2021 оны 10-р сарын 26
12 цаг 14 минут

ТАНИЛЦ: Эрдэнэс Тавантолгойн нүүрс баяжуулах үйлдвэрийн тендер тойрсон ноцтой БАРИМТ

     Монголын шилдэг татвар төлөгч, монголчуудыг цар тахлын хямралын үед авран хамгаалж буй “шидтэн”, Монголын үе үеийн улстөрчид, төр засгийнхны “саалийн үнээ” гээд сайн, саараар ч цоллуулж яваа компани бол “Эрдэнэс Тавантолгой” ХК. Тэгвэл энэхүү компанид улстөрчид сүүлийн хоёр жилийн хугацаанд л эзний сэтгэлээр хандан тордож усалж, томруулж байна уу хэмээн бодож байтал тийм биш байжээ. Нөгөөх л тендер зувчуулдаг, хувааж иддэг, хууль бусаар наймаа хийдэг, хулгайгаа нуудаг газар хэвээр гэдгийг нотлох нэгэн ноцтой баримтыг уншигч танд хүргэж байна.

Охин компани нь ТЭЗҮ-г боловсруулж, толгой групп нь барилга барина
Чайна Металлуржикал Инженеринг ХХК (China Metallurgical Engineering Co., Ltd.)-н боловсруулсан зураг төслийн тайлангийн хэсгээс
 
       Энэ бол 2020 оны нэгдүгээр сарын 24-ны өдөр зарласан жилд 30 сая тонн нүүрс баяжуулах хүчин чадал бүхий “Эрдэнэс Тавантолгой” ХК-ийн “Нүүрс баяжуулах үйлдвэрийн олон улсын шаардлагад нийцсэн ТЭЗҮ, FEED боловсруулах, зөвлөх үйлчилгээ үзүүлэх” тендер, энэ оны наймдугаар сард зарласан  “Нүүрс баяжуулах үйлдвэрийн барилгын зураг төсөв боловсруулах, барилга угсралтын ажил гүйцэтгэх” гэсэн хоёр тендерт нэг компани ялсан тухай ноцтой баримт юм. Монгол Улсын цагаан дээр хараар бичсэн хуулийг ноцтой зөрчсөн Хятадын компанид давуу байдал олгож, ТЭЗҮ-г охин компани нь хийж, харин толгой групп нь барилгын зураг төслийг гарган барьж гүйцэтгэх тендерт ялсан нь төрийн бүх хуулийг зөчихөөс гадна тендерт тавих шаардлагаа ч хангаагүй байна. Ялах ямар ч боломжгүй групп ямар нэг арга хэрэглэн тендерийг авч чадсан гэсэн үг. Өөрөөр хэлбэл, Монгол Улсын Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14.1.5-д “Тендерт оролцогч нь бараа, ажил, үйлчилгээний зураг төсөл, техникийн тодорхойлолт болон бусад баримт бичгийг бэлтгэсэн, эсхүл гэрээний хэрэгжилтийг хянах, зөвлөх үйлчилгээ үзүүлэхээр нэр нь дэвшигдсэн этгээдтэй нэгдмэл сонирхолтой” тохиолдолд тендерт оролцогч нь ерөнхий нөхцөл хангаагүй гэж үзнэ гэсэн хуулийг ноцтой зөрчсөн газар тендерт хууль бусаар ялсан баримт.

Нөгөөтээгүүр, Тендерийн баримт бичгийн Тендерт оролцогчид өгөх зааварчилгаа (ТОӨЗ)-ны 4.2.5-д “Тендерт оролцогч (туслан гүйцэтгэгч бүрийг оролцуулан) нь бараа, ажил, үйлчилгээний зураг төсөл, техникийн тодорхойлолт болон бусад баримт бичгийг бэлтгэсэн, эсхүл гэрээний хэрэгжилтийг хянах, зөвлөх үйлчилгээ үзүүлэхээр нэр нь дэвшсэн этгээдтэй нэгдмэл сонирхолтой” бол ерөнхий нөхцөл хангаагүй гэж үзнэ хэмээн тусгасан байдаг. Энэ тохиолдолд ТЭЗҮ боловсруулах тендерт ялсан БНХАУ-ын “Чайна Металлуржикал Инженеринг” ХХХ   (China Metallurgical Engineering Co., Ltd.), зураг төсөв боловсруулах барилга, угсралтын ажил гүйцэтгэх төсөлд ялсан “Синостеел Экьюпмент энд Инженеринг групп” /Sinosteel Equipment & Engineering Co., Ltd/ нь хоёулаа төрийн хуулийн шалгуурыг давж чадахгүй бүдрэх байсан ч тэднийг хууль бусаар ялуулчхаж.  

