2021 оны 4-р сарын 8
17 цаг 07 минут

Дайчдын ар гэрийнхэнд “Цэргийн нэг өдөр” нээлттэй өдөрлөгийг зохион байгууллаа

    Хурандаа генерал Ж.Ёндонгийн нэрэмжит Цэргийн гавьяаны улаан тугийн болон Байлдааны гавьяаны одонт Зэвсэгт хүчний 032 дугаар ангийн гадаа өглөөний 09 цаг гэхэд цөөн тооны хугацаат цэргийн алба хаагчдын ар гэрийн төлөөлөл хүрэлцэн иржээ. Учир нь хугацаат албаны дайчдын ар гэрийнхэн болон хэвлэл мэдээллийн байгууллагын төлөөлөгч нарт “Цэргийн нэг өдөр” нээлттэй өдөрлөгийг тус ангиас зохион байгуулахаар урьсан байлаа.

Ар гэрийн төлөөллөөс 10 дайчдын аав, ээж эсвэл ах, эгч нь ирсэн байх бөгөөд энэ нь цар тахлын нөхцөл байдалтай холбогдуулан халдвар хамгааллын дэглэмийг баримтлан цөөн тооны иргэдийг урьсантай холбоотой ажээ. Тэгэхдээ хугацаат албаны дайчдын эрүүл мэнд, аюулгүй байдлыг хангах үүднээс хүндэт зочдоос түргэвчилсэн оношлуураар шинжилгээ авч, ангийн байрлал руу нэвтрүүлсний дараа тус ангийн захирагч, хурандаа Ж.Мөнхбаяр төрийн хүндэт харуулуудын ололт амжилт, энхийг дэмжих ажиллагаа болон бүтээн байгуулалт дахь оролцоо, иргэн-цэргийн харилцааг бэхжүүлэхэд авч хэрэгжүүлж байгаа арга хэмжээ зэрэг товч мэдээлэл хүргэлээ.

Тэрээр танилцуулгадаа “Их эзэн Чингис хааны алдарт шадар хишигтэн цэргийн алтан аргамжийг бөхлөн, Монгол төрийн хүндэт харуулын нэн хариуцлагатай үүргийг нэр төртэй биелүүлж яваа Зэвсэгт хүчний 032 дугаар анги нь 1924 онд анхдугаар Үндсэн хуулиа батлан, БНМАУ-ыг тунхаглаж, Нийслэл хүрээг улсын нийслэл “Улаанбаатар хот” хэмээн нэрлэсэнтэй зэрэгцэн “Улаанбаатар хотын комендант” нэртэйгээр байгуулагдсан түүхтэй. Монгол цэргийн шилдэг уламжлалыг хадгалж, олон түмэндээ “Хүндэт харуулын” хэмээн алдаршсан манай хамт олон Монгол Улсын хэмжээнд Үндэсний баяр, түүхэн ой, онц чухал үйл явдал, нийтээр тэмдэглэх баяр, тэмдэглэлт өдрүүдийг ёслон тэмдэглэх, Монгол Улсын Ерөнхийлөгч, Улсын Их Хурлын гишүүн, бусад албан тушаалтан тангараг өргөх, тамга шилжүүлэх, төрийн дээд шагнал олгох, цол хүртээх, эмгэнэн гашуудах зэрэг төрийн үндэсний ёслол болон Монгол Улсад айлчилсан гадаадын өндөр дээд хэмжээний зочдыг угтах, Итгэмжлэх жуух бичиг хүлээн авах, Дипломат төлөөлөгчийн газруудтай харилцах зэрэг гадаад бодлогыг хэрэгжүүлэх төрийн дипломат ёслолыг гүйцэтгэж, Монгол Улсын төрийн ёслолын нүүр царай болж, дүр төрхийг тодорхойлж ирсэн юм” хэмээн онцлоод Батлан хамгаалахын сайд, ЗХЖШ-ын даргын нэрэмжит шалгалтад 1988, 1990, 1992, 1997, 2002, 2005, 2011, 2015, 2017 онуудад сайн үнэлгээтэй шалгагдаж, “Тэргүүний анги” шагналыг 9 удаа хүртэж байсан гэлээ.

Үүний дараа Зэвсэгт хүчний Ажиллагааны удирдлагын газрын дарга, бригадын генерал С.Дашзэвэг “Цэргийн нэг өдөр”-тэй танилцахаар хүрэлцэн ирсэн эцэг, эхчүүдэд талархал дэвшүүлээд хугацаат цэргийн албаны онцлог, ач холбогдол, цэргийн сургалт бэлтгэл болон өдөр тутмынх нь үйл ажиллагааны талаар мэдээлэл өгч, сонирхсон асуултад хариулт өгсөн юм.

