2021 оны 6-р сарын 24
19 цаг 34 минут

Ч.Энхжаргал: Сэтгэл шингэсэн юм бүхэн үнэ цэнэтэй байдаг

Монгол Улсын Ерөнхийлөгчийн зарлигаар “Алтан гадас” одонгоор шагнуулсан Диспетчерийн үндэсний төв ТӨХХК-ийн Зах зээл зохицуулалтын албаны ахлах мэргэжилтэн, Монгол улсын зөвлөх инженер Ч.Энхжаргалтай цөөн хором ярилцлаа.

Юуны өмнө танд баяр хүргэе. Төр засагтаа ажлын амжилт, хөдөлмөр бүтээлээ үнэлүүлж “Алтан гадас” одонгоор шагнууллаа. Энэ баярт мөчид сэтгэгдлээ хуваалцахгүй юу?

-Маш их баярлалаа. Монгол улсын эрчим хүчний салбарт 27 жил ажилласан хөдөлмөр зүтгэлийг минь үнэлж энэхүү эрхэм хүндтэй шагналаар шагнасанд маш их баярлаж байна. Өнөөдрийг хүртэл энэ салбарын хөгжлийн төлөө сэтгэл нэгтэйгээр мөр зэрэгцэн ажиллаж байгаа салбарынхандаа, мөн үргэлж тусалж дэмждэг байгууллага хамт олондоо баярлаж байгаагаа илэрхийлье.

Салбарын сайд Н.Тавинбэх танд шагнал гардуулах үедээ Эрчим хүчний салбарт удам дамжсан энергетика гэж онцлон баяр хүргэж байсан. Энэ талаар бидэнд тодруулбал?

-Тийм ээ. Миний аав Эрчим хүчний салбарт 50 гаруй жил ажилласан, Аж үйлдвэрийн гавьяат ажилтан М.Чимэд гэдэг хүнийг манай салбарынхан андахгүй сайн мэднэ. Монгол улсын эрчим хүчний салбарыг хөгжүүлэх үйл хэрэгт амьдралынхаа бүтээлч он жилүүдийг зориулж, салбарын удирдах байгууллагуудад олон жил үр бүтээлтэй ажилласан аавынхаа үргэлжлэл болж энэ салбарт ажиллаж, өөрийн хувь нэмрээ оруулж яваадаа маш их баяртай байдаг даа.

Та энэ салбарт 27 жил ажилласан гэлээ. Ямар байгууллагуудад ажиллаж байв. Эрчим хүчний салбартай ажил амьдралаа холбосон дурсамжаасаа хуваалцахгүй юу?

-Би эрчим хүчний инженер эдийн засагч мэргэжилтэй хүн л дээ. Их сургуулиа төгсөөд хамгийн анх Төвийн эрчим хүчний системд Төлөвлөгөө санхүүгийн хэлтэст Эдийн засагчаар орж ажлын гараагаа эхэлсэн. Түүнээс хойш Эрчим хүчний удирдах газар, Эрчим хүчний зохицуулах хороо, Диспетчерийн үндэсний төвд санхүү эдийн засаг, Арилжаа зохицуулалтын чиглэлээр мэргэжилтнээс эхлэн, ахлах мэргэжилтэн, албаны даргаар ажилласан. Хамгийн удаан нь буюу 15 жилийг нь ДҮТ-ХХКомпанидаа ажиллаж байна даа.

Ажиллах хугацаандаа энэ салбарт хийж хэрэгжүүлсэн томоохон ажлуудаасаа онцлон дурдвал?

- ДҮТ ХХК-д Удирдлага санхүүгийн албаны даргаар ажиллаж байхдаа бизнесийн удирдлага, бүтээмж чанарын чиглэлээр санал санаачилга гарган идэвхтэй ажиллаж байсан. Тухайлбал байгууллагынхаа анхны бизнес төлөвлөгөөг боловсруулан батлуулж байлаа... Арилжаа зохицуулалтын алба анх байгуулагдахад албаны даргаар томилогдож, зах зээлийн холбогдох дүрэм журмыг боловсруулах, цахилгаан эрчим хүч худалдах, худалдан авах гэрээ хэлэлцээр хийх, нэг худалдан авагчтай загварын эдийн засгийн үр ашгийг дээшлүүлэх чиглэлээр , өөрийн мэддэг чаддаг бүхнээ зориулж, чин сэтгэлээсээ ажиллаж ирлээ.