Дээрх хоёр компани ямар, ямар нотлох баримтаар охин болон толгой компанийн хамааралтай байгааг уншигч та сонирхож байгаа нь мэдээж. Бид ч баримтаа илүү нягтлах үүднээс “Sinosteel Equipment & Engineering Co.,Ltd”-ийн албан ёсны вэб хуудас руу нь хандаж үзлээ. Уншигч та ч ЭНЭ холбоосоор нэвтрэн орж тус компанийн охин компаниудын мэдээлэлтэй танилцаж болно.

    Тус хүснэгтийн “Байгуулсан компани ба хамтарсан үйлдвэр” хүснэгтийн долоодугаарт баяжуулах үйлдвэрийн ТЭЗҮ-г боловсруулсан “Чайна Металлуржикал Инженеринг” ХХК-ийн нэр зурайж байна. Үүнээс гадна энэхүү охин компани нь өөрийнхөө албан ёсны сайтад ч үүсгэн байгуулагчдын тухай мэдээлэлдээ зураг төсөв боловсруулах тендерт оролцсон “Sinosteel Equipment & Engineering Co., Ltd”-ыг дурджээ. Өөрөөр хэлбэл, 1998 онд байгуулагдсан тус компанийн 63.33333 хувийг нь“Синостеел Экьюпмент Инженеринг групп” эзэмшдэг гэсэн үг.  (эх сурвалж: БНХАУ-ын компаниудын албан ёсны мэдээллийг шалгадаг 天眼查 аппликэйшн )

 Тендерийн хууль зөрчсөн компанид “хамгийн сайн” гэсэн үнэлгээ өгчээ

/албан бичгийг зургаас харна уу/

“Нүүрс баяжуулах үйлдвэрийн барилгын зураг төсөв боловсруулах, барилга угсралтын ажил гүйцэтгэх” тендерийн сонгон шалгаруулалтад БНХАУ-ын Төрийн өмчийн компани болох “Синостеел Экьюпмент энд Инженеринг групп” /Sinosteel Equipment & Engineering Co., Ltd/ ялалт байгуулсан бөгөөд нийтдээ 954.182.113.500төгрөгөөр хийж гүйцэтгэхээр бичиг баримтаа бүрдүүлж өгчээ. Тус тендерт БНХАУ-ын дөрвөн том компани хүсэлтээ ирүүлснээс тус группийн үнийн санал нь дээрээсээ хоёрдугаарт эрэмбэлэгдэж байжээ /зургаар хавсаргав/. Үүнээс ч бага үнийн дүнгээр буюу 881.955.731.075 төгрөгөөр хийж гүйцэтгэх боломжтой хэмээн “Power China BGTG Joint venture”-ээс үнийн саналаа ирүүлсэн тус компанийг үл тоож, хамгийн өндөр үнэтэйг сонгосон нь эрхгүй хардлага дагуулах ажээ. Өөрөөр хэлбэл, тендерийн журам дүрмээр бол хамгийн бага үнийн саналаар хамгийн чанартайг хийж гүйцэтгэх компанийг сонгон шалгаруулах ёстой ч өндөр үнэтэй хийж гүйцэтгэхээр саналаа ирүүлснийг нь сонгож, гэрээ байгуулах эрх олгох албан бичгээ хэдийн илгээжээ.

“Синостеел Экьюпмент энд Инженеринг групп” /Sinosteel Equipment & Engineering Co., Ltd/ компани нь голчлон инженерийн гэрээ, төслийн менежмент, металлургийн инженерчлэл, тоног төхөөрөмжийн хяналт, технологийн хөгжил болон зөвлөх үйлчилгээ үзүүлдэг хэмээн танилцуулгадаа дурдсан байх юм. Ийнхүү Монгол Улсын хууль тогтоомжийг ноцтой зөрчиж охин компаниараа ТЭЗҮ-гээ хийлгэж, өөрсдөө барилга барих эрхийг нь авсан компанид “Эрдэнэс Тавантолгой” компанийн удирдлагууд мэдэхгүйгээсээ “хамгийн сайн” гэсэн үнэлгээ өгч, гэрээ байгуулах албан бичиг илгээсэн үү, эс бөгөөс мэдсээр байсан атлаа мэдэн будлив уу гэдэг нь сонирхолтой атлаа хариулт нэхсэн сэдэв болов.

