Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуульд өөрчлөлт оруулах хуулийн төслийг санаачлан УИХ-д өргөн барьсан талаараа УИХ-ын гишүүн С.Чинзориг, Г.Тэмүүлэн нар мэдээлэл хийлээ.
Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуулийг С.Чинзориг нарын гишүүд санаачлан 2017 онд УИХ-аар батлуулсан бөгөөд хууль 2020 оны нэгдүгээр сарын 1-нээс 12 дугаар сарын 31-ний хооронд хэрэгжсэн бөгөөд дээрх хуулийн үйлчлэлд 28.1 мянган иргэн хамрагдаж, тэтгэврийн даатгалын санд 42.2 тэрбум төгрөг төвлөрүүлэн, 8800 малчин хувиараа, хөдөлмөр эрхлэгчийн тэтгэвэрт 37.3 тэрбум төгрөг зарцуулахаар тооцсон.
Нийгмийн даатгалын байгууллагын 2020 оны 12 дугаар сарын мэдээгээр хамрагдвал зохих иргэдийн 33 хувь буюу 9.2 мянган малчин, хувиараа хөдөлмөр эрхлэгч хамрагдаж, 17.7 тэрбум төгрөгийг тэтгэврийн даатгалын шимтгэлийг нөхөн төлсөн байна. Эдгээр иргэдээс 6.5 мянган иргэн шинээр тэтгэвэр тогтоолгож, тэтгэвэрт 9.8 тэрбум төгрөг зарцуулсан байна.
Хууль хэрэгжих хугацаанд дэлхий дахинд Ковид-19 цар тахал дэгдэж, коронавирус халдварын цар тахалтай тэмцэх арга хэмжээг эрчимжүүлэх, урьдчилан сэргийлэх зорилгоор улсын хэмжээнд хөл хорио тогтоож, бүх нийтийн бэлэн байдлын зэрэгт шилжүүлсэн, зарим аймагт зуншлага оройтсоноос өвөлжилт хаваржилт хүндрэх эрсдэл үүсч отор нүүдэл ихтэй байгаа зэрэг тодорхой хүчин зүйлүүдийн улмаас малчин, хувиараа хөдөлмөр эрхлэгчдийн бизнесийн үйл ажиллагаа доголдож орлого буурч, нийгмийн даатгалын шимтгэлээ нөхөн төлөх боломжгүй болсон зэрэг шалтгааны улмаас хуулийн үйлчлэх хугацааг сунгах шаардлага бий болсныг төсөл санаачлагчид танилцуулсан.
Хуулийн хугацааг сунгаснаар 1995 оноос 2017 оныг дуустал хугацаанд малчнаар ажилласан болон хувиараа хөдөлмөр эрхэлж байсан тэтгэврийн даатгалын шимтгэлээ тухайн хугацаанд нь төлж чадаагүй 15-60 насны иргэд хамрагдаж шимтгэлээ нөхөн төлөх боломжтой юм.
Шимтгэлийн хувь хэмжээ нь хөдөлмөрийн хөлсний доод хэмжээний 10 хувьтай тэнцүү байхаар Засгийн газраас тогтоосон бөгөөд малчин болон хувиараа хөдөлмөр эрхлэгч байсан иргэн тэтгэврийн даатгалын шимтгэлийг нөхөн төлөх хүсэлтээ өөрийн харьяалах нийгмийн даатгалын байгууллагад гаргана.
Тасарсан хугацааныхаа тэтгэврийн даатгалын шимтгэлийг нөхөн төлснөөр 20-иос доошгүй жил шимтгэл төлсөн үүнийхээ 15 жилд нь малчнаар ажилласан эрэгтэй 55 нас хүрсэн бол, мөн хугацаанд шимтгэл төлсөн ба 12.5 жилийн хугацаанд малчнаар ажилласан эмэгтэй 50 насандаа тэтгэвэр тогтоолгох эрхтэй юм.
8 сэтгэгдэлСэтгэгдэл бичих
ulsad negch togrogiin tatvar toldoggui muuhai zavaan yumnuudiig oogshuulehee bolii hotiin humuus bugd tetgevert gartlaa tatvaraa tolj baij tetgever togtoolgodog hezeech iim baij bolohgui
Яахаараа 1995 оноос хойш ндш ийг 2017 оны хөдөлмөрийн хөлсний доод хэмжээнээс төлүүлдгийн??? тухай тухайн оныхоор нь төлүүлээч наадах чинь хууль бус. Чинзоригоо санд тэгж хуримтлал үүсгэхгүй шүү!!!
ТУХАЙН ОНЫХОО ЦАЛИНГИЙН ДООД ТҮВШИНГЭЭР ТӨЛҮҮЛ ҮНЭНД НИЙЦМЭЭР БАЙХ ЮМ. ЗААВАЛ ТАТВАХ ТӨЛСӨН БАРИМТ Ч ГЭХ ШИГ
Хуулиа өргөн барихдаа өмнөх хуулийн алдаа оноо юун болохгүй байгааг ард түмнээсээ асуугаач ээ Энэ хууль ард иргэдэд их хэрэгтэй олон заалт орхигдсон тунхаглалын шинж ихтэй хүнд суртал чирэгдэл олонтой заалт их байгааг яагаад сайжруулсангүй вэ
Бүх хүмүүсийг нэгдсэн нэг журмаар явуулмаар байна
Хүн амын орлогын албан татвар төлдөггүй бол хамрагдахгүй гэхийн.Нэг бол зөвхөн малчид нөхөн төлнө л гэж ярихын.НДГ ын ажилтнубдыг нэгдсэн нэг дүрэм журмаар явуулмаар юм шиг санагдах юм.өндөр төлж бно гээд л байхаар нь төлж бсан чинь НД ын нэг их мэдэгч боль гээд өнгөрсөн жил болиулсан.Аль нь зөв юм бол доо.Над шиг ойд төөрсөн сармагчин лугаа олон хүнд цэгцтэй нэг хариулт чиг үүрэг байж гэмээнэ ойлгох буй за
Би 2000 оноос хувиараа хөдөлмөр эрхэлж татвар төлж бна Гэтэл СХД-ийн татварын газраас тодорхойлолт авах гэтэл 5 жил болоод архиваа устгадаг гээд энэ хуулинд хамрагдах боломжийг минь хаасан Энэ архив устгадаг гэж үнэн үү эсвэл тэнд ажилдаг хүний ажилаа мэдэхгүйн шинж үү
худлаа юу гэж архив устгахын