2021 оны 7-р сарын 3
11 цаг 22 минут

Б.Баттуул: Цахим хичээлд оролцож чадахгүй байгаа хүүхдүүдэд компьютер хандивлах аяныг эхлүүлсэн

     Цар тахлын үед цахим хичээлд оролцож чадахгүй байгаа ерөнхий боловсролын сургуулийн хүүхдүүдэд чиглэсэн Good luck төслийг JCI Монгол төрийн бус байгууллагын JCI capital салбар санаачлан хэрэгжүүлж байгаа аж. Төслийн хүрээнд хүмүүсийн хэрэглээнээс гарах гэж буй, шинэчлэх гэж байгаа компьютеруудыг цуглуулан 100 хүүхдэд бэлэглэх юм. Төслийн талаар илүү дэлгэрэнгүй мэдээлэл авахын тулд JCI capital Салбар байгууллагын Төслийн хорооны захирал Б.Баттуултай ярилцлаа.

-Өдрийн мэнд хүргэе. Төслийнхөө талаар танилцуулна уу?

-Өдрийн мэнд, JCI capital салбар төслийг хэрэгжүүлж байгаа. Энэ төслийнхөө хугацааг гурван жилээр төлөвлөсөн. Энэ жил эхний жил нь болж байгаа юм. 2020 оны арваннэгдүгээр сарын судалгаагаар 19,000 орчим хүүхэд ямар нэгэн байдлаар цахим хичээлд оролцож чадахгүй байгаа гэсэн судалгаа байсан. "Good luck" төсөл нь эдгээр хүүхдүүдэд чиглэсэн төсөл байгаа юм. Хүүхдүүдэд шинэ компьютер өгөх бус хэрэглэхээ больсон, эсвэл шинэчлэхээр төлөвлөж байгаа хүмүүсээс хуучин компьютер, нөтбүүкийг нь хандивлуулах юм. Энэ төслийг хэрэгжүүлэхэд компьютер цуглуулах ажлыг нь бид хийх юм. Хамтарч ажиллаж байгаа Дэлхийн зөн олон улсын байггууллага компьютер очих хүүхдүүдийнх нь нэрсийг гаргаж өгөх юм. Эргээд таны компьютерийг тэдэн хүүхэдтэй тийм айлд хүлээлгэж өгсөн гэдгийг нь албан ёсоор мэдэгдэнэ.

-Энэ жил хэдэн хүүхдэд компьютер хандивлахаар төлөвлөсөн бэ?

-Бид энэ ажлаа дөнгөж эхлүүлж байна. Дээрээс нь бид бүгд ажлынхаа хажуугаар энэ ажлаа хийдэг. Бид энэ ажлаасаа цалин авдаггүй. Тиймээс энэ жилийн хувьд 100 хүүхэд гэж тооцоолсон байгаа.

-Төсөл нь хэзээнээс эхэлсэн юм бэ?

-Бид зургадугаар сарын 5-нд төслийн нээлтээ хийсэн. Өнөөдрийн байдлаар 27 компьютертэй болчихсон байгаа. Мэдээж жижиг, сажиг асуудалтай компьютерүүдийг засаж сэлгээд яг хэрэглэхэд бэлэн болгоод хүүхдүүддээ өгнө. Компьютеруудаа цуглуулах, нэгтгэх, засаж янзлах ажлуудаа наймдугаар сарын сүүлээр дуусгаад есдүгээр сарын нэгнээс хүүхдүүддээ хүрнэ. Бидэнд компьютер хандивлаж байгаа хүмүүсийн нүд нь гэрэлтээд л ирдэг. Сэтгэл дүүрсэн мэдрэмж авлаа гэж хүмүүс их хэлдэг.

-"Good luck" гэх нэр нь ямар учиртай нэр вэ?

-Бид олон төрлийн нэр өгөх гэж удаан ярилцсан. "Жигүүр бэлэглэе", "далавч бэлэглэе" гэх мэт нэрс яригдаж байсан боловч ийм нэр өгчихвөл хүүхдүүдэд хүнд тусаж болохоор байсан. Учир нь өсвөр насны хүүхдүүд бусдаас ичдэг шүү дээ. Тэгэхлээр "далавч бэлэглэе" төслөөс компьютер авсан гэвэл эмзэглэж болохуйц байсан учраас зүгээр л дүүдээ амжилт хүсье гээд "Good luck" нэрийг өгсөн.

-JCI capital салбар өмнө ямар төсөл дээр ажиллаж байсан бэ?

-2019 онд JCI Монголоос "Нэг хором" төслийг санаачлаад манай салбар хэрэгжүүлсэн юм. Мөн "Амьдрал бэлэглэе" гээд Цусны төвтэй хамтарсан төсөл бий. 2009 оноос эхэлсэн "Амьдрал бэлэглэе" төсөл маань 13 дахь жилдээ үргэлжилж байна.

-Ярилцлагыг уншаад төсөлд нэгдэхийг хүссэн хүмүүс танайхтай хэрхэн холбогдох вэ?

