Засгийн газрын ээлжит хуралдаан 2021 оны 02 дугаар сарын 17-ны өдөр боллоо.
Банк, санхүүгийн байгууллагуудтай хамтран ажлын байрыг дэмжих, хөдөө аж ахуйн зээлд хамрагдах зээлдэгч нарт үзүүлэх хүүгийн хөнгөлөлтийн зардлыг батлагдсан төсвийн хүрээнд зохицуулалт хийх замаар олгох, 2022-2024 онд шаардагдах зардлыг жил бүрийн төсөвт тусгаж байхаар болов. “Зээлийн батлан даалтын сан”-гийн санхүүгийн чадавхийг нэмэх зорилгоор 50 тэрбум төгрөгийн өрийн хэрэгсэл гаргахыг зөвшөөрөв. Өрийн хэрэгслийг Хадгаламжийн даатгалын корпорациас худалдан авч, Зээлийн батлан даалтын сангийн өөрийн хөрөнгийг нэмэгдүүлэхээр гаргасан хөрөнгийг 10 жилийн хугацаанд жил бүр тэнцүү хэмжээгээр төсөвт тусган санхүүжүүлнэ. Ажлын байрыг дэмжих зээлтэй холбоотой гэрээг Монголбанк, Зээлийн батлан даалтын сан, Хадгаламжийн даатгалын корпораци, банкууд байгуулах юм. Төлөвлөгөөг хэрэгжүүлэх явцад инфляци өсөхгүй байх, өргөн хэрэглээний бараа бүтээгдэхүүн, шатахууны үнийн хөөрөгдөл гарахаас урьдчилан сэргийлэхийг Монгол Улсын Ерөнхий сайд Л.Оюун-Эрдэнэ сануулав. Засгийн газар мөнгө хэвлэхгүй, Монголбанкинд байгаа найман их наяд төгрөгийг эргэлтэд оруулах замаар эдийн засгаа идэвхжүүлж, ажлын байр бий болгон, иргэдээ орлоготой байлгахаар зорьж байгааг хэлэв.
“Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-нд:
- Жижиг, дунд үйлдвэрлэл, үйлчилгээ эрхлэгчдэд жилийн гурван хувийн хүүтэй, гурван жилийн хугацаатай хоёр их наяд төгрөгийн зээл
- Залуучуудыг ажил, мэргэжилд бэлтгэх, эрүүл чийрэг, идэвхтэй амьдралын хэв маягт хөтлөх хоёр сарын хугацаатай, сарын 500 мянган төгрөгийн тэтгэлэгт сургалтад хамруулахад 500 тэрбум төгрөг
- Эхний ээлжинд Улаанбаатар хотод барих “Залуус I, II, III” хорооллын дэд бүтэц, газар олгох, орон сууцыг нэг маягийн зургаар барих, ипотекийн хөнгөлөлттэй зээл олгох зэрэгт гурван их наяд төгрөг
- Стратегийн ач холбогдол бүхий томоохон төсөл, хөтөлбөрүүдийг хэрэгжүүлэхэд хоёр их наяд төгрөг
- Хөдөө аж ахуйн үйлдвэрлэл, малчдын орлого, амьжиргааг дэмжих зорилгоор 500 тэрбум төгрөг
- Монголбанкны жилд нэг их наяд төгрөг байгаа репо санхүүжилтийг хоёр их наяд төгрөг болгож нэмэх /ингэхдээ жижиг, дунд үйлдвэрлэл эрхлэгчдэд олгох 300 сая төгрөгийг 500 сая, уул уурхайн бус экспортын үйлдвэрлэл эрхлэгчдэд олгох нэг тэрбум хүртэл төгрөгийг гурван тэрбум хүртэл болгох/-ээр тусгажээ. Цар тахлын улмаас 2019 онд 5,2 хувийн өсөлттэй байсан эдийн засаг 2020 оны хүлээгдэж байгаа гүйцэтгэлээр зургаа орчим хувиар унаж огцом агшсан. Үүнийг даган 46 мянга гаруй аж ахуйн нэгжид ажиллагсдын тоо гэхэд л 2020 оны гуравдугаар улиралд 70 мянгаар буурчээ. Энэ бүхнийг харгалзан Засгийн газар иргэдийн эрүүл мэндийг хамгаалах, эдийн засгаа сэргээх бодлого, зорилтыг 2023 он хүртэл зэрэг хэрэгжүүлэхээр шийдвэрлэсэн юм. Төлөвлөгөө хэрэгжсэнээр эдийн засгийн үзүүлэлт энэ онд 2019 он буюу цар тахлаас өмнө байсан хэмжээнд очно гэж тооцоолж байна.