Тиймээс авлига авч, албан тушаалын давуу байдлаа ашиглан энэхүү тендерт огтхон ч шалгарахгүй байсан хууль бус газарт давуу байдал олгосон эсэхийг АТГ-аас шалгах ёстой юм. Нэгдмэл сонирхолтой этгээд нэг үйлдвэрийг өрсөлдөгчгүйгээр ТЭЗҮ-г нь боловсруулж, дараа нь барилгын зураг төслийг гаргаж, угсрахаар болчхоод байхад төр хэдэн төгрөгийг энэ компаниас хэрхэн салгах вэ, хэнийг нь халж солих вэ, хэний хүнийг томилох вэ гэсэн жалга довны улс төртэй зууралдсаар суух аж. Харин төрийн хуулиа зөрчсөн тус компани цар тахлын дажин дундуур нэг Хятад улсын нэг группд давуу байдал олгосон “хулгай”-гаа чимээгүйхэн нууж орхисныг дээрх баримтаас  харж болно. Үүнийг шалгаж хянах газар нь шалгаж, нэг компанид давуу байдал олгосон эзнийг нь олж хариуцлага тооцож, тендерийг хүчингүй болгоно гэж найдъя.

 

10
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

10 сэтгэгдэлСэтгэгдэл бичих

202.179.21.205Зочин   • 2021, 10 сарын 28. 14 цаг 54 минут

Хаянхярваагийн хүсээд байсан зүйл энэ. Эх орноо худалдан идэж баяжих. Дээрээ ингэж улайран тонон дээрэмдэнэ Монгол улс яаж хөгжих вэ?

192.82.73.116Зочин   • 2021, 10 сарын 28. 11 цаг 47 минут

Энэ компаний захирлыг солиод шалгалт хийвэл их юм гарах нь дээ

202.126.92.194Зочин   • 2021, 10 сарын 27. 11 цаг 36 минут

Төрд идэх гэж гардаг. Тэрийгээ хийж байна.Хүчээ нэгтэгсэн хулгайч нар эх ороныг минь цөлмөхөө болиоч. Хууль шүүх нь хүчээ нэгтэгсэн авилагчдын талд ажиллахаа боль

66.181.188.22   • 2021, 10 сарын 28. 2 цаг 08 минут

https://www.youtube.com/watch?v=Uw0wvMPL_TU

66.181.188.22   • 2021, 10 сарын 28. 2 цаг 08 минут

https://www.youtube.com/watch?v=C1ttQL6eNZg

202.55.191.194галголомт   • 2021, 10 сарын 27. 8 цаг 47 минут

Манай Монголчууд мал сэтгэхүйгээсээ хэзээ салнаа Одоо дэлхийн нүүрс ховордоод эхнээсээ тасраад эхэлсэн гал алдах дээрээ тулаад эрчим хүчээ хязгаарлаад байхад нүүрсээ гадагшин хямд өгөх гээд л дотороо алалцаад шившиг ч юм даа Монголын нүүрс хэзээ нэг өдөр дуусан дараа нь хөлдөхгүйн тулд тэрбум модоо түлээд дуусан тэгээд юу түлэх вэ

59.153.115.203kkk   • 2021, 10 сарын 27. 9 цаг 21 минут

ter yaahvee udahgui sansarruu niseh tulshgui bolno.monets film

59.153.115.203kkk   • 2021, 10 сарын 27. 9 цаг 22 минут

konets filma

202.179.27.205Зочин   • 2021, 10 сарын 26. 12 цаг 17 минут

Энэ ч үнэн шударга гэхээсээ илүү тендерт оролцсон өрсөлдөгч компаний төлбөртэй нийтлэл байна даа.