Танилцуулгын дараа авьяаслаг дайчдын урлагийн хэсэгчилсэн тоглолтыг тэдэнд өргөн барив. Эцэг, эхчүүдийн алга ташилт дунд 40 минут үргэлжилсэн тоглолтыг дэд түрүүч С.Мишээлт “Алтаар гялбаалах газар шороо, амины үнэтэй ширхэг чулуу, ассан галтай мөнхийн голомт, аавын мөртэй эх дэлхий минь” хэмээн аялгуу сайхан морин хуураар эхлүүлж, энхийг сахиулагчдын сүлд дуу “Хэнгэрэг дэлхийн цэрэг”-ийг байлдагч Л.Лхагвасүрэн омогшил, бахархалтайгаар дууллаа.

Үргэлжлүүлэн байлдагч Э.Өсөхбаяр нүүдэлчин ахуйг монгол бүжгээр гаргаж, байлдагч Э.Отгонболд, Л.Лхагвасүрэн, Л.Пэрэнлэйдорж, А.Энх-Амгалан, Г.Мөнххүслэн нар “Тэнгэрийн хүү”-дууг дуутай, шүлэгтэй нь хамт толилуулж, төгсгөлд нь дайчид “Цэргийн бодол” дууг хүндэт зочдын алга ташилттай хамт өндөрлүүлсэн юм.

Урлагийн тоглолтын дараа эцэг, эхчүүд тус ангийн штаб, Соёлын төв, алдрын тасалгаа, цэргийн гал тогоо, амралтын өрөө, бялдаржуулах танхим, ахуйн үйлчилгээний төв болоод Хүндэт харуулын ротын байраар зочилж, хугацаат цэргийн алба хаагчдын өмсөж, зүүхээс эхлээд өдөр тутмын хэрэглээ болоод төрийн ёслолын хувцас хэрэглэлийг дэлгэсэнтэй танилцлаа.

Хугацаат цэргийн алба хаагчдад жилд 36 нэр төрлийн хувцас хэрэглэл, бараа бүтээгдэхүүн, бусад эд зүйлийг нийлүүлдэг талаар мэдээлэл өгч, эдэлгээнээс нь хамааран тодорхой хугацаанд шинэчилдэг талаар, хугацаат цэргийн алба хаагчдын алба хаах орчин нөхцлийг бүх талаар сайжруулж ирсэн, манай Зэвсэгт хүчний ямар ч ангид та очно, сайхан орчин угтаж авна хэмээн бригадын генерал С.Дашзэвэг эцэг, эхчүүдэд онцолж байсан юм. Өдөрлөгийн төгсгөлд хугацаат цэргийн алба хаагчдын жагсаалын болон гардан тулааны үзүүлэх тоглолтыг сонирхуулж, “Таны хүү эх орноо батлан хамгаалах эрхэм үүргээ нэр төртэй гүйцэтгэж байна. Эх орны хүү төрүүлсэн эрхэм танд баярлалаа” хэмээх дурсамжийг эцэг, эхчүүдэд гардуулан өгсөн юм.

Ахлах дэслэгч Д.Болормаа
3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

3 сэтгэгдэлСэтгэгдэл бичих

202.9.40.192Зочин   • 4 сарын 8. 22 цаг 57 минут

гэмт хэргийн өнгөлөн далдлалт юм байх даа хөөрхий.энэ генрал.хурандаа нар нь ямарч уярмаар гоё юм ярьдаг юм бэ.тэглээ гээд та нарт итгэж үр хүүхдээ өгөх хүн хэд бол доо.

103.229.121.176Зочин   • 4 сарын 8. 22 цаг 08 минут

Сонсоод байхнаа цэргүүдээс архины мөнгө татварладаг чинь бүр бугшсэн олон жилийн түүхтэй юм байнаа.Үүнийг 1 удаагийн үзүүлэх тоглолтоор аргалахгүй л дээ.Томоохон өөрчлөлт хий

192.82.69.186zochin   • 4 сарын 8. 21 цаг 47 минут

A.luurchidaa ehleed zailuulchihaa, daraan ingej shoud. Janjin shtabiin mulguu dargaa, arhichin a.luurchin officeruudtaigaa zailuulaagui tsagt armiin ner hund yuch hiisen sergehgui. Mai shuu a.luurchidaa.

