Улсын Их Хурлын гишүүн Ц.Туваан “Нас барсан өндөр насны тэтгэврийн зээл авагчийн тэтгэврийн зээл чөлөөлөх тухай” хуулийн төслийг санаачлан боловсруулж, Улсын Их Хурлаар хэлэлцүүлэхээр өнөөдөр (2022.01.17) Монгол Улсын Их Хурлын дарга Г.Занданшатарт өргөн мэдүүллээ.
Тэрбээр, 2020 оны байдлаар Нийгмийн даатгалын сангаас нийт 441,201 хүн өндөр насны тэтгэвэр авч байгаагаас 227,527 нь 500,000 /таван зуун мянга/ төгрөгөөс доош тэтгэвэр авч байна. Үүнийг өрхийн дундаж зарлагын хэмжээтэй харьцуулан авч үзвэл нийт ахмадуудын 60 орчим хувь нь 500,000 /таван зуун мянга/ төгрөг хүрэхгүй тэтгэвэр авч, нэг өрхийн хоёр өндөр настан нийлээд дээр дурдсан өрхийн дундаж зарлагын 50 хувьд ч хүрэхээргүй хэмжээний тэтгэврийн орлогоор амьдарч байгаа бөгөөд энэ нь улс орон, үр хүүхэд, хойч ирээдийнхээ төлөө насаараа зүтгэн хөдөлмөрлөсөн, тэтгэврээс өөр орлогогүй ахмадуудыг амьдралынхаа наад захын хэрэгцээг хангаж чадахгүй байгаа тул тэтгэврийн зээл авч амьдарч байна. Монгол Улсад үйлчилж байгаа нийгмийн хамгааллын бодлого шинэчлэн өөрчлөгдсөөр байгаа хэдий боловч зорилтод бүлгийн иргэдийн амьдралын наад захын хэрэгцээг хангангүй, дутагдалтай байсаар байна. Өндөр насны тэтгэвэр тогтоолгосон иргэдийн тэтгэврийн хэмжээ харилцан адилгүй, ялгаатай, Засгийн газраас амьжиргааны баталгаажих төвшинг тогтоосон мөнгөн дүнгээс дөнгөж дээгүүр байгаа байдал нь шударга, энэрэнгүй зарчимд суурилдаг манай улсын тэтгэврийн тогтоцоонд нийцэхгүй байгаагаас тэтгэвэр тогтоолгосон иргэдийн дийлэнх нь зээл авч, түүнийгээ төлж чаадахгүй насан эцэслэж байна гэж хууль хууль санаачлагч танилцуулав.
Мөн Монгол Улсын иргэдийн дундаж наслалт эрэгтэй 66, эмэгтэй 75 байхад иргэдийн тэтгэвэрт гарах насыг нэмэгдүүлсэн нь олон жил хөдөлмөрлөж нийгмийн даатгалын шимтгэл төлсөн иргэд тэтгэврийн насанд хүрээд тэтгэвэр авч чадахгүй эсхүл цөөхөн жил тэтгэвэр авахдаа зээлээс зээлийн хооронд амьдарсаар насан эцэслэж байгаа нь энэхүү хуулийн төслийг боловсруулах зайлшгүй шаардлагатай байна гэв.
Энэхүү хуулийн зорилт нь нийгмийн даатгалын сангаас өндөр насны тэтгэвэр авагч иргэд банкнаас тэтгэврийн зээл авсан боловч төлж барагдуулаагүй байхдаа нас барсан бол түүний тэтгэврийн зээлийг чөлөөлж, төрөөс чөлөөлсөн тэтгэврийн зээлийг банкинд олгохтой холбогдсон харилцааг зохицуулж байгаа тул нийгмийн даатгалын газар болон банкуудад нэмэлт ажилтан шаардагдахгүй, нэмэлт үйл ажиллагаа явуулахгүй, нийгэмд эерэг нөлөө үзүүлнэ. Мөн нас барсан зээлдэгч нийгмийн даатгалын шимтгзл төлсөн байдаг учир төрийн зүгээс үргүй зардалд тооцогдохгүй.
