Монгол Ардын Нам бол 1921 онд ард түмнийхээ тэмцлийг удирдан манлайлж, тусгаар тогтнолоо сэргээн мандуулж, ээдрээт цөвүүн цаг үеийн хүнд бэрх сорилт бэрхшээлд нугаралгүй эр зориг, эв хамтын хүчээр даван туулж, эх орноо хөгжил дэвшлийн замд хөтлөн, ардчилал, эрх чөлөө, эв нэгдлийг түүчээлэн нэгэн зууны түүхэн их үйлсийг бүтээсэн Монголын улс төрийн ууган хүчин билээ.
Монголын ард түмний хорьдугаар зууны соёл иргэншил, үндэсний сэргэн мандал, Монгол Улсын өрнүүн их бүтээн байгуулалт, хөгжил дэвшлийг бүтээсэн Монголын улс төрийн ууган хүчин Монгол Ардын Нам үүсэн байгуулагдсаны түүхт жилийн ойн баярын мэндийг өргөн дэвшүүлье!
Манай нам тэртээх зуун жилийн өмнө Ардын хувьсгалыг манлайлан удирдаж, алдагдсан эрхээ эргүүлэн аваад эдийн засаг, аж ахуйн хувьд туйлдан доройтсон, соёл, боловсрол хоцрогдсон, өвчин эмгэгт баригдаж, үндсэндээ мөхлийн ирмэгт тулсан ядуу буурай ард түмэн, улс орноо сэргээн босгож, Анхдугаар Үндсэн хуулиа батлан, тусгаар тогтнолоо дэлхий дахинд хүлээн зөвшөөрүүлж, Бүгд Найрамдах Монгол Улсаа тунхаглан НҮБ-ын бүрэн эрхт гишүүн болгож чадсан түүхэн гавьяатай. Орон даяар бүх нийтийг хамарсан “Соёлын довтолгоон”-ыг амжилттай зохион байгуулж, шинжлэх ухаан, боловсрол, соёл урлаг хийгээд нийгмийн бүхий л хэрэгцээт салбарыг эрчимтэй хөгжүүлэхийн зэрэгцээ өргөн цар хүрээнд шинэ бүтээн байгуулалтуудыг идэвхийлэн өрнүүлж, ард иргэдээ орон сууцжуулах, дэд бүтцийг сайжруулах зэрэг улс эх орныхоо хөгжил дэвшил, ард иргэдийнхээ сайн сайхан амьдралын төлөө манай нам чин үнэнчээр тууштай зүтгэж ирсэн.
Монгол Ардын Нам түүхийн бүхий л цаг үед бодлогын төдийгүй бүтээн байгуулагч улс төрийн хүчин байсан. Цаашид ч үнэт зүйлээ алдалгүй, итгэл хүлээлгэсэн сонгогч олон түмэндээ амласан амлалтдаа үнэнч байж ард түмэн, эх орныхоо төлөө зүтгэх болно.
Эдүгээ Монгол Ардын Намын байгуулсан Засгийн газар газрын тосны үйлдвэр, дулааны цахилгаан станц, төв цэвэрлэх байгууламж, сайжруулсан түлшний үйлдвэр, шинэ нисэх онгоцны буудал, олон зуун эмнэлэг, сургууль, цэцэрлэг, музей, орон сууцны хороолол, уул уурхай, авто зам, дэд бүтэц зэрэг томоохон бүтээн байгуулалтуудыг санаачлан өрнүүлж байна.
Туурга тусгаар улсаа сэргээн босгож, тусгаар тогтнолоо дэлхийд тунхаглаж, хоцрогдсон буурай орноос хөгжил дэвшил рүү удирдан залж, эх орныхоо бүрэн бүтэн аюулгүй байдлыг халуун амь, бүлээн цусаараа хамгаалж, хадгалж ирсэн эх орончдынхоо гавьяа зүтгэлийг үр хойчдоо бахархан алдаршуулж, үйл хэргийг нь нэр төртэй үргэлжлүүлэн авч явах нь Та бидний эрхэм үүрэг юм. Бид бүтээн босгосон улс орноо улам цогцлоон хөгжүүлж, Тусгаар тогтнолоо бататган хамгаалж, хүн ардаа эрүүл энх, амар амгапан, аз жаргалтай байлгахын төлөө чин сэтгэлээр зүтгэж, Монгол Ардын Намынхаа түүхт 100 жилийн ойг амжилт, бүтээлээр дүүрэн угтаж байгаадаа ууган намын даргын хувьд туйлын баяртай байна.
