2021 оны 3-р сарын 14
12 цаг 14 минут

ГҮҮРНИЙ ЗОРИГОО

Өнөө цагт бол зүүд зэрэглээ мэт санагдах социализмийн цаг үе байлаа. Барилгачны хүүхэд барилгачин, малчны хүүхэд малчин л болдог жишигтэй тэр нийгэмд ажилчин аав, ээжийнхээ ар тал болж, гэр орон дүү нараа асрах үүрэгтэй хөдөөгийн жаал хүү гадаадад сургуульд явахыг мөрөөдөж байсан юм. Зоргоороо мөрөөдөж, хүссэнээ хийж, хүссэнээрээ амьдрах боломж хүн бүрт олдоггүй тэр үед жаахан хүүгийн дотор хэнзэлсэн холын тэр мөрөөдөл биеллээ олж, хэтдээ улс орны олон арван түүхэн бүтээн байгуулалтыг босголцож, түүнээс ч олон зам гүүрүүдийг гардан гүйцэтгэж, “гүүрний” гэх овог мэт тодотголтой болтлоо бүтээлцэж, босголцож явах юм гэж хэн санах билээ. Хэний ч санаагүйг санаж, холыг зорьж, хэтийг мөрөөдөж байсан дорно хязгаарын тэр жаахан хүүг ирээдүйн Монгол Улсын зөвлөх инженер болох хувь зохиол тосож байж. Тэр бол өнөөгийн Монгол Улсын зөвлөх инженер, зам гүүр бүтээн байгуулалтын “ЗМЗ” компанийн захирал Цэндийн Шинэзориг буюу салбарынхных нь нэрлэдгээр бол гүүрний Зоригоо юм.

Гадаадад сурч инженер болох мөрөөдөлтэй Зоригоо 10 жилээ төгсөөд л ЗХУ-ын Инженерийн цэргийн сургуульд суралцахаар болж, Калининград хотыг  зорьсон нь түүний бүтээн байгуулалтын нөр их ажлын  гараа байлаа.  Сургуулиа төгсөөд, “будаг нь ханхалсан” цэл залуу боловсон хүчин Зоригоо Батлан хамгаалах яамны харьяа Эрдэнэтийн Хялганат дахь ус гатлалтын ангид хуваарилагджээ. Тэрбээр “Энд ажиллахдаа зам, гүүртэй холбоотой бүтээн байгуулалтуудад үеийн нөхөдтэйгөө мөр зэрэгцэн оролцож явснаараа бахархдаг. Цэргийн техник хэрэгслүүдийг эзэмшиж, үер устай олон голуудад хөвүүр гүүр тавьж, тэр ажилдаа урамшин дараагийн бүтээн байгуулалтад дарвин орж явсан дурсамж минь амьдралаас олсон том туршлага, миний ажил амьдралын суурь байсан юм” хэмээн ардын армид зүтгэж байсан он жилүүдээ дурсана. Тэнд Зоригоо 4 жил ажиллаад төрөлх Дорнод аймгийнхаа зам ангид механикчаар ажиллах болсноор армийн хүү Зоригоо авто замын салбарт гүүрний Зоригоо болох эхлэлийн цэг тэр байлаа. Энгийн нэг механикчаас Ерөнхий инженер болсон Дорнодын зам ангийн зургаан жил түүнд өнөөдрийг бүтээх суурийг тавьсан хэмээн өдгөө дүгнэх аж.