Шинэ мэдээ

Турах зорилгоор хоолныхоо давсыг хязгаарлах нь буруу4 сар 13. 19:11Авто замын засвар, арчлалтын ажил эхэллээ4 сар 13. 18:23Б.Одсүрэн: Хязгаарлалт тогтоогоогүй салбарын бүх автомашиныг хөдөлгөөнд оролцуулбал хатуу хөл хорионы утга алдагдана4 сар 13. 17:36Мьянмарт эсэргүүцэгчдийн цогцсыг ар гэрт нь 85 ам.доллараар зарна4 сар 13. 16:15“БРАТАН” олон ангит уран сайхны кино залуусыг байлдан дагуулж байна4 сар 13. 16:01Цэргийн цээрлэл буюу хаалттай хөшигний цаана4 сар 13. 16:00Ноён Бондгор, Камертоны Ганаа нар үндэсний үйлдэрлэлээ дэмжих контент эхлүүллээ4 сар 13. 15:50Сансарт ниссэн хатагтай нар: Mэй Жэмисон4 сар 13. 15:50"Pfizer" вакцинд тэсвэртэй мутацид орсон хувилбар Өмнөд Африкт илэрчээ4 сар 13. 15:45Хөтлөгч Аригун: Манай найз энэ заваан өвгөнийг тэсэхгүй сар ч болоогүй ажлаасаа гарч байсан4 сар 13. 15:33Дээд шүүхийн эрүүгийн хэргийн танхимд 8 шүүгч ажиллахаар болов4 сар 13. 15:21Коронавирусийн халдвар авсан жүдочдыг Монголд авчран эмчилж эхэлжээ4 сар 13. 15:10Самранд явсан зургаан иргэн угаартаж нас баржээ4 сар 13. 14:56Нэгдүгээр ангид элсэгчдийг НАЙМДУГААР САРД бүртгэнэ4 сар 13. 14:40С.Энхболд: Эмч ажилчид дугаарын хязгаарлалтгүй замын хөдөлгөөнд оролцож болно4 сар 13. 14:14УОК: Байгууллагууд ажиллах ажилчдынхаа нэрсийг Шуурхай штабт бүртгүүлэхгүй бол хөдөлгөөнд оролцуулахгүй4 сар 13. 13:26Хөл хорионы үед тусгай үүргийн нислэгийг зогсоохгүй4 сар 13. 13:13Нийтийн тээврийн автобусны тоог хоёр дахин нэмлээ4 сар 13. 12:45С.Мөнгөнчимэг: 22 хоногт 509.6 тэрбум төгрөгийн зээл олгоод байна4 сар 13. 12:26СЭРЭМЖЛҮҮЛЭГ: Бага насны хүүхдүүдийнхээ “TikTok” хэрэглээг хянахыг эцэг, эхчүүдэд анхаарууллаа4 сар 13. 12:19ЭМЯ: Коронавирусийн халдварын улмаас 20 настай эрэгтэй нас барлаа4 сар 13. 11:48Дэлхийн аваргын төлөө боксчид шинэ дүрмээр тулалдана4 сар 13. 11:40ХӨСҮТ: 28 хоног хөл хорио тогтоогоод, дархлаажуулалтаа үр дүнтэй байлгавал долдугаар сард өвчлөлийн тоо өдөрт 10-аас доош бүртгэгдэх тооцоолол байна4 сар 13. 11:33ФОТО: Бүх нийтийн бэлэн байдалд шилжсэн УЛААНБААТАР4 сар 13. 11:20Япон улсаас 156 иргэн эх орондоо ирнэ4 сар 13. 11:09ЭМЯ: 885 шинэ тохиолдол бүртгэгдэж, хоёр хүн нас барж, 20 хүний биеийн байдал маш хүнд байна4 сар 13. 11:07Х.Булгаа: Нийтийн тээврээр хязгаарлалтад ороогүй салбарынхан явах байтал иргэд зорчиж, ачаалал үүсгэж байна4 сар 13. 10:58Улаанбаатарт 8 хэм дулаан байна4 сар 13. 10:56Засгийн газрын лхагва гарагийн хуралдаанаар дэд сайд Б.Мөнхжинд хариуцлага тооцно4 сар 12. 18:08Дуучин Т.Дэлгэрмөрөнд холбогдох хэргийн шүүх хуралдаан хойшлов 4 сар 12. 17:44
© 2008 - 2021 он. Зохиогчийн эрх хуулиар хамгаалагдсан.