64.119.27.27Зочин   • 2021, 10 сарын 26. 17 цаг 19 минут

https://www.youtube.com/watch?v=2phCYhsp43Y

Шинэ мэдээ

Ноён бондгор дэлхийн дуучин болно11 сар 24. 13:57П.Мөнхтуул: “Тавантолгой“ ХК-ийг хууль бус зүйл хийгээгүй гэдгийг хуулийн байгууллагууд нь шалгаж тогтоогоод хэргийг хаасан11 сар 23. 14:17С.Насанбатын хууль бус, ашиг сонирхолын зөрчил бүхий үйлдлийг хэн хаацайлаад байна вэ?11 сар 22. 16:42“Хөгжлийн бэрхшээлтэй хүний хөдөлмөр эрхлэлт ба дэд бүтэц, мэдээллийн хүртээмж“ хэлэлцүүлэг боллоо11 сар 22. 11:45Хоёр настай бяцхан охиндоо "Амьдрал бэлэглэх"-ийг Монголын ард түмнээсээ хүслээ11 сар 22. 11:21“DISABILITY EXPO 2022” хөгжлийн бэрхшээлтэй иргэдийн нэгдсэн өдөрлөг болно11 сар 20. 10:36Ерөнхий сайд зүүн бүсийн аялал жуулчлалын зөвлөгөөнд “Шинэ сэргэлтийн бодлого”-оо танилцуулав11 сар 18. 14:56Борхүүг дархан цаазат Богдхан ууланд нутагшуулахаар болжээ11 сар 16. 16:41Д.Амарбаясгалан: Л.Оюун-Эрдэнийг Ерөнхий сайдаас унагаж, тэр албан тушаалд очихын төлөө явах тийм үеийн төлөөлөл бид биш11 сар 15. 15:54Б.Болор-Эрдэнэ: Дэд сайдын албан тушаалаасаа өөрийн хүсэлтээр чөлөөлөгдөх өргөдлөө хүргүүлснээ мэдэгдэж байна11 сар 8. 19:27Улсын тусгай хамгаалалтын бүсэд түр хугацаанд газар эзэмшиж байсан иргэд хувийн ашиг сонирхлын үүднээс “Эсү трейд” компанийн нэр хүндэд халдаж байна11 сар 6. 16:10"Тавантолгой" ХК-иас мэдэгдэл гаргалаа11 сар 3. 7:10ХЭРЭГ ХУУЧИРДАГГҮЙ: Иргэдээс татан төвлөрүүлсэн 4.5 тэрбумын зарцуулалтандаа тайлбар хийж ёс зүйн харицулага хүлээн үү С.Насанбат дарга аа11 сар 2. 12:12Тогтвортой хөгжлийн зорилго ба Монгол Улс10 сар 28. 14:11ШУУРХАЙ: Хуулийнхан “Эрдэнэс Тавантолгой“ компанийн захирал Б.Ганхуяг болон зарим ажилтны өрөөнд нэгжлэг хийж байна10 сар 27. 21:55Хөгжлийн банканд хүнээ томилсон, мөнгийг нь цөлмөсөн, бодийг нь хөтөлсөн улстөрчдийг бүгдийг нь шалгая10 сар 27. 9:11Ногоон эдийн засгийн хамтын ажиллагааг эрчимжүүлэх, Эдийн засгийн түншлэлийн хэлэлцээр байгуулах зэрэг асуудлыг хөндөж ярилцлаа10 сар 26. 16:21Халуун усны хоолой задарч засвар хийж байсан таван ажилтан түлэгджээ10 сар 26. 10:39ХӨНДӨХ СЭДЭВ: Хилээр гарч буй самрыг ТАТВАРТАЙ болгохгүй бол хушин ой СҮЙДЛЭЭ10 сар 26. 9:55УИХ-ын дарга Г.Занданшатар БНСУ-д айлчилж байна10 сар 25. 13:22Төлөвлөгөөт хяналтаар 52 албан тушаалтны ХОМ-ийг шалгав10 сар 25. 9:27Ж.Цээлэй: Аврагчид бидний хэн нэгэнд туслах сэтгэл хэзээ ч, хаана ч, хэн гэдгээс үл хамааран “зориулагдсан” байдаг10 сар 25. 9:26ХУДАЛДАА ЭРХЛЭГЧ: Иргэд 500 төгрөгийн лууванг “ТОМ БАЙНА, хувааж авья“ гэдэг10 сар 25. 9:22ТҮҮНИЙ ТУХАЙ: Өвдсөн ч “БОСНО“ гэсэн итгэлтэй бай10 сар 25. 9:21БГД-т зөвшөөрөлгүй барьсан 34 гараашийг буулгаж, автомашины зогсоол байгуулжээ10 сар 25. 9:20БАЙНГЫН ХОРОО: Хянан шалгах түр хорооны төсвийн асуудлыг хэлэлцэнэ10 сар 25. 9:19НӨАТ-ын гуравдугаар улирлын буцаан олголтыг энэ долоо хоногт олгоно10 сар 25. 9:19УБЕГ-ын дарга Д.Дэлгэрсайхан: Ирэх онд гадаад паспортыг цахимжуулна10 сар 25. 9:18​ “Хөгжлийн бэрхшээл ба тэгш хүртээмж-2022” эрдэм шинжилгээний хурал болно10 сар 24. 10:34“Соёлын бодлого ба тэгш хүртээмж” хэлэлцүүлэг боллоо10 сар 18. 10:31
© 2008 - 2022 он. Зохиогчийн эрх хуулиар хамгаалагдсан.