Замын барилга угсралтыг хувийн компани хийх боломж нээгдэж, тус салбарын ажлыг хувийн хэвшилд шилжүүлэх Засгийн газрын тогтоол гарсан 1996 онд Зоригоо өнөөгийн “ЗМЗ” компаниа байгуулсан байна. Тэрбээр зам барилгын салбарт 30 гаруй жил ажиллахдаа нийт 700 гаруй км зам, 100 гаруй гүүр барьж, 400 гаруй зам, гүүрийн зураг төслийн ажилд санал өгч, 500 гаруй объектийн газар чөлөөлөлтөд ажиллаж, 150 гаруй бүтээн байгуулалтад биечлэн оролцсон байна. Түүний үүсгэн байгуулсан “ЗМЗ” компани дангаараа л гэхэд 3500 гаруй у/м явган хүний болон урт, богино гүүр, 100 гаруй км зам барьж ашиглалтад оруулжээ. Тэрбээр Нийслэлийн өмчит үйлдвэрийн газрын захирлаар ажиллаж байхдаа Улаанбаатар хотод 460 гаруй км автозам, 100 гаруй гүүрийн засвар арчлалтыг хариуцах ажлыг удирдаж байсан юм. Түүний барьсан анхны гүүр нь төрж өссөн Халхгол дээгүүрээ барьсан 250 гаруй метр урттай гүүр байлаа. Дараа нь алдарт Хэрлэн, Онон, Туул, Хараа Улз гээд түүний гүүр бариагүй гол ховор. Харин нийслэлд хийсэн бүтээн байгуулалтаас нь дурьдвал, бидний хамгийн сайн мэдэх 100 айлын гүүрэн гарцыг жишээ татан нэрлэж болно. Энэ уулзварт  гүүр бариагүй байх үед сардаа 5-6 хүүхэд зам тээврийн осолд ордог гэсэн статистик тоо байдаг байлаа. Харин гүүрэн гарц баригдсанаас хойш энэ тоо буурснаас гадна  түгжрэлийн гол цэгүүдийн нэг байсан 100 айлын асуудал цэгцэрсэн. 100 айлын гүүр бол хөгжлийн бэрхшээлтэй иргэд болон ахмад настнууд ашиглах боломжтой Монголын анхны лифттэй гүүр юм. Улмаар Чингэлтэй, Сүхбаатар, Сонгинохайрхан, Баянзүрх дүүргүүдэд явган хүний болон автозамын гүүрүүдийг  гүүрний Зоригоо барьсан байдаг. Тухайлбал, Биокомбинатад Туул гол дээр 205 у/м шинэ гүүр, Сансарын Шилэн налуу шаттай явган хүний гүүр гээд олон арван бүтээн байгуулалтуудыг дурдаж болно.

Тавантолгой-Зүүнбаян чиглэлийн төмөр замын ПК283+560 дахь 226. 18 у/м төмөрбетон гүүрийн барилга угсралтын ажил

Хамгийн сүүлийн үеийн бүтээн байгуулалт нь монголчуудын олон жилийн мөрөөдөл болсон Тавантолгойгоос Зүүнбаян чиглэлийн  416.1 км төмөр замын бүтээн байгуулалтад оролцож, 226.18 у/м төмөр бетон гүүр барьжээ. Энэ бол төмөр замын хамгийн урт  гүүр гэдгээрээ онцлог. Анх удаа монгол компаниуд Монголдоо төмөр зам барьж, бас төмөр замын гүүрийг хийж байгаа нь энэ юм. “Гүүрний” Зоригоогийн багийнхан гүүр барихаас гадна төмөр замын бүтээн байгуулалтад оролцож байгаа инженер техникийн ажилчдад сургалт хийж, мэргэжил арга зүйн зөвлөгөө өгөх ажлыг давхар гүйцэтгэнэ.  Тэрээр эх орноо эдийн засгийн эрх чөлөө рүү хөтлөх төмөр замын бүтээн байгуулалтад гар бие оролцож байгаагаараа бахархдаг зуу зуун эгэл замчдын нэг.  Гүүр барина гэдэг түүний хэлснээр үнэхээр ч утга ерөөлтэй ажил ажээ. Холыг холбож, хоёрыг ойртуулах гүүрчин байна гэдэг  утга учиртай, үлдэх түүхтэй сайхан ажил юм. Тиймдээ ч өдгөө түүний байгуулсан “ЗМЗ” компаниас  дөрөв, таван  компани өрх тусгаарлан зам гүүрийн салбарт амжилттай ажиллаж байгаа гэнэ. Түүний компанид ажиллаж байсан дөрөв таван гүүрчин өөрийн гэсэн зам гүүрийн компанитай болж, Зоригоо шиг мөрөөдлөө биелүүлж яваа гэсэн үг.  Амьдралынхаа 30 гаруй жилийг зам гүүр барихад зориулсан Шинэзориг гэх энэ эрхэм  “Зам гүүрийн дотоодын компаниуд тодорхой хэмжээний хөгжлийн түвшинд хүрчихлээ. Дам нуруугаа өөрсдөө хүчитгээд гүүрээ барьж байна. Шаардлагатай техник технологиудыг оруулж ирээд эхэлчихсэн байна. Манай компани хамгийн сүүлийн үеийн гүүрийн суурийн өрөмдлөгийн өндөр өртөг бүхий техникийг оруулж ирээд үйл ажиллагаа явуулж байна. Өнгөрсөн жил төмөр замын том бүтээн байгуулалтад олон Монгол компани оролцлоо. Тэд бүгд манайхтай адил өрөмдлөгийн том тоног төхөөрөмж аваад ирсэн харагдаж байна лээ. Биднийг төрөөс хөнгөлөлттэй зээл, тусламж болон бодлогоор дэмжээд өгвөл манай замчид ямар ч бүтээн байгуулалтыг хийхэд бэлэн болчихсон байна” хэмээн  олзуурхаж байлаа.

