Африк тивийн зарим улс орнуудад коронавирусийн шинэ мутаци “омикрон” хэмээх вирус илэрсэн. Үүнээс сэргийлэхээр манай улс ямар арга хэмжээ, стратеги төлөвлөн ажиллаж байгаа талаар УОК-ын Шуурхай штабын дарга, генерал Б.Ууганбаяраас тодрууллаа.
-Шинэ төрлийн “Омикрон” вирус илэрсэнтэй холбогдуулан гадаад улсаас ирэх иргэдийг хэрхэн тусгаарлаж байгаа, шинжилгээг яаж хийж байгаа талаар мэдээлэл өгөхгүй юу?
-“Омикрон” вирус бүртгэгдсэн улс оронд амьдардаг эсвэл эдгээр орноор дамжин өнгөрсөн Монгол Улсын иргэдийг эх орондоо ирэх үед 10 хоногийн хугацаатай тусгаарлахаар болсон. Тусгаарлалтын зардлыг тухайн иргэн өөрөө хариуцах бөгөөд тусгаарлалтад байх хугацаанд хоёр удаагийн PCR шинжилгээ авна.
-Иргэдийг тусгаарлах бэлтгэл бүрэн хангагдсан уу?
-УОК-ын Нэгдсэн шуурхай штабаас иргэдийг 17 нэр бүхий зочид буудлыг түшиглэн тусгаарлах бэлтгэлийг хангасан. Үүнд, Кентавр, Наранбулаг, Зүчи, Мөнххустай, Тайж, Амар, БиЖи, Намуун, Монголика, Альфа, Ворд Монголиа, Багабаян цогцолборт хоногийн 0-3 насны хүүхэд төлбөргүй, 04-16 насны хүүхэд 50.000 төгрөг, 17-оос дээш настай бол 100.000 төгрөгийн үнэтэй тусгаарлана.
Тухайн иргэд өөрийн хүсэлтээр Кемпенски, Туушин, Новотел, Ибис, Стайлс, Улаанбаатар, Рамада зэрэг нэмэлт төлбөртэй зочид буудалд тусгаарлагдаж болно.
-Тухайн иргэн гадаад улсад зорчиж байх үед “Омикрон” вирус илэрсэн тохиолдолд ямар арга хэмжээ авах вэ?
-Сүүлийн үед иргэд гадаад орнуудад аялж зугаалах нь ихэсч байна. Тухайлбал, Турк, Тайланд, Тайвань зэрэг орнуудад ихээр зорчиж байгаа тул ЭМЯ, ХӨСҮТ-ээс анхааруулсан “Омикрон” вирус илэрсэн улс орнуудад зорчихгүй байх, дамжин өнгөрөхгүй байхыг анхаарах хэрэгтэй.
Нөхцөл байдлаас шалтгаалан тухайн улс орны Засгийн газар хилээ хаах, агаарын тээврийн хөдөлгөөнийг зогсоох, хязгаарлаж болзошгүй. Иймд иргэд тухайн улс оронд тодорхойгүй хугацаагаар хязгаарлалтад орж болзошгүйг анхаарч эрсдлээ тооцож, гадаад улс оронд зорчихгүй байхыг сэрэмжлүүлж байна.
-Мэдээлэл өгсөнд баярлалаа.
12 сэтгэгдэлСэтгэгдэл бичих
Анхааруулаад байхад албатай юм шиг гадагшаа тэнэж явчихаад дараа нь үхлээ хатлаа гээд төр засгаа хараагаад байдаг тэнэг шуналтай ОРК ганзгын наймаачдыг хилээр бүү гарга.
омикрон ороод ирсэн байхаа хилээ хаагаачээ худлаа ярих биш ажлаа хий хилээ хааа
Хил нээлттэй чөлөөтэй байгаа Омикрон хувилбар аль хэдийнээ ороод ирсэн юм биш биз ярьж байх сэргийлж байхад орж ирээд тархсан байсан мартаж болохгүй шүү эн УОК,ЭМЯ,ЦАГДАА,Тагнуул холбогдох алба газрыхан өндөржүүлсэн бэлэн байдалд ажиллах хэрэгтэй гэдгээ ойлгож мэдэж байгаа байх найдвар бүү алд бүү оруул
Битгий тэнэгтээд бай ОРКоо
Анхааруулж зөвлөх маш чухал
Энэ галөг ажил хийж чадахгүй ээ.Хурдан зайлуулах хэрэгтэй.
Japan uls hilee 1sar onoodroos haasan. Mongol heviin yumu.?
УОК хан бүтэхгүй юмдаа агаарын хилээ тас хаагаачээ , нэг л ороод ирчихвэл та нар яач чадахгүй шүү урьд урдын үйл ажиллагааг харж байхад
Маш зөв.Ууганаа харин ч энэ удаа маш зөв мэдээлэл өглөө. Сайн байна
Цагаа тулахаар чамд хамаагүй гэж хуцдаг ийм юмнууд туслаач авраач гэж орилолдог юм даа.
Зөв ш дээ Ингэж анхааруулах нь зүйтэй. Гадаад очиж хорионд орчихоод үхлээ хатлаа Монгол улс иргэнээ тоохгүй авахгүй байна гэж орилолдоод байдаг биз дээ
Гадны орон хилээ хаах чамд ямар хамаа байна. Худлаа попууд. Өлөн нүдтэй ****.