Монгол Ардын Намын эрхэм гишүүд, дэмжигчид, элэг нэгт Монгол ахан дүүсдээ хамгийн сайн сайхан бүхнийг хүсэн ерөөе!
Монгол Улс үүрд цэцэглэн хөгжиж, монгол хүн бүр эрүүл энх, эрдэм боловсролтой, аз жаргалтай амьдрах болтугай
Монгол Ардын Намын Дарга У.Хүрэлсүх
21 сэтгэгдэлСэтгэгдэл бичих
Чиний гавьяа гэж түй ч байхгүй урвагч минь
Ямар амжилт бүтээл билээ, хүүхээ?
Uuriih ni idej uuj bayajsan ni l amjilt buteel ni biz. Hogiin namiig gazartai tegshleh yumsan
МАН, Хөрөнгөтний нам гэж хоёр салгах хэрэгтэй. Эсвэл татан буулгасан дээр. Одоо ард түмний нам яагаад ч биш.
tumen olon yduursaar, ednar tum bumaar bayjsaar
1921 - 1990 он хүртлэх үеийн нам, төр засаг бол монголын ард түмний, монгол хүний төлөө нам, төр, хүчирхэг, шудрага засаг байсан юм шүү.
Хайран сайхан 100 жилийг төрийн хуулиар дархалагдсан хулгайч луйварчидад эзлэгдсэн, шудрага үнэнээс айсан арчаагүй, үхээнц төр засагтай, төр улсаа луйварчид, хулгайч хөрөнгөтөнүүддээ басамжлуулса доромжлуулсан үхээнц төртэй угтаж байгаа нь үнэхээр гутамшиг байна л даа. Төр, улсаа монголын хуулийр дархалагдсан мафын бүлэглэлээс чөлөөлөх болтугай. Урвагч, луйварчидад доромжлуулдагүй, мафын эрх ашгийг хамгаалдагүй шудрага, ард түмний төлөө, монгол хүний төлөө төртэй улс болтугай.
1921 он Монголын ард түмний хувьд тусгаар тогнол, эрх чөлөөг авчирсан сайн он жилийн эхлэл байсан ба түүнээс хойш 100 жил энх, амгалан тусгаар тогтоносон бүрэн эрхтэй улс явана даа. Харин 100 жилийн дараа хамсалтай нь эх орон монголын ард түмний эрх ашгаас урвасан төрийн түшээдээс бүрдсэн луйварчидын бүлэглэл, мафжсан бүлэглэлд эзлэгдсэн, шудрага ёсоос айсан үхээнц төртэй байгаа нь үнэхээр гутамшиг. Төр, засаг маань ёс, зүйтэй төр болох болтугай.
1921-1990 онд байсан нам чинь та нарынхаас өөр шүү. Тэдэнтэй өөрсдийгөө андуурах буюу зүйрлэх шаардлагагүй.
ENE NAM SUIREH BOLNO,XURELSUHIIG ZAILUULAH TSAGN CH BOLSON.OYUNERDENE BAS L HUDLAA GAR SHUU DEE
ЗАЙЛСАН БАЙДАА
Zailnaa gesen ZAIL
ene Hurelsuhd ichih nuur algaa
ард тумний амьдрал хэцуу л байгаа ш дээ.юуг 100 жил.ядаж оффшорчид луйварчдаа херенгий нь хурааж, ард олны хуртээл болгож, улсын орлогд авсан бол баярлах байлаа.худлаа шоронд хийсэн болж жужиглээд
Ард түмний итгэлийг хөсөр хаян зугтсан чамд Ардын намын 100 жилийн ололт амжилт ямарч хамаагүй. Зүгээр л нэг мөсөн далд ор.
Монгол улс иргэдээ намын гишүүдийн харьяалалггүй хатуу гишүүнчлэлгүй болсон цагт л зөв замаар хөгжинө
нөгөө хөлдүү чинь бас л эргүүтээд унав
Өөрсдийн санхүү сайжирсаныг хэлээд байнадаа муу хулчгар чинь
Zailmaruud
100 жил ядууруулсан
Зуун жилийн өмнө ч ядуу байсан. Монголчууд ядуу байх хувь заяатай хүмүүс юм байлгүй.