээ анх удаа намын байртай болгосон гэдгийг уг нь журмын нөхрийн хувьд ч намын нарийн бичгийн даргын зовлонг ойлгох хүний тухайд ч Ц.Оюундарь мэдэх учиртай. Гэтэл өр үлдээсэн гэж өдгөө өчихөөсөө илүү гавъяаг нь түрүүлж дурдах байлтай.АН одоо ч гэсэн малгай тавиул манайх гэдгээр хажуу өрөө хөлсөлсөөр л яваа. Харин Д.Эрдэнэт одоо 4.6 жилийн хорих ял сонсоод “аавынд” сууж байгаа уг нь Монголчууд унасан хүнийг дэвсэлдэггүй заншилтай ч Ц.Оюундарь хатагтай эсрэгээрээ бололтой.
6 сэтгэгдэлСэтгэгдэл бичих
АН ынхан хувьчлал нэрээр бүгдийг хулгайлж, дээрэмдэж, нурааж, сүйтгэсэн дээ хөөрхий...
Анх ардчилал улс төрийн товчооны гүшүүдийн тусгай эрх яамбийг халья, тэгш эрх эдлэе, унаа тэрэгийг нь хураая гэх мэтээр туг лоозон барьж жагсаж төр засгийн ЭРХИЙГ авсан гэтэл өнөөдөр тэр хүмүүс шиг идэж ууж ,улс эх орны минь газар шороо баялаг, үе үеийн хүмүүсийн хамаг хөлс, хүчээ барж бүтээсэн бүхнийг ардчилал нэрээр хуурч толггой угааж БАЯЖЛАА БАС ДАХИН БАЯЖЛАА энэ үнэн явдал ман үү???!!!!
Эрдэнэт, Эрдэнэбат гэж 2 өөр хүн байна уув Ойлгосонгүй ээ
Bvvr hasuul daarana
ODOO ENE AH-GEJ DONGOSXOO BOLMOOR JUM AA ENE PIZDAASHIG NAM MONGOLD XEREGGYI MAH-CH GESEN XEREGGYI
Nugel hiivel uiliin uriig edleh l yostoi. AN uls ornoo suiruulj, uursduu targan targan bayachuul bolson. Odoo bur nam ni tarah ni.