Улсын онцгой комисс хуралдан "Ковид-19" цар тахлын нөхцөл байдал, цэцэрлэг, ерөнхий боловсролын сургуулийн хоёрдугаар улирлын хичээл эхлүүлэх болон бусад асуудлыг хэлэлцэв.
Хичээл эхлэхтэй холбогдуулан Боловсрол, шинжлэх ухааны яам цар тахал болон томуу, томуу төст өвчний нөхцөл байдал, цаг агаарын урьдчилсан төлөв, өвөлжилт хүндэрсэн аймаг, сум болон отроор яваа малчин өрхийн мэдээлэл зэргийг нэгтгэн судалгаа хийсэн байна. Судалгаанаас үзэхэд томуу, томуу төст өвчний амбулаторийн үзлэг улсын хэмжээнд 2,4 хувьтай. Он гарсаар цэцэрлэг, сургуулийн насны 9400 орчим хүүхэд эмнэлэгт ханджээ.
2-4 дүгээр сард найман аймагт олон жилийн дунджаас ахиу цас орох хэдий ч нийт нутгаар хүйтний эрч өмнөх жилүүдийн түвшинд байна. Отроор болон өвөлжилт хүндэрсэн нутагт өвөлжиж байгаа 26 мянга гаруй өрхөд цэцэрлэг, сургуулийн насны 20 орчим мянган хүүхэд байна.
Энэ бүхнийг харгалзан хичээлийг 2021 оны хоёрдугаар сарын 01-ний өдрөөс нэг сарын хугацаанд теле болон цахимаар явуулахыг Улсын онцгой комисс дэмжив. Салбарын яам гуравдугаар сарын нэгнээс нийслэлийн бага ангийн сурагчид танхимд, дунд, ахлах ангийнхан хосолсон хэлбэрээр хичээллэх санал, хувилбар дэвшүүллээ. Бүх шатанд бэлтгэлээ бүрэн хангасны дараа тухайн үед нь дахин хэлэлцэх нь зүйтэй гэж үзлээ. "Ковид-19" цар тахалтай тэмцэх хүрээнд иргэдийн эрүүл мэндийг хамгаалахын зэрэгцээ эдийн засгаа сэргээх бодлого хамт хэрэгжих ёстой. Иймээс энэ чиглэлээр цогц төлөвлөгөө гаргаж Засгийн газрын хуралдаанаар батлуулахаа Монгол Улсын Шадар сайд, Улсын онцгой комиссын дарга С.Амарсайхан хэлэв. Мөн хилийн чинадад байгаа иргэдээ аль болох богино хугацаанд авчрах, гадаадын агаарын тээврийн компаниудыг ашиглах талаар Засгийн газарт танилцуулж шийдвэр гаргуулахаар төлөвлөсөн байна. Улсын онцгой комиссын энэ удаагийн хурлаар Цагаан сарын баярын үеэр хөл хорио тогтоох эсэх талаар хэлэлцээгүй гэж Засгийн газрын Хэвлэл мэдээлэлтэй харилцах хэлтсээс мэдээллээ.
14 сэтгэгдэлСэтгэгдэл бичих
Цагаан ,сарыг ,ойлгомжтой шийдвэр ,гаргаж ,хорихгүй ,бол 5 ,хоног ,юу хийхэв. ойлгомжтой. Эрх ,баригчид ,шийдвэртэй баймаар. Одоо ,дэлгүүрээр хэсээд эхэлчихэж.
Энэ цагаан сар хийнэ гэж зүтгээд байгаа хүмүүс "ХАМГИЙН СҮҮЛчИЙН" цагаан сараа хийх гэж үнэхээр хүсээд байгаа юм уу ? Хэрэв тийм биш л бол одоо болимоор байна шүү
Хатуу хөл хорио тогтооно гэдгээ түргэн зарлаачээ.Хүмүүст эргэлзээ төрүүлээд байна.
Манай шинэ дарга нар хөл хорио тавихгүй байхаар шийдэж бгаа юм уу, цагаан сараар бүгдээрээ золголт хий , корона тусвал тусаг гэж бгаа юм уу. Яагаад хөл хорио тавих шийдвэрээ урьдчилан ард иргэдэдээ зарлахгүй байгаа юм бэ.
