Монгол Улсын Татварын алба “Оюутолгой” ХХК-ийн 2016 оноос 2018 оныг дуустал хугацааны албан татварын ногдуулалт, төлөлтийн байдалд татварын хяналт шалгалт хийж, нөхөн ногдуулалтын актаар 649.4 тэрбум төгрөгийн нөхөн татвар, торгууль, алдангийг ногдуулаад байсан.
“Оюутолгой” ХХК 2021 оны 2 дугаар сарын 25-ны өдөр 229.8 тэрбум төгрөгийн татварын орлогыг төрийн сангийн дансанд байршуулсан бол 2021 оны 3 дугаар сарын 4-ний өдөр үлдэгдэл 419.2 тэрбум төгрөгийг төрийн сангийн дансанд шилжүүлсэн байна. 2020 оны татварын актаар илэрсэн зөрчлүүдээс дурдвал:
- “Оюутолгой” ХХК-иас Рио Тинто компанид шилжүүлсэн нийт 549.0 тэрбум төгрөгийн менежментийн үйлчилгээний төлбөрөөс суутган татвар авч ногдуулж төлөөгүй зөрчилд 164.7 тэрбум төгрөгийн нөхөн татвар, торгууль, алданги;
- “Оюутолгой” ХХК-иас Туркойс Хилл Ресурс, Рио Тинто компанийн харилцан хамааралтай этгээдүүдэд төлсөн хувь нийлүүлэгчдийн зээлийн хүү 1,953.5 тэрбум төгрөгөөс татварыг бүрэн суутган авч, ногдуулж төлөөгүй зөрчилд 382.7 тэрбум төгрөгийн нөхөн татвар, торгууль, алданги;
- “Оюутолгой” ХХК-ийн экспортод гаргаж, худалдсан бүтээгдэхүүнд ашигт малтмалын нөөц ашигласны төлбөрийг тооцож төлөхдөө Ашигт малтмалын тухай хууль, Хөрөнгө оруулалтын гэрээний холбогдох заалтыг дагаж мөрдөөгүй зөрчилд 46.7 тэрбум төгрөгийн нөхөн татвар, торгууль, алданги;
- Бодит бус ханшийн зөрүүгээр ирээдүйд шилжүүлэх алдагдлын дүнг 395.2 тэрбум төгрөгөөр нэмэгдүүлсэн;
- Монгол Улсад байрладаггүй гадаадын компаниудад төлсөн 134.5 тэрбум төгрөгийн угсралт, суурилуулалт, техник, мэдээлэл технологийн үйлчилгээний төлбөрөөс суутган татвар авч, ногдуулж төлөөгүй зөрчилд 34.4 тэрбум төгрөгийн нөхөн татвар, торгууль, алданги;
- Агаарын бохирдлын төлбөр төлөөгүй зөрчилд 800,000 төгрөг.
“Оюутолгой” ХХК-ийн 2013 оноос 2015 оныг дуустал хугацааны албан татварын ногдуулалт, төлөлтийн байдалд татварын хяналт шалгалт хийж, шийтгэлийн хуудсаар 377.1 тэрбум төгрөгийн нөхөн татвар, торгууль, алдангийг мөн 2018 оны 1 дүгээр сард ногдуулсан. Энэхүү шийтгэлийн хуудсаас 359.7 тэрбум төгрөгийг “Оюутолгой” ХХК эс зөвшөөрч Нийслэл дэх Захиргааны хэргийн анхан шатны шүүхэд маргаан нэхэмжлэл, Лондоны олон улсын арбитрын шүүхэд нэхэмжлэл тус тус гаргасан. 2018 оны татварын актаар илэрсэн зөрчлөөс дурдвал:
- “Оюутолгой” ХХК-иас Рио Тинто компанид шилжүүлсэн нийт 589.4 тэрбум төгрөгийн менежментийн үйлчилгээний төлбөрөөс суутган татвар авч ногдуулж төлөөгүй зөрчилд 176.8 тэрбум төгрөгийн нөхөн татвар, торгууль, алданги;
- “Оюутолгой” ХХК-иас Туркойс Хилл Ресурс, Рио Тинто компанийн харилцан хамааралтай этгээдүүдэд төлсөн хувь нийлүүлэгчдийн зээлийн хүү 522.1 тэрбум төгрөгөөс татварыг бүрэн суутган авч, ногдуулж төлөөгүй зөрчилд 156.6 тэрбум төгрөгийн нөхөн татвар, торгууль, алданги;
- “Оюутолгой” ХХК-ийн экспортод гаргаж худалдсан бүтээгдэхүүнд ашигт малтмалын нөөц ашигласны төлбөрийг тооцож төлөхдөө Ашигт малтмалын тухай хууль, Хөрөнгө оруулалтын гэрээний холбогдох заалтыг дагаж мөрдөөгүй зөрчилд 24.3 тэрбум төгрөгийн нөхөн татвар, торгууль, алданги;
- Бодит бус ханшийн зөрүүгээр ирээдүйд шилжүүлэх алдагдлын дүнг 402.6 тэрбум төгрөгөөр нэмэгдүүлсэн;
- Агаарын бохирдлын төлбөр төлөөгүй зөрчилд 2.2 сая төгрөг.
Татварын хяналт шалгалтын дагуу гарсан дээрх татварын актуудыг Монгол Улсын татварын хууль тогтоомжийг үндэслэн ногдуулсан ба “Оюутолгой” ХХК, Рио Тинто болон Туркойс Хилл Ресурс компаниуд нь Монгол Улсад төлөх татварыг үнэн зөв, шударгаар, бүрэн төлөх үүрэгтэй.
