2021 оны 6-р сарын 14
10 цаг 52 минут

УИХ-ын гишүүн Б.Бат-Эрдэнэ өөрийн хүсэлтээр МҮБХ-ны цэцдийн зөвлөлийн тэргүүлэгч, гишүүнээс чөлөөлөгджээ

     Өнгөрсөн амралтын өдөр МҮБХ-ны Цэцдийн зөвлөлийн ээлжит хурал болжээ. Тус хурлаар дараах асуудлыг хэлэлцсэн байна. Үүнд:

1. Цэцдийн зөвлөлийн гишүүдийн нөхөн бүрдүүлэлт

2. Тэргүүлэгчдийн нөхөн бүрдүүлэлт

3. Барилдааны дүрмийн зарим заалтуудыг хэлэлцэх

4. Нэр бүхий аймгийн цолтнуудын хүсэлт

5. Өсвөр үе, залуучуудын барилдааныг дэмжин ажиллах хүсэлт

6. Завхан аймгийн бөхийн холбооноос ирүүлсэн хүсэлт.

Хуралд Цэцдийн зөвлөлийн 67 гишүүнээс танхимд 32, цахимаар 15, нийт 47 гишүүн оролцов. Хурлаар дээрх асуудлуудыг дараах байдлаар шийдвэрлэсэн байна. Үүнд:

1. Цэцдийн зөвлөлийн гишүүдийн нөхөн бүрдүүлэлтийг хийв. Үүнд: Цэцдийн зөвлөлийн гишүүдээс Дархан аварга Б.Бат-Эрдэнэ өөрийн хүсэлтээр, 3 удаагийн хурлуудад огт оролцоогүй улсын арслан Р. Пүрэвдагва, улсын заан Ц.Мягмарсүрэн, улсын харцага Д.Батболд, Хэнтий, Сүхбаатар, Дорноговь, Говь-Алтай, Баянхонгор аймгийн ҮБХ-ны тэргүүнүүд зэрэг нийт 10 гишүүнийг чөлөөлж, дараах төлөөлөлүүдээр бүрдүүлэв. 1. Улсын арслан Б.Ганбат 2. Улсын гарьд Ө.Бат-Орших 3. Улсын заан Д.Бумбаяр 4. Улсын заан Ц.Баярсайхан 5. Улсын начин С.Батсуурь 6. Аймгийн арслан С.Ерөөлт 7. Аймгийн арслан Т.Сүрэнжав 8. МҮБХ-ны ерөнхий нарийн бичгийн дарга Т.Түмэндэмбэрэл 9. МҮБХ-ны менежер С.Гантөр, 10. Улсын ахлах засуул Р.Сампилдондов нарыг Цэцдийн зөвлөлийн гишүүдийн олонхийн саналаар нөхөн сонгож батлав.

2. Тэргүүлэгчдийг нөхөн бүрдүүлэв. Тэргүүлэгчдээс:

-Дархан аварга Б.Бат-Эрдэнэ өөрийн хүсэлтээр,

-Улсын гарьд Ш.Жаргалсайхан. Тэргүүлэгчдийн нийт хуралд оролцсон ирц 24% тул,

- Улсын заан Ц.Мягмарсүрэн. Тэргүүлэгчдийн нийт хуралд оролцсон ирц 18% тул,

- Бөхийн судлаач Б.Цогтбаатар. Гадаадад эмчилгээнд явсан,

- Бөхийн зүтгэлтэн Б.Түмэнбаяр. Өөрийн хүсэлтээр тэргүүлэгчээр чөлөөлөгдсөн тул

Тэргүүний санал болгосноор Тэргүүлэгчдийн үүрэг гүйцэтгэгчээр сонгогдоод байсан улсын гарьд Б.Гантогтох, улсын начин Д.Жанчивдорж, бөх судлаач Л.Ням, бөхийн зүтгэлтэн Д.Цэрэнсамбуу нарыг баталж, мөн үүрэг гүйцэтгэгчээр сонгогдоод байсан улсын гарьд Б. Гончигдамба болон үндсэн тэргүүлэгч, бөх тайлбарлагч Ц.Батнасан нар энэ хурал дээр өөрийн хүсэлтээр нэрээ татсан тул тэдний оронд танхимаас нэр дэвшүүлсэн найман хүнээс нууц санал хураалтаар сонгоход МҮБХ-ны ерөнхий нарийн бичгийн дарга Т.Түмэндэмбэрэл, улсын ахлах засуул Р.Сампилдондов нар олонхийн саналаар сонгогдож МҮБХ-ны 15 тэргүүлэгч бүрдлээ. Одоо МҮБХ-ны тэргүүлэгчдээр дараах төлөөлөл ажиллах болно. Үүнд:

1. у/а Д.Ганхуяг

2. у/а Д.Азжаргал

3. у/г Б.Гантогтох,

4. у/г И.Доржсамбуу

5. у/г Д.Рагчаа

6. у/х Л.Бадарч

7. у/х Г.Элбэг

8. у/х Т.Өсөх- Ирээдүй,

9. у/н Д.Жанчивдорж,

10. гарын даа Ё.Амарбаясгалан

11. бөх судлаач Л.Ням,

12. бөхийн зүтгэлтэн Д.Цэрэнсамбуу

13. МҮБХ-ны н.б.дарга Т.Түмэндэмбэрэл

14. Улсын ахлах засуул Р.Сампилдондов.

3. Барилдааны дүрмийн зарим заалтыг хэлэлцэж батлав.