Эрчим хүчний салбар бол маш нарийн мэргэжлийн, хүнд салбар гэдэг. Энэ салбарт эмэгтэйчүүд ажиллахад тийм ч амар байдаггүй байх. Таны бодлоор?

-Намайг сургууль төгсөх үед эмэгтэй инженерүүд харьцангуй цөөн байж. Эрчүүд голдуу ажилладаг салбарт эмэгтэй инженер ажиллах, цаашлаад алба толгойлоход ур чадвар, мэдлэг багагүй шаарддаг. Гэхдээ энэ салбарын олон мундаг хүмүүстэй хамт ажиллаж, тэдний зааж сургаж, зөвлөж дэмжиж байсны хүчинд би өдий зэрэгтэй яваа гэж боддог.

Анх сургууль төгсөөд ирэхэд хүмүүс намайг Чимэд даргын охин гэдэг өнцгөөс л хараад байхвий гэж санаа зовдог байлаа. Тиймдээ ч аавынхаа нэр төрийг өндөрт өргөж явах юмсан гэсэн бодол надад илүү их хичээх хөшүүрэг болж байсан байх аа.

Энэ салбарт олон жил ажилласан туршлагатай хүний хувьд залуу үеийнхэндээ хандаж ямар зөвлөгөө өгөх вэ?

-Бүх зүйлд чин сэтгэлээсээ ханддаг байгаасай. Залуучууд маань гадаад дотоодод өндөр боловсрол эзэмшиж мундаг болоод ирж байна. Ямар ч ажлыг чин сэтгэлээсээ хийдэг байх хэрэгтэй. Дарга цэрэг гэж ялгалгүй, цэвэрлэгч үйлчлэгч гэж гололгүй албан ажлаас гадуурх олон нийтийн ажилд хүртэл сэтгэлээсээ оролцдог энэ хандлага л хүнийг зөв замаар хөтөлдөг. Ер нь сэтгэл шингэсэн юм бүхэн үнэ цэнэтэй байдаг.

- Дараагийн нэг зүйл чухал бол хариуцлага.Ялангуяа манай салбар шиг нарийн тооцоо судалгаанд тулгуурлан ажилладаг газар тоотой маш сайн харьцдаг хянуур, хариуцлагатай байх хэрэгтэй. Нэг тоо буруу бичих, буруу тооцоолон бодохоос үүдэн ямар том асуудал, алдаа гарч болохыг үргэлж бодож маш өндөр хариуцлагатай хандах хэрэгтэй. Жижиг гэлтгүй алдаа дутагдлаа олж хардаг засч залруулдаг, суралцдаг байх хэрэгтэй.

- Нөгөө талаас бид залуу үеийнхэндээ зааж сургадаг, бодлогоор бэлддэг байх хэрэгтэй. Ингэж байж энэ салбарын залгамж холбоо тасрахгүй байх учиртай. Тийм ч ураас би залуучууд дүү нартаа өөрийн мэддэг чаддаг бүхнээ зааж сургаж үлдээхийг хичээдэг. Би ер нь өөрийгөө багш хүнтэй зүйрлэж боддог доо.

Ярилцсанд баярлалаа. Танд дахин баяр хүргэж, цаашдын ажил үйлсэд нь амжилт, гэр бүлд тань аз жаргал, эрүүл энхийг хүсэн ерөөе.

