УИХ-ын чуулганы хуралдаан үргэлжилж байна. Хуралдаанаар Монгол Улсын нэгдсэн төсвийн 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн Төсвийн тухай хуульд нэмэлт, өөрчлөлт оруулах тухай хуулийн төслийг хэлэлцэж байна. УИХ-ын гишүүд хуулийн төсөлтэй холбогдуулан асуулт асуун, хариулт авч байна.
УИХ-ын гишүүн Г.Амартүвшин "Олон жилийн өмнө батлагдаад дуусаагүй царцсан төслүүд тэр тусмаа боловсролын салбарын сургууль цэцэрлэгийн барилгууд байна. 4-5 жилийн өмнө батлагдсан өртөг өнөөдөр ямар ч ач холбогдолгүй болсон. Барилгын материал, ажлын хөлсний үнэ нэмэгдсэн. Үүнтэй холбогдуулан өртгийг нь нэмэгдүүлж орж ирж байгаа төслүүдийн нийлбэр дүн хэд байна вэ? Цаашдаа бодит бус өртгөөр төсөвт хөрөнгө оруулалт суулгадгийг яаж өөрчлөх вэ?
Төрийн өмчит компаниудаас 400 гаруй тэрбум төгрөгийн ногдол ашиг авна гэж байгаа. Өнөөдрийн бүтэц, зардлын хэмжээгээр төрийн өмчит компаниуд ийм хэмжээний ногдол ашиг төлж чадахгүй. Төрийн өмчит компаниудын бүтцэд ямар өөрчлөлт оруулах вэ" гэж асуулаа.
Сангийн сайд Б.Жавхлан "Сүүлийн жилүүдэд хийгдэж байгаа төслийн шинэчлэлийн хүрээнд хөрөнгө оруулалт тал дээр онцгой анхаарах ёстой. Засгийн газрын хувьд УИХ-ын гишүүдтэйгээ хавраас эхлэн 2022 оны хөрөнгө оруулалтын бэлтгэл ажлыг хамтран хийсэн. Бидний өргөн барьсан төсөвт аудит хийгээд хөрөнгө оруулалтын бэлтгэлгүй, зураг төсөвгүй зүйл байхгүй гэсэн дүгнэлт гарсан. Энэ бол том ахиц.
Олон жил зарцсан хэд хэдэн төслүүд байгаа. Эдгээрийн магадлалын ерөнхий дүгнэлт хуулийн хүрээнд гарсан. Нийт 184.7 тэрбум төгрөгийн шилжих хөрөнгө оруулалтын төсөвт өртөг нэмэгдэж 2022 оны төсөвт тусгаж өргөн барьсан. Нийт 120 төсөл байгаа. 103 нь шилжих төслүүдэд багтаж орсон.
Төрийн өмчийн компаниудын хувьд дорвитой бүтцийн өөрчлөлт хийх цаг болсон. Эдгээр компаниудын нийгмийн өгөөж багассан байна. Тийм учраас компани нэг бүрээр эрсдэлийн үнэлгээ хийж байгаа. Гурван чиглэлээр бүтцийн өөрчлөлт хийгдэнэ. Үнэхээр стратегийн ач холбогдолтой бол төр 100 хувь аваад явна. Биржээр гарган хувьцаат компани болгож нийгмийн өгөөжийн засаглалыг сайжруулах боломжтой бол энэ замаар бүтцийн өөрчлөлт хийнэ. Гуравт, үнэхээр төр авч явах шаардлагагүй бол шууд татан буулгах юм" гэлээ.
Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо
ТАНИЛЦ: АН-ын дарга Л.Гантөмөрийн зөвлөхүүд
Л.Оюун-Эрдэнийн ээлжит том нүүдэл нь ТӨСӨВ байх нь!
АН-ын 16 Дэд дарга тойрогт нэр дэвшихээр Л.Гантөмөртэй тохирчээ
СОНГУУЛИЙН ХУУЛЬ: 78 гишүүн сонгох тойргийн том, жижиг мажоритар хувилбарыг 2024 онд шийдэж, хаалттай жагсаалтад багтах 48 нэрсийг ил зарлана гэж батлахаар бэлтгэж байна
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Зөвлөлдөх зөвлөлийн бүрэлдэхүүнд нэр дэвшигчийг бүртгэж байна
Ногоон эдийн засгийн хамтын ажиллагааг эрчимжүүлэх, Эдийн засгийн түншлэлийн хэлэлцээр байгуулах зэрэг асуудлыг хөндөж ярилцлаа
7 сэтгэгдэлСэтгэгдэл бичих
ok
Kompaniin huuliig oorchilj haraat bus gishiidiin hyanaltiig saijruulah ni chuhal shu, haraat bus gishuudiin toog ni nemj baij hyanalt ur ashig saijirna
Эрчим хүчний төрийн өмчит компаниудын дийлэнх нь алдагдалтай ажиллаж байна. Энэ нь олон шалтгаанаас болж байгаа. Эрчим хүчний компанийн хувьцааны 70 хувийг эрчим хүчний яам, 30 хувийг Төрийн өмчийн бодлого зохицуулалтын газар эзэмшдэг. Эрчим хүчний яам Төлөөлөн удирдах зөвлөлийн гишүүдийг нь томилдог, компанийн төлөвлөгөөг нь баталдаг, бас хяналтаа тавьдаг, бас захирлуудыг нь томилдог гээд зөндөө л олон давхардал, хуучин ТӨХ заримыг нь хариуцдаг байсан, ядаж ТУЗ-ийн томилгоог нь Төрийн өмчийн бодлого зохицуулалтын газар нь буцааж өгмөөр
Төрийн өмчит компаниудад бүтцийн өөрчлөлт шинэчлэлт хийх цаг үнэхээр болсон шүү. Төрийн өмчит компаниудын удирдлага гэж асар том бүтэц бий нэг л их олон захирлууд орлогч туслах гээд тэдний машин унаа бензин тос, гар утасны нь зардал гээд компаниас зөндөө зардал гардаг гэсэн. Ялангуяа төрийн өмчит Эрчим хүчний компаниудын удирдлагын бүтэц их нүсэр гэнэлээ. Төрийн өмчит компаниудын Төлөөлөн удирдах зөвлөлийн 9 гишүүний 5-аас доошгүйг нь хараат бус гишүүдээр томилмоор байгаа юм да тэгж байж л хөндлөнгийн хяналт сайжирна шүү дээ.
улс төрийн томилгоогоор нүүдлийн шувууд шиг ажилладаг сэтгэлгүй чадваргүй нөхөд их байна нийслэлийн хурлын төөлөөлөгч нар бүх агентлагийн дарга нар байх юм дарга болох гэж төлөөлөгч болдог юм шиг хэзээ нь төрийн ажлаа хэзээ нь улс төрийн төлөөлөгчийн ажлаа явуулдаг байна уул нь иргэдийн төлөө цаг наргүй зүтгэнэ гэж л шуугисан даа
Төрийн өмчит компаниудад бүтцийн өөрчлөлт хийхийг дэмжиж байна. Мөн дотоод бүтэцэнд өөрчлөлт хийх хэрэгтэй. Хэрэггүй ажилгүй зардал өндөр орлогч нар , хэлтэсийн дарга нэртэй нөхдүүд олон байна. Эдгээрийг нэгтгэн цэгцэлбэл ажилчдын цалин нэмэх бүрэн боломжтойн дээр ашигтай ажиллана.
ХОНЦИН СЭТГЭЛТЭИ ЧАДВАГУИ ДАГАНЦАРУДА ТАТАН БУЛГАЧ