Тийм ээ, энэ салбар өнөөдрийн хэмжээнд хүрч, монгол компаниуд бие даан бүтээн байгуулалтаа хийх чадамжтай болоход түүний оруулсан хувь нэмэр, урсгасан хөлс, гүйцэтгэсэн үүрэг их нь мэдээж. Тиймээс ч  тэр ийнхүү олзуурхаж байгаа болов уу. Монгол Улсад автозамын салбар үүсч хөгжөөд 90 гаруй жил болсны гуравны нэгд нь гүүрний Зоригоогийн бүтээн байгуулалтууд хамаарах юм. Улирч үлдсэн тэртээх он жилд гадаадад сурч инженер болох тухай мөрөөдөн зогссон Халхголын жаахан хүүгийн мөрөөдөл биелж, өдгөө төмөр замын их бүтээн байгуулалтад оролцож монгол мөрөөдлийг биелүүлж явна. Ай, хүсэл чинь хүрсэн газар бие чинь хүрнэ гэдэг юутай үнэн.

Г.Орчлон

4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

4 сэтгэгдэлСэтгэгдэл бичих

202.21.120.242Өлзий   • 2021, 3 сарын 16. 9 цаг 25 минут

Гайхалтай хөдөлмөрч эгэл даруухан хүн дээ. Амжилт хүсье. Төр засаг ийм л хүнийг урамшуулж хийсэн бүтээснийг нь үнэлэх хэрэгтэй дээ.

66.181.185.58Зочин   • 2021, 3 сарын 16. 0 цаг 59 минут

100 айлын гүүр ач холбогдол сайн л байх.Харин хийц дизайн талаасаа нойл

202.126.89.157Эмээ   • 2021, 3 сарын 15. 5 цаг 49 минут

Сэтгэл нь байвал мэргэжил бүхэн ингэж амилдагдаа. Харин соц-ын үед малчны хүүхэд малчин хжилчны хүүхэд ажилчин болдог байсан жишиг гэдэг бол худлаа шүү. Дээд сургууль одоогийнх шиг сул байгаагүй юм хэн сурлага сайтай нь ордог байлаа.

