Ерөнхий сайд Л.Оюун-Эрдэнийн Хууль зүйн бодлого хариуцсан зөвлөх Л.Цэдэвсүрэнтэй ярилцлаа.
-Та төрийн албан хаагчийн ажлын гүйцэтгэлд суурилж, цалингийн системийг шинэчлэх талаар ярьж байсан. Энэ ажил ямар шатанд явна вэ?
-Засгийн газрын үйл ажиллагааны хөтөлбөрт Төрийн албан хаагчийн үйл ажиллагааг үнэлэхдээ ажлын гүйцэтгэл, үйлчлүүлэгчийн үнэлгээ, ёс зүй, сахилга хариуцлагыг шалгуур болгосон. Мөн ёс зүйн зөрчил гаргасан төрийн алба хаагчдад хүлээлгэх хариуцлагыг чангатгахаар тусгасан. Иймд төрийн албан хаагчийн ажлын үнэлгээний шалгуурыг өөрчилж, цалингийн систем шинэчлэхтэй холбоотой түүврийн судалгааг энэ сард хийлээ. Судалгаанд оролцогчдын 85, түүн дотроо төрийн албан хаагчдын 84 хувь энэ өөрчлөлтийг хийх нь зөв гэж үзсэн байна.
Дэлхийн банкнаас 2020 оны арванхоёрдугаар сард хийсэн “Өндөр чадавхитай төрийн албыг бий болгох нь: Шинэтгэлийн явц, сургамж” судалгааны тайланд Төрийн албаны орон тоо, цалин хөлсний зохицуулалт, зардалтай холбоотой томоохон асуудлуудыг Засгийн газар шийдвэрлэх шаардлагатай байгааг дурьдсан байдаг.
-Өнөөдрийн байдлаар төрийн албан хаагчдын ажлыг ямар зарчмаар үнэлдэг юм бэ?
-Засгийн газраас 2020 онд баталсан журмын дагуу төрийн захиргааны болон тусгай албан хаагчдын ажлыг улирал тутам үнэлдэг. Харин төрийн үйлчилгээний албан хаагчдын хувьд тусгайлсан нийтлэг журам байхгүй. Тухайн салбарын онцлогоос хамаарч, үнэлгээний шалгуур журам харилцан адилгүй байдаг. Жишээ нь, эрүүл мэнд, боловсролын салбарынханд ажлын үр дүнгээр мөнгөн урамшуулал олгох талаар Засгийн газраас 2019 онд журам баталсан. Энэ журмаар зохицуулж байна. Хэдий ийм журамтай ч үнэлгээг шударга, бодитой хийж байна уу гэдэг асуулт дагадаг. Мөн ажлын гүйцэтгэлийн үнэлгээг хийхэд төрийн албан хаагчид урамшуулал олгох нарийвчилсан зохицуулалт хангалтгүй байсан.
Засгийн газраас 2019 онд баталсан “Төрийн албан хаагчид мөнгөн урамшуулал олгох журам”-д улирлын ажлын үр дүнгийн мөнгөн урамшууллыг хөдөлмөрийн дотоод журам, албан тушаалын тодорхойлолт, төрийн албан хаагчийн гүйцэтгэлийн төлөвлөгөө, хөдөлмөрийн гэрээнд заасан ажил, үүргээ хангалттай гүйцэтгэсэн, ажлын байранд хөдөлмөрийн сахилга, ёс зүйн зөрчил гаргаагүй албан хаагчид олгоно гэж заасан. Үүгээр албан хаагчийн албан тушаалын сарын үндсэн цалингийн 40 хувиас хэтрэхгүй байхаар зааж өгсөн.
-Төрийн албан хаагчид ажлаа сайн хийж, түүндээ тохирсон цалин хөлс авдаг байхын тулд нэн тэргүүнд ямар ажил хийх ёстой гэж та үзэж байна вэ?
-Төрийн албан хаагчийн цалингийн бүтцэд өөрчлөлт оруулж, цалингийн сүлжээг өөрчлөх ёстой. Өнөөдөр Төрийн албаны тухай хуульд цалин нь ямар хэсгээс бүрддэгийг маш тодорхой зааж өгсөн. Гэхдээ “ажлын үр дүнгийн…” цалин, нэмэгдлийн асуудал тусгагдаагүй. Мөн цалингийн нэмэгдэл, нэмэгдэл хөлсний асуудлыг ч судлан цэгцлэх хэрэгтэй. Ажлын онцлог, хүнд нөхцөл, ачаалал, зайлшгүй шаардлага, дэмжлэгийг судлан ямар салбарын албан хаагчид нэмэгдэл, нэмэгдэл хөлс өгөх вэ гэдгийг шинэчлэн тогтоох хэрэгтэй. Магадгүй төрийн албан хаагч хууль тогтоомжид заасан энэ нэрлэсэн, тогтмол цалин, нэмэгдлээ тасралтгүй аваад яваа нь тэдний хийсэн ажилд нь таарсан, өрсөлдөөнд суурилсан цалин хөлс биш, ажлаа хийсэн, хийгээгүй ч авдаг цалин хөлсний тогтолцоо болсон байхыг үгүйсгэхгүй.