4. Нэр бүхий аймгийн цолтнуудын 2019, 2020 оны улсын баяр наадамд 3, 4 давсныг эрэмбэнд тооцох эсэхийг хэлэлцэж, 2018 оны 09-р сарын 28-ны өдрийн "... Үндэсний их баяр наадмын тухай хуульд заасны дагуу улс, аймгийн цолтны амжилтыг тооцох заалтны дагуу..." байх гэсэн шийдвэрийг хэвээр баталлаа.

5. Завхан аймгийн Тосонцэнгэл сумын харьяат улсын арслан Цэргийн хэмээх Санжмятавын Шагжийн 1927 оны баяр наадамд 9 даван үзүүрлэж, Арслан цол, 1928 оны баяр наадамд 7 давж их шөвөгт шалгарсан, 1929 оны баяр наадамд 9 даван үзүүрлэсэн, 1930 оны баяр наадамд 10 давж түрүүлсэн амжилтыг Монгол бөхийн аварга цол хүртэхуйц амжилт мөн хэмээн батламжлав.

6. Өсвөр үе залуучуудын барилдааныг дэмжин ажиллахаар тус тус шийдвэрлэжээ.

МОНГОЛЫН ҮНДЭСНИЙ БӨХИЙН ХОЛБОО

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

ДАРБА БАНДИДА гэгээнтэн өнөөдөр эх орондоо ирлээ1 сар 23. 15:19Монгол Улсын Ерөнхий прокурор Б.Жаргалсайхан ОХУ-ын цэргийн Ерөнхий прокурор В.Г.ПЕТРОВТОЙ уулзалт хийв1 сар 22. 10:55Японд таваас дээш насны хүүхдүүдэд файзер вакцин хэрэглэхийг зөвшөөрчээ1 сар 21. 15:35Г.Туяажаргал: Тогтвортой, хариуцлагатай ТББ-уудад төр бодитой дэмжлэг үзүүлэх эрхзүйн орчин хэрэгтэй1 сар 21. 15:31Боловсролын террористууд1 сар 21. 14:14Г.Ганбатыг Хөдөлмөрийн гавьяаны одонгоор шагнажээ1 сар 21. 13:12Шахмал түлш ачсан ачааны машин осолдож нэг хүн гэмтжээ1 сар 21. 9:02“Гоожих“-ын ЦОНДОН1 сар 21. 8:59ХНХЯ: Хүүхдийн мөнгө авах хүсэлтээ сар бүр гаргах ШААРДЛАГАГҮЙ1 сар 21. 8:57Х.Буянтүмэн: Нуугдмал хөрөнгийг илрүүлж, мөрдөн шалгах ажиллагаа явуулснаар 20 орчим тэрбум төгрөгийн хөрөнгийг буцаан төвлөрүүлсэн1 сар 20. 15:41Хүүхэд сууж байсан автомашиныг ачсан компанийн зөвшөөрлийг цуцлахаар болжээ1 сар 20. 15:33Маргаашийн бөхийн барилдаан цуцлагджээ1 сар 20. 15:32Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа1 сар 20. 13:55Цэргийн бүртгэл дуусахад 1 хоног үлдлээ1 сар 20. 13:46Ерөнхийлөгчийн зөвлөх Ц.Пүрэвхүү чөлөөлөгдөх өргөдлөө өгчээ1 сар 20. 13:35БНСУ-д очих иргэдээс 72 цагийн дотор PCR өгсөн байхыг шаардаж байсныг 48 цаг болгож өөрчилжээ1 сар 20. 10:38НӨАТ-ын буцаан олголтоор 1,2 сая иргэнд 63 тэрбум төгрөгийг олгоно1 сар 20. 9:54БОАЖ-ын сайд, дэд сайд нар “Тавантолгой түлш” ХХК-ийн зүүн бүсийн үйлдвэрт ажиллав1 сар 20. 9:19ХӨСҮТ: Хичээл сургалтын үйл ажиллагааг хойшлуулах санал хүргүүлээгүй1 сар 19. 13:02Казахстан даяар онц байдлыг цуцалжээ1 сар 19. 13:00Б.Цэцэгсайхан, Б.Ганзориг нарыг албан тушаалаас нь чөлөөлөхөөр болжээ1 сар 19. 11:58Зүүний сүвэгчнээсээ гарсан, “Үндэсний хүн” Л.Эрхэмбаяр1 сар 19. 11:44ЭМЯ: 3088 тохиолдол батлагдаж, нас баралт бүртгэгдээгүй1 сар 19. 11:00ХЗДХЯ-ны ТНБД-аар П.Сайнзоригийг томилохоор болжээ1 сар 19. 10:54Хаврын чуулганаар Жагсаал цуглаан хийх журмын тухай хууль зэрэг 55 асуудал хэлэлцэнэ1 сар 19. 10:13Даян аварга Н.Батсуурийг сар шинийн барилдаанд оролцуулах эсэхийг нөгөөдөр хэлэлцэнэ1 сар 19. 9:48Сургууль, цэцэрлэгийг танхимаар хичээллүүлэх хугацааг 7-14 хоногоор хойшлуулах санал гаргалаа1 сар 19. 9:36Д.Цогтбаатар: Ирэх бар жил төрийн дээд албан тушаалтнуудад муу, залууст сайн, ковидгүй жил болно1 сар 19. 9:33ЗГ: Импортын барааны ачаа тээврийг эрчимжүүлэх ажлын явцын талаар хуралдаж байна1 сар 19. 9:29Эдийн засаг хөгжлийн яамны дэд сайдаар С.Наранцогтыг, Г.Түвдэндоржийг БОАЖЯ-ны дэд сайдаар томилохоор болжээ1 сар 18. 19:30
© 2008 - 2022 он. Зохиогчийн эрх хуулиар хамгаалагдсан.