-Баярлалаа. Та бүхэнд бас ажлын амжилт хүсье.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

МАН-ын рейтингийг унагаж буй гол хүн Д.Сумьяабазар болохыг судалгаа харуулжээ8 сар 17. 12:52М.Янжиндулам: “HumanZ” өөрийгөө хайрлах шалтгааныг минь олуулсан8 сар 17. 12:21ИРГЭН С: БОАЖ-ын дэд сайд асан Ц.Батбаяр Зэд-Хантай-Бүтээлийн нурууны Дархан цаазат газарт ирж улаан номонд орсон ан амьтныг агнадаг8 сар 17. 12:20“Давхар дээл”-ээс гадна гишүүдийн тоо нэмэх асуудал яригдахад Ш.Адьшаа уурлан хурлаа хаяж гарч, Н.Ганибал ирэхгүй зугтжээ8 сар 17. 12:17200 тэрбумтай ч ажиллах компанигүйгээр Дарханы замын маапаан эхэлж байжээ8 сар 17. 11:46Бидэнд гоё ганган нэртэй цогцолбор хэрэггүй зүгээр л 2 давхар цэцэрлэг л байхад болноо8 сар 17. 10:11Ховд Вестерн клубт Ёвропын шилдэгээр удирдуулна8 сар 16. 13:52Дархан цаазат “Зэд “- ийн нуруунд ховор амьтан агнуулж, мод огтолж сүйтгэх ажлыг хамгаалалтын захиргааны дарга Д.Болорчулуун нь хийдэг гэв8 сар 16. 11:34БАРИМТ: Х.Баттулгын үед "Монгол Улсын төвийг сахих" тогтоол цуцлагдаж, ОХУ-тай стратегийн хугацаагүй гэрээ байгуулжээ8 сар 11. 13:22Наран трейдийн С.Болдхэтийн хүүхдийн цэцэрлэгийн зориулалтаар баригдсан газрыг өмчлөн авч орон сууц барих гэж байгааг иргэд эсэргүүцжээ8 сар 10. 9:22Монголчуудын “үр могой” болсон “Женко” Х.Баттулгад хэзээ хариуцлага тооцох вэ?8 сар 7. 16:00Ши Жинпиньд захидал бичиж “Эрдэнэбүрэнгийн УЦС”-ын санхүүг зогсоосон Багийн Засаг дарга Г.Цэдэнбал 8-15 жилийн ял авч магадгүй8 сар 4. 11:28Э.Одбаяр: Дабль стандартыг эсэргүүцсэн залуус өөрсдөө түүнийхээ ХОХИРОГЧ НЬ болоод явж байна8 сар 4. 10:29Өнөөдөр Улаанбаатар хотод бороо орохгүй 24 хэмийн дулаан байна8 сар 4. 8:37Байгалийн нойлоос БОЛОВСОН нойлд шилжих цаг иржээ8 сар 3. 15:00Монгол Улсын Ерөнхийлөгч танд эгэл жирийн сурагч захидал илгээж байна8 сар 1. 18:38Солонгосын алдарт дуучин PSY-ийн тоглолтын дараа Монгол залуу амиа алджээ8 сар 1. 10:31КИМ СОН ЧУЛ: Усан үзэм тарихаар 20 жил судалсан минь монголчуудыг жимс, ногоогоо өөрсдөө тарьдаг байгаасай гэж ХҮССЭНИЙХ...8 сар 1. 9:43VISUAL TOIM: 2019 оны VI сард эхэлсэн Дарханы замд 340 ОСОЛ гарч, 28 ХҮН АМИА АЛДЖЭЭ…8 сар 1. 9:34Л.Оюун-Эрдэнэ, Х.Баттулга хоёрын “ЗОДООНЫ“ ард юу нуугдаж байна вэ8 сар 1. 9:321000 километр ХУРДНЫ ЗАМ барина8 сар 1. 9:29Тэрбумаар үнэлэгдэх хөрөнгөтэй гишүүд7 сар 29. 11:06ХОМ: Бүх дүүргийн Засаг дарга нарын хөрөнгийн хэмжээ нэмэгджээ7 сар 27. 9:34Төвийн бүсийн залуус 17 жилийн дараа чуулах гэж байна7 сар 26. 11:54Эрдэнэт үйлдвэр Бэрх тосгоны музейд бурхан бүтээлгэхээр 415 сая төгрөгийн тендер зарлажээ7 сар 22. 15:35Ж.Мөнхжаргал: Манай улсад сонгуулийн холимог систем илүү тохиромжтой7 сар 19. 12:21"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20
© 2008 - 2022 он. Зохиогчийн эрх хуулиар хамгаалагдсан.