17 сэтгэгдэлСэтгэгдэл бичих
вакцин хийчихээд байхад зун аялаж зугаалж болохгүй юу. Хүмүүсийн өөрийн хэдэн төгрөгөөр лаагаа иднэ үү. луувангаа иднэ үү ямар хамаатай вэ? Өөрсдөө төсвийн мөнгөөр зугаалахаа л боль
10 их наяд гээд хэдэн ч өдөр пи арддагийн Тэр мөнгөнөөс чинь угаасаа хүртэх ямарч боломжгүй айл өрх мааааааш олон байгаа Тэгэхээр наад төлөвлөгөө нтр гэж хийрхээд байлгүй бодит мөнгөн орлого олох ямар ажил байна тэрийг л хиймээр санагдах юм . Залуучуудыг сургаад тэгээд ажлын байртай болготол зай ч байна лай ч байна Тэр хүртэл яах ёстой вэээээээ ОЮУН-ЭРДЭНЭЭ амьдрал дээрээ буул даа
худлаа ярьж цаг барж байхаар ямар ч байсан хөдлөх нь зөв худлаа бие биеээ хардсаар мэлхий шиг хөдөлж байна гэтэл цаг хугацаа биднийг хүлээхгүй 55, 60 хүрэсэн хүмүүсээ түргэн тэтгвэрт нь гаргаж залуучуудад зай гаргах нь зөв харин тэтгэвэрээ дийлэхүү
Энэ хүзүүгүй нөхөр худлаа шаалтаар элбэгдоржийг хол хаялаа шүү, 400 сая жуулчинаар эхэлсэн 10 их наядаар үргэлжлэх нь цаашид яаж бүлтрэх юм
Өчигдрийн байдлаар дэлхий дээр ковид-19-өөр өвдсөн нийт хүмүүсийн тоо 138036.36 ба ковид-19-өөс үхсэн нийт хүмүүсийн тоо 3051.16.
Тэр 2 сарын хугацааны 500,0 төгрөгийн сургалт нь ерөнхийлөгчийн сонгуулийн суртилчилгааны ухуулагч нарт өгөх мөнгө байх, 2 их наядын зээл ч адил ухуулагч нарт л олдох байх
Цаасан дээрх гоё төлөвлөгөөгөөр болсон бол ч өдийд азийн бар болчихсондоо.Наад короногоо дарж авчихаад эдийн засаг масагаа ярь.Хийрхэж дэвхцэж байж баахан хүн цааш харуулавдаа.Уул үзээгүй хормой шууж,ус үзээгүй гутал тайлцгаагаад Чингис хаанд алуулдаг арабууд шиг хөөрцөгөлж онгирцгоогоод короног сөрнө ч гэх шиг.
төрийн захиргааны болон төрийн үйлчилгээний байгууллагад ажиллаж байгаа тэтгэврийн насны 17600 хүнийг тэтгэвэрт нь гаргаж залуучуудад ажлын байр гаргаж өг
Ард түмнээ хаяад зугтсан Хүрэлсүгийг ерөнхийлөгч болгох төлөвлөгөө... Ард түмэн тусгаар тогтнолыг сүйтгэх төлөвлөгөө
Мянган удаа батлаад ч хэрэггүй хэрэгжихгүйгээс хойно хэдэн жилийн өмнө ярьж л бсан одооч ярьж л бна
Amid yaavax xvsel alga
Надень скафандр! Отталкиваться будем!
Ингэж олигархуудын бизнес аврагдлаа. Харин манай улс 24 оны дампууралдаа одооноос бэлдэх хэрэгтэй боллоо.
Ямар ч хэрэггүй үрэлгэн нийгмийн халамж өгч байснаас эдийн засагаа аврах энэ цогц төлөвлөгөөг дэмжиж байна. Өрх болгонд 1 сая төгрөг байснаас хэд дахин тус болох байх шүү
Баахан тоо нэмж хасчихаад хөөрцөглөөд бодит байдал тоо 2 чинь өөр дөө .Цаана чинь хүн байдаг юм Хүмүүсд чадал чадвар бий юу?Хоосон дэвэхээ болимоор юм.
setge.mn
Чи өөрөө хоосон хардаж өөрийгөө бүү зовоо