Монгол Улсын Засгийн газар Монгол Улсын татварын хууль тогтоомжийн хэрэгжилтийг бүрэн хангуулахад шаардлагатай бүх арга хэмжээг авч ажиллаж байгаа бөгөөд Монгол Улсад олсон орлогод татвараа үнэн зөв ногдуулж, шударгаар төлөх шаардлагыг “Оюутолгой” ХХК, түүний менежментийг хэрэгжүүлж буй Рио Тинто, хувьцаа эзэмшигч болох Туркойс Хилл компаниудад тууштай тавьж, яриа хэлэлцээ үргэлжилж байна.
14 сэтгэгдэлСэтгэгдэл бичих
oyun erdene iin ued l pddanuud uruu tulj ehleh shivdee.Zaluu zorigtoi shudarga udirdagch niigemd iim l nuluutei bna.Ulam hicheegeerei.
Одоо тэр оруулсан мөнгийг хаана юунд зарцуулах шилэн дансыг харуулах хэрэгтэй.
Монголчууд шиг арчаагүй ард түмэн гэж алга, тэр сонгож гаргасан хүмүүсийг нь хар бүгд шахуу хулгайч луйварчид байгаа болохоор яаж улс орон хөгжих бэ, Мэдээж хулгайч луйварчид өөрсдөдөө ашигтай зүйл хийнэ үү гэхээс юун монгол улс юун ард түмэн гэдэг ойлголт ой тоймд нь байхгүй Хэрвээ төр засаг нь төр засаг шиг байсан бол өнөөдөр бид нар ОЮУТОЛГОЙН-н 50%-н ашгийг нэгч төгрөг гаргалгүйгээр ямарч маргаангүйгээр хуулийн дагуу эзэмшээд хангалттай доллар цуглуулаад байж байх байлаа.Гэтэл өнөөдөр авах ёстой татвараа авсны төлөө ингэж шоудаж байх гэж .
Гадныхан чинь өөрсөддөө байгаа зөрчлөө засаж байгаад шүүхдэлцэх гэж байгаа хэрэг. Түүнээс биш сайндаа ч төлөөгүй байх
Чи эхнэрээ хардаж сэрдэж хичнээн зовоодог болоо. Гэхдээ ийм хардамтгай хүмүүс өөрсдөө л хамгийн их зовдог юм шүү дээ. Насаараа тархи нь хар хорд идэгдэж нэг ч өдөр сэтгэл тайван амьдарч чадахгүй сүүдрээ хүртэл сэрдэж амьдрана гэдэг юутай гаслан.
ОЮУГАА ӨӨРСДӨӨ АШИГЛАХ БОЛОМЖТОЙ БИД ЧАДНА ӨӨРСДӨӨ ХИЙЕ
Нэгд Оюутолгойд хот байгуулах шаардлага тавиач, хэдэн сэндвич барилга, эсгий гэр босгочихоод залуусын амьдралыг хоёр тийш болгож айл гэр сүйрүүлж дууслаа. Хоёрт орлого нь Монгол банкаар дамжих хууль яаралтай гаргаач.
ОЮУ ТОЛГОИН МӨНГӨ МОНГОЛ УЛСЫН БАНКААР ДАМЖИХ ЁСТОИ БИЗДЭЭ ...
ХУГАЦАА АЛДСАН ХОНОГУУДЫНХ НЬ ХҮҮГИИ НЬ АВААЧЭЭ ... МАНАИ УЛС ӨРӨӨ ТӨЛӨХ БОЛОХООРОО ХЭТРҮҮЛСЭН ХОНОГЫНХОО ХҮҮ ГЭЖ ӨЧНӨӨН МЯНГАН ДОЛЛАРЫН ХҮҮГ ТӨЛДӨГ БИЗДЭЭ ...
Бүхэл бүтэн Улсын Ерөнхий сайд байсан хүн АЛБАН ТУШААЛД ШУНАН гэтэл харпиараа нэгэн компани татварын өр төлснийг СҮР болгон ӨӨРИЙН гавьяа мэтээр харагдуулах гэх нь ТОМ ЭМГЭНЭЛ
ОТ компани нь дуурчихсэн улаан луйварчин газар байна шуудээ. Хуулийн дагуу Монгол улсад хэл амгуй татвараа толоод баялагаа ухах нь шударга явдал. Гэтэл аль 2013 оноос хойш татвараа толох гуй улс ундэстнийг дээрэлхэж доромжлоод луйвар хийж дахин нохогдошгуй баялаг болох зэс, алт байгалийн бусад унэт эрдэс , чандмань эрдэнэ усыг минь ашиглаж баялагийг маань цолмож байгаа ийм увайгуй гэрээ контрактаа хэрэгжуулдэггуй хогийн компаниас гэрээг яаралтай цуцалж утэр тургэн хоон гаргахыг засгийн газраас шаардаж байна. Гэрээг зогсоох ëстой.
Bidend kheregtei zuild zartsuulaasai ene ikh mungiig
одоо энэ гэрээг бүрэн шинэчилж өөрчлөх хэрэгтэй
Татвар төлсөн төлнө гээд байгаа энэ мөнгө чинь зардлаа тооцоод олох ашгийн дэндүү өчүүхэн хэсэг шүү дээ. Манай авилгад идэгдсэн төрийнхөн авилгын сүлжээнд нь байгаа учир ард иргэддээ татвараа төлсөн, төллөө гэж толгой угааж гэрээгээ өөрчлөхгүй байхын гол гогцоо учир нь энд байгаа юм