"Дүүргүүдийн өрсөлдөх чадварын тайлан 2021"-ийг танилцууллаа. Дүүргүүдийн өрсөлдөх чадварыг хэмжихдээ амьдралын чанар, амьдрах орчин, аюулгүй байдал, засаглал, эдийн засаг гэсэн таван үндсэн бүлгийн хүрээнд нарийвчлан тодорхойлсон нийт 150 шалгуур үзүүлэлтээр хэмждэг.
Эдгээр шалгуур үзүүлэлтүүдийн мэдээллийг цуглуулахдаа Улаанбаатар хотын есөн дүүргийг хамарсан түүвэр судалгааг явуулж өрхийн асуулгаар мэдээлэл цуглуулдаг ба дүүргүүдийн албан ёсны статистик мэдээллийг мөн ашигладаг байна.
Эдийн засгийн бодлого, өрсөлдөх чадварын судалгааны төвийн гүйцэтгэх захирал Б.Лакшми “Улаанбаатар хотын хөгжил урагшилж байна уу. Ухарч байна уу гэдгийг тайлангаар харуулдаг. 2017-2019 оныг харьцуулахад дүүргүүдийн индекс урагшилж байсан. Харин 2019-2021 оны буюу энэ удаагийн тайлангийн үр дүнд дүүргүүдийн үйл ажиллагаа ухарсан байна. Өөрчлөлт, бүтээн байгуулалтууд хийгдээгүй байна. Сул гарч буй үзүүлэлтэд эрүүл мэнд, боловсрол, эдийн засаг, ногоон байгууламж, хүүхдийн тоглоомын талбай зэрэг олон асуудал байна. Эдгээрийг нийслэл, дүүргүүдийн түвшинд авч үзэх хэрэгтэй.
Дүүргүүдийн өрсөлдөх чадварын тайланг 150 үзүүлэлтээр авч үздэг. Аль болох амьдралын чанарыг сайжруулах үзүүлэлтүүдийг оруулдаг. Хотоос алслагдсан байдал нь дүүргүүдийн үзүүлэлтэд нөлөөлөхгүй. Харин давуу тал ч байж болно.
Анхны тайлангийн үзүүлэлтээр Баянгол дүүрэг үзүүлэлтээр тэргүүлж байсан. Сүүлийн хоёр жилийн судалгааны тайланг харахад тус дүүрэг эдгээр үзүүлэлтээсээ ухарч эхэлсэн. Харин Хан-Уул дүүргийн үзүүлэлт сайжирсан. Бусад дүүргүүдтэй харьцуулахад эерэг буюу сайн үзүүлэлт гарсан. Аюулгүй, амар тайван байдал, эдийн засаг, ажилгүйдлийн түвшин буурсан зэрэг сайн үзүүлэлттэй байна.
СУДАЛГААНД СУУРИЛЖ ҮЙЛ АЖИЛЛАГАА ЯВУУЛБАЛ ХӨГЖИХӨД ТУСТАЙ
ЭЗБӨЧСТ-ийн Удирдах зөвлөлийн дарга П.Цагаан: Хөдөөгөөс суурин газар руу нүүх нүүдэл багасахгүй, нэмэгдэж байна. Монголын нийт хүн амын 46 хувь нь нийслэлдээ амьдарч байна.
Улаанбаатар хотод нийтийн тээврээ хөгжүүлэх шаардлага өндөр байна. Мөн дугуйн замыг бий болгох, ногоон байгууламж дутмаг зэрэг асуудал байна. Хүүхэд хүмүүжүүлэх таатай орчныг бүрдүүлэх хэрэгтэй. Тайлангийн дэлгэрэнгүйг сайтад байршуулна.
Дүүрэг бүрд тулгамдсан таван асуудал, хамгийн сайн ба дутагдалтай 20 үзүүлэлтийг тайлангаар харуулдаг. Судалгаанд суурилж үйл ажиллагаа явуулбал хөгжихөд тустай.
Багахангай дүүрэгт ажлын байрыг нэмэгдүүлэх, гудамжны гэрэлтүүлэг, томоохон худалдааны төвийг нэмэгдүүлэх, иргэдийг чөлөөт цагаа өнгөрөөх газрыг нэмэх зэрэг хэрэгцээ байна.
Сонгинохайрхан дүүрэг нас баралтын хувь бага, орон гэргүй хүмүүсийн тоо есөн дүүргээс хоёрт, гэр бүл салалт бага байна. Нийтийн тээвэр, зам тээврийн зөрчил, амьжиргааны түвшний өсөлт удаан байна.
7 сэтгэгдэлСэтгэгдэл бичих
xutsna biz
Лагшми бүү тэнэгт чи дүүргүүдийн ажлыг дүгнэж цэгнэдэг хэн юм бэ..
Ёоо ийм тэнэг цаасааи ажил дүгнэж молторохоо боль
Миний амьдардаг Хан Уул дүүрэг үнэхээр гоё болж байгаа. Сайхан мэдээлэл байна. Баярлалаа
ХАН-УУЛ ДҮҮРЭГТ НОГООН БАЙГУУЛАМЖ МАШ МУУ. ТӨВ ЗАМЫН ДАГУУ ЯВААД ХАР. ...ЯВГАН ХҮНИЙ БОЛОН АВТО ЗАМ НЬ МЯРЧИХСАН, ОВООЛСОН ШОРОО, ОВООРСОН ХОГ ЭНД ТЭНДГҮЙ ХӨГЛӨРНӨ. ЗДТГ-С ЗҮҮН ТИЙШ 100 М-т БАЙГАА ЗАМЫН ЗҮҮН ТАЛЫН ЯВГАН ХҮНИЙ ТАСАЛЧИХСАН ЗАМ, ОВООЛСОН ШОРОО, ХОГИЙГ ҮЗЭЭРЭЙ. ХЭДЭН ЖИЛ БОЛЛОО. ЗАСДАГ ЯНЗАЛДАГ ГАЗАР АЛГА.
Юу ч хийдэггүй дүүрэг гэдгээрээ түрүүлсэн үү хаха, харин баянгол, баянзүрх дүүргүүдийг хараарай зам талбайн тохижилт ногоон байгууламж тасархай
Аргагүй шүү дээ.Ихэнх нь бие биенээ дээрэмдэхээргүй баячууд авлигачдын хороолол учраас тэр.Харин авлигын хэргээр баривчлавал үлдэх хүн гарахгүй байх