НЭТЭЭР ЯВААД БАЙГАА ЭРҮҮЛ МЭНДЭД ИЙМ ТУСТАЙ ИЙМ САЙН ИНГЭЖ ЭМЧИЛ ГЭДЭГ ЮМАНД БИТГИЙ ИТГЭЭРЭЭ БУУХ ЭЗЭНГҮЙ МОНГОЛЫГ СӨНӨӨХ ЗОРИЛГОТОЙ ХЯНАЛТ ФИЛТЭРГҮЙ ЮМ ИХ ЯВЖ БНШҮҮ МЭРГЭЖИЛИЙН ЭМЧИДЭЭР ОЧООРОЙ.ЭНЭ НҮҮРГҮЙ ЯРГАЧАНГУУД АРАЙ ДЭНДЭЖ БАЙНАА
ок
Монголын уламжлалт цагаан сараар ахмадуудтайгаа цахимаар мэндчилэн золгосон нь дээр байх о, харин ахмадуудынхаа тэтгэвэрийг нь хэдэн төгрөгөөр нэмээд өгчвөл ахмад буурлууд маань баярлана шүү дээ
Дэмжиж байна зөв зөв тэр нь дээр корона халдварт өвчин, бас улирлын томуу, идэр есийн дүн хүйтэн гээд хэцүү. Угаасаа нэг үеээ бодход хүүхдүүд, багш нар, эцэг эх гээд бүгд цахимаар хичээллээд сурчихсан шүү дээ. Багш нар ч сайн зааж байгаа. 3-р сарын 1-нд цар тахлын байдлын явцыг бас харах хэрэгтэй. Боломжгүй бол үлдэх 3, 4, 5 саруудад цахимаар ороод төгссөн ч болно шүү дээ
Тэнэгтээд байгаарай.Өнгөрсөн жилийн 1-р сараас хойш цахим нэртэй цусгүй алуулсан ялангуяа 1,2-р ангийн хүүхдүүд юүчгүй болоод байна.БШУЯ хүн ард,айл өрхийнхөө амжиргааны түвшин,суралцах орчинг харгалзахгүй цахим хичээл нэртэй халтуурдаж багш нар нь цалингаа бүтэн авч гэртээ жаргаад зарим нь хаана ч хамаагүй яваад хайран улсын төсөв
ТЭР НЬ ДЭЭР ЗӨВ ШИЙДВЭР БАЙНА ДЭМЖИЖ БАЙНА. КОРОНА ӨВЧИН ӨДӨР БОЛГОН ОЛНООР ГАРЧ БАЙХАД ХҮҮХДҮҮД ХАЛДВАР АВБАЛ ГОРЬГҮЙ ШҮҮ ДЭЭ. 3-Р САРЫН 1-НД Ч ГЭСЭН ТУХАЙН БАЙДЛЫГ БАС ХАРАХ ХЭРЭГТЭЙ ЭРҮҮЛ ЯВАХАД УЧИРТАЙ ШҮҮ ДЭЭ
Цагаан сараар одоогийн байдлаар хатуу хөл хорио тогтооно,зөвхөн гөр бүлийн хүрээнд тэмдэглэнэ,гадуур огт хэсүүлэхгүй гэсэн өмнөх засгийн газар онцгой комиссын шийдвэрийг бататган сануулж тодорхой ойлголт өгөхгүй бол энэ засгийн газар хөл хориог сулруулж тэмдэглэж магадгүй гэсэн эргэлзээ далд ухуулга яваад эхэллээ.Хориглоно гэсэн ойлголтоор бэлтгэлээ хангаагүй хүмүүсийг гэнэт сандралд оруулбал эдийн засгийн хувьд туйлдсан иргэдээ улам хүндрүүлэх,цар тахлынхаа халдварыг хяналтаас бүрэн алдах аюултай гэдгийг шинэ засаг минь анхаарах байгаа.
Цагаан сар-аар хөл хорио тогтоосон зөв. Утас болон цахим-аар амхад, буурлуудтайгаа ярьж золголт хийе. Албатай юм шиг өнгө хээ нь тохироогүй дээл, хөлөө өргөж чадахааргүй томдсон монгол гутал, аль үеийн ямар утга агуулгатайн үл ойлгогдох төмөр бүс зүүж "хошин шог"-ийн тоглолтын жүжигчид шиг алиалж амьдрахаа больцгоое.....
Үнэхээр маш үнэн үг байна