183.177.97.14Зочин   • 2021, 3 сарын 15. 10 цаг 49 минут

Ariin haalga bsan bh

Шинэ мэдээ

Ж.Норовсамбуу агсныг сүүлчин замд нь үдлээ5 сар 23. 15:39Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ5 сар 20. 12:05Х.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй5 сар 16. 16:26“Дом, шившлэгтэй” хэвлэлийн хурлууд үргэлжилсээр…5 сар 16. 16:16УИХ-ын дарга Г.Занданшатар МУБИС-ийн оюутнуудад d-parliament цахим системийг танилцууллаа5 сар 16. 14:30Ц.Содномдорж: Д.Баярмагнай прокурортой Сингапурт саатуулагдсан гэдэг ор үндэслэлгүй мэдээлэл5 сар 16. 11:02Прокурор асан Д.Баярмагнай: Сингапурт казино орсон нь ҮНЭН. Хулгай хийсэн нь үнэн юм бол тэд намайг хилээрээ гаргах уу5 сар 14. 10:58Газрын түрээсийн төлбөрийг Чойжин ламын сүм музей төлж, хувийн хэвшил орлогыг нь авдаг байсныг зогсоолоо5 сар 13. 21:08ЧУУЛГАН: Банкны тухай хуульд өөрчлөлт оруулах хуулийн төслийг анхны хэлэлцүүлэгт бэлтгүүлэхээр шилжүүлэв5 сар 12. 16:29Токиод “дархлагдсан” Элчин сайд Д.Батжаргалын бүрэн эрхийн хугацаа дуусчээ5 сар 12. 12:46БНСУ-ын Ерөнхийлөгч монгол иргэдийг визгүй зорчиход анхаарч ажиллахаа илэрхийлжээ5 сар 11. 19:08Эх, нярайд тусламж үзүүлэх үйлчилгээний чанарыг сайжруулах ажлын хэсгийг П.Анужин АХАЛНА5 сар 11. 13:26М.Батбаяр: Наадмын найруулагчид 19 хүний нэр яригдаж байгаа, баасан гарагт тодруулна5 сар 11. 13:25“Автомашингүй өдөр“ зам хаагуур хаах вэ5 сар 11. 13:24Лам “Сэржим өргүүлэх“ нэрийдлээр 15 настай охиныг дуудаж, хүчирхийлсэн байж болзошгүй хэрэг гарчээ5 сар 11. 12:40Ипотекийн зээлийн хүүг буруулах боломжийн талаар Засгийн газрын хуралдаанд танилцуулж байна5 сар 11. 12:37Ослын улмаас дөрвөн бяцхан үрс эцэг, эхээ алдаж, ТӨР оршуулгын зардал өгөхөөс ТАТГАЛЗЖЭЭ5 сар 11. 12:32Гар утас, машины дугаарт АЧ ХОЛБОГДОЛ өгдөг буруу хандлагаа “Үсэг булаацалдаж“ хүүхдүүддээ ӨВЛҮҮЛЖ болохгүй5 сар 11. 12:31Д.Амгалан: Төрийн банк эрх мэдэлтэй албан тушаалтай хүмүүсийн мөнгө угаах хэрэгсэл болсон байна5 сар 11. 12:31Ц.Элбэгдорж: Надад алдаж явсан үе бий, Гэхдээ “Пулемёт, онгоц, шалдан“ бол ХЭТРҮҮЛЭГ5 сар 11. 12:30ТЦА: ОХУ-ын Элчин сайд цагдаагаас зам асууж буй 4 жилийн өмнөх зургийг гаргаж буруу ташаа мэдээлэл түгээж байна5 сар 11. 12:29Ноён Бондгор хямд үнээр дүнзэн байшинтай болох боломжийг бүрдүүллээ5 сар 10. 18:04Ерөнхий сайд Л.Оюун-Эрдэнэ бэр эгч Ч.Ундралаа дарга болгожээ5 сар 10. 13:52В.Путин 10 гаруй улсад мэндчилгээ дэвшүүлэхдээ Монгол улсад мэндчилгээ дэвшүүлсэнгүй5 сар 9. 13:39Эрт илрүүлэг, үзлэг шинжилгээнд хамрагдсан 0-17 насны хүүхдүүдээс хавдрын сэжигтэй тохиолдол гурав илэрчээ5 сар 9. 11:54
© 2008 - 2022 он. Зохиогчийн эрх хуулиар хамгаалагдсан.