-Манай Good luck нэртэй фэйсбүүк пэйжээр холбогдож болно. Би өөрөө хариуцаж авсан учраас ирсэн бүх мессэжинд хариу өгч байгаа. Мөн энэ төсөлдөө зориулж 89572233 гээд утастай болсон байгаа. Мөн компьютерүүд маань i3-аас дээш байх шалгуур үзүүлэлт байгаа. Үгүй бол хүмүүс хаях гэж байгаа юмаа өгөх гээд байдаг. Хэрэв та хүнд тусламаар байгаа бол хаях гэж байгаа зүйлээ бус шинэчлэх гэж байгаа зүйлээ өгөөрэй гэж хүсье.

-Та бүхний ажилд амжилт хүсье. Ярилцсанд баярлалаа.

 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

ДАРБА БАНДИДА гэгээнтэн өнөөдөр эх орондоо ирлээ1 сар 23. 15:19Монгол Улсын Ерөнхий прокурор Б.Жаргалсайхан ОХУ-ын цэргийн Ерөнхий прокурор В.Г.ПЕТРОВТОЙ уулзалт хийв1 сар 22. 10:55Японд таваас дээш насны хүүхдүүдэд файзер вакцин хэрэглэхийг зөвшөөрчээ1 сар 21. 15:35Г.Туяажаргал: Тогтвортой, хариуцлагатай ТББ-уудад төр бодитой дэмжлэг үзүүлэх эрхзүйн орчин хэрэгтэй1 сар 21. 15:31Боловсролын террористууд1 сар 21. 14:14Г.Ганбатыг Хөдөлмөрийн гавьяаны одонгоор шагнажээ1 сар 21. 13:12Шахмал түлш ачсан ачааны машин осолдож нэг хүн гэмтжээ1 сар 21. 9:02“Гоожих“-ын ЦОНДОН1 сар 21. 8:59ХНХЯ: Хүүхдийн мөнгө авах хүсэлтээ сар бүр гаргах ШААРДЛАГАГҮЙ1 сар 21. 8:57Х.Буянтүмэн: Нуугдмал хөрөнгийг илрүүлж, мөрдөн шалгах ажиллагаа явуулснаар 20 орчим тэрбум төгрөгийн хөрөнгийг буцаан төвлөрүүлсэн1 сар 20. 15:41Хүүхэд сууж байсан автомашиныг ачсан компанийн зөвшөөрлийг цуцлахаар болжээ1 сар 20. 15:33Маргаашийн бөхийн барилдаан цуцлагджээ1 сар 20. 15:32Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа1 сар 20. 13:55Цэргийн бүртгэл дуусахад 1 хоног үлдлээ1 сар 20. 13:46Ерөнхийлөгчийн зөвлөх Ц.Пүрэвхүү чөлөөлөгдөх өргөдлөө өгчээ1 сар 20. 13:35БНСУ-д очих иргэдээс 72 цагийн дотор PCR өгсөн байхыг шаардаж байсныг 48 цаг болгож өөрчилжээ1 сар 20. 10:38НӨАТ-ын буцаан олголтоор 1,2 сая иргэнд 63 тэрбум төгрөгийг олгоно1 сар 20. 9:54БОАЖ-ын сайд, дэд сайд нар “Тавантолгой түлш” ХХК-ийн зүүн бүсийн үйлдвэрт ажиллав1 сар 20. 9:19ХӨСҮТ: Хичээл сургалтын үйл ажиллагааг хойшлуулах санал хүргүүлээгүй1 сар 19. 13:02Казахстан даяар онц байдлыг цуцалжээ1 сар 19. 13:00Б.Цэцэгсайхан, Б.Ганзориг нарыг албан тушаалаас нь чөлөөлөхөөр болжээ1 сар 19. 11:58Зүүний сүвэгчнээсээ гарсан, “Үндэсний хүн” Л.Эрхэмбаяр1 сар 19. 11:44ЭМЯ: 3088 тохиолдол батлагдаж, нас баралт бүртгэгдээгүй1 сар 19. 11:00ХЗДХЯ-ны ТНБД-аар П.Сайнзоригийг томилохоор болжээ1 сар 19. 10:54Хаврын чуулганаар Жагсаал цуглаан хийх журмын тухай хууль зэрэг 55 асуудал хэлэлцэнэ1 сар 19. 10:13Даян аварга Н.Батсуурийг сар шинийн барилдаанд оролцуулах эсэхийг нөгөөдөр хэлэлцэнэ1 сар 19. 9:48Сургууль, цэцэрлэгийг танхимаар хичээллүүлэх хугацааг 7-14 хоногоор хойшлуулах санал гаргалаа1 сар 19. 9:36Д.Цогтбаатар: Ирэх бар жил төрийн дээд албан тушаалтнуудад муу, залууст сайн, ковидгүй жил болно1 сар 19. 9:33ЗГ: Импортын барааны ачаа тээврийг эрчимжүүлэх ажлын явцын талаар хуралдаж байна1 сар 19. 9:29Эдийн засаг хөгжлийн яамны дэд сайдаар С.Наранцогтыг, Г.Түвдэндоржийг БОАЖЯ-ны дэд сайдаар томилохоор болжээ1 сар 18. 19:30
© 2008 - 2022 он. Зохиогчийн эрх хуулиар хамгаалагдсан.