Төрийн албаны тухай хуульд өөрчлөлт оруулж, цалингийн бүтцэд ажлын үр дүнгийн цалин, нэмэгдлийг оруулснаар ажлаа хариуцлагатай, мэргэжлийн түвшинд, чанартай, санаачилгатай хийх хөшүүрэг бий болно гэж үзэж байна.
11 сэтгэгдэлСэтгэгдэл бичих
БЗД-ийн Газрын албаны хэсэг байцаагч нар төрөөс цалин авна, дээрээс нь нэг байцаагч гэхэд 07 га-р 20 айлын газар авчихсан зараад сууж байна, энэ бүхнийг шалгаач ээ АТГ аа
Байнга бусдыг муулж байдаг хүн ер нь өөрөө хэн бэ. Гэдэгээ мэддэггүй тэнэгүүд байдаг шигээ.Харин яаж яваад нэг юмбэ шинэ үсэг хагас дутуу сурчихсан эргүү толгойт вэ. Бүү мэд. Төрийн хөрөнгөөр сурчихаад бас төрөө муулна гээч...Ээээ чааваас ийм амьтадыг одоо яалтай ч билээ.Эцэг эхийн хүмүүжилээс л шалтгаалдаг байхдаа. Залуус минь бага боловч ухаантай хэлэх ярих бичих үгээ бодож ****** зүхэл хийхгүй байвал зүгээрсэн дээ. Хойч үе минь бас та нар шиг муу зуршилтай болчих вий дээ.
Боловсролын яамны сайд байхдаа С.Амарсайхан гишүүн гэх мэт дарга, мөнгөтэй айлын хүүхдийн сургалтын тэтгэлэг зохицуулж хүүхдийн хувь заяагаар тоглосон бузрын авлагч авгай шүү юу нь хуулийн зөвлөх вэ. Авилга авах талаар зөвлөх байх.
Маш зөв. Цаг нь болсон. Цэдэвсүрэн збвлөх төрийн захиргаанд олон жил ажилласан ажлаа мэддэг шударга сэтгэлтэй хүн. Одоо цагт нүдний гэм болсон хүн дээ. Эмэгтэй хүн юм яримагч эмгэн авгайгаар нь дуудаж эхжлдэг өөр хийх хжилгүй арчаагүй юмнууд байх юм. 70 80 гарсан өвгөчүүл хамаг юм бузөрлаад байж л байна зүгээр үү
Энэ авгай шал хэрэгцээгүй, дэл сул ажил хийж явах юм да. Хүн нэмэгдэл авах авахгүй ямар хамаа байнаа. Ард нийтэд аль болох л нэмэгдэлийг нь өгч байх хэрэгтэй ш дэ.
Утга, агуулгыг нь ойлгоогүй байж хамаатуулаад хаа хамаагүй юм наагаад л биччих юмаа, ийм сул байж бичих хэрэг байдаг ч юмуу үгүй ч юмуу? Дээрх ярианы агуулга төрийн албыг хариуцлагажуулна, ингэхдээ татвар төлөгчидөөр үнэлүүлж нэмэгдэл олгоно гэсэн байна. Энийг ард иргэд хүсч байгаа гэсэн утгатай.
YAAG UNENDEE TURIIN ALBAN HAAGCHID GEJ YUUUCH HIIDEGGUI YUUUCH MEDDEGGU AJILIIN BAIRAN DEEREE BARAG BAIDAGGUI AJILAAR DALIMDUULAN HUND SURTAL GARGAN AVILGA AVTSGAASANI AJILAA TARAAD L BARAND SUUTSGAASAN ARD TUMNII MUNGUUR TSALINJIJ BAIGAAGAA MEDEHGUI HESEG BULEG HULGAICHUUD BII BOLSON SHUUUU
hereggui nowshnuud ih bna, huwiin hewshliig sorj hanahgui bna uu, ta nar zogsohgui bol hojim haramsah zuil ikh bolno do nowsh nudaa
Энэ яажгар авгай болио
Шалдар булдар ажил хийх юм даа. Нефть боловсруулах үйлдвэр яааваа.
Одоо болиод тэтгэвэртээ суу. Чиний зөвлөх гэж юу байдгийм. ОюунЭрдэнэ чи хөгшин авгай нартай зууралдахаа болиоч