Хуулийн төсөл 5 заалттай бөгөөд өндөр насны тэтгэвэр авагч тэтгэврийн зээлд хамрагдаад түүнийгээ төлж барагдуулаагүй байхдаа нас барсан бол энэ хуулийн үйлчлэлд хамаарна гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.
16 сэтгэгдэлСэтгэгдэл бичих
Ih mergen sanaa bish Uls turiin honjoo l harah yum huurhii
Өр зээлээсээ шалтгаалж өсвөр залуус нь үсэрч дэвхэрч,боож үхэж байгаа үйлдэл гарч өрх айл сүйдэж байхад дээр нь өтөл настангууд нь ахиу... дөхүү ..зээл ..олж аваад .. даруйхан далд ор гээ байгаатай утга нэг үү? Байгаа хүнээ бодоод цөөн ч гэлээ нэмдэггүй ээ. Сая Сангийн СЁайд юу гэчихэвээ арай хүүхэдгүй бол тэтгэвэр нэмэж чадахаар шахуу үг хэлсэ үү?
tuy
хэрэгтэй хэрэггүй дэд сайд, газар, хэлтэс, албадын, нарийн бичиг гэх мэт дарга нарын зарим тоог ны цөөрүүлэх ажлын давхардлыг арилгах, хөшөө дурсгал барих зарим зардлаа танаад ахмадуудын тэтгэвэрийг нэмж өгөх нь зөв
МАН-ын бүлгийн дарга Тогтохсүрэн ахмадуудын тэтгэвэрийг нэмэх талаар судалж байна гээд аль эрт тв-ээр гарч ярьж байсан одоо цагаан сар нь боллоо ямар их судалдаг юм бэ бүх юм тодорхой баймаар ахмадуудын 80 орчим хувь нь сард 300-350 мянган төгрөг авч байна ийм мөнгөөр сар амьдарна гэдэг үнийн өсөлт инфляци өссөн энэ үед ахмадуудад маш хүнд тусаж байна тэтгэвэрийг нь цагаан сараас өмнө нэмээд өгчмөөр байна шүү дээ. Олон ахмад үүнийг чинь хүлээж чадахгүй бурхны оронд явж байна. Цагаан сараар айл хэсэхгүй ч гэртээ бэлэг дэмбэрлээ бодоод тэм-нэ шүү
Цөөхөн тохиолдлыг ашиглан шоудах хэрэггүй. Тэтгэвэрээ яагаад зээлэв гэвэл : 1. Үр хүүхэд нь авч ашигласан,2. Тэтгэвэр амьдралд нь хүрэлцэхгүй байгаа. Эхний тохиолдолд банкны зөв. Тэтгэвэр нэмэх нь төрд хамаарна. Энэ нь зөв шийдэл.
Нас барсан ахмадын тэтгэврийг тэглэнэ гэдэг нэг удаагийн үлгэрүү байнга мөрдөхүү. Уул нь банкны бодлогын асуудал баймаар юм. Хамтран зээддэгч гэж байдаг байх. Банк ахмадуудад зээлээ өгөхөө болих байх даа. Юманд нэг улс төрийн өнцгөөс биш амьдралд наалдацтай бодлогоор хандах нь зөв байх. Тэтгэврийг нэмэгдүүлэх зөв боловч олон жил тасралтгүй ажилласан, цөөхөн жил ажилласан шимтгэл төлөөгүй, сүүлийн 5-7 хон жил өндөр төлсөн гээд харж үзэх юм их байнаа. Цөөхөн жилээр тэтгэвэр тогтоогоод л байвал тэтгэврийн ялгаа улам ихдээд л байна шүү
Наад балай хуулиа болиод тэтгэврээ хурдан нэмээч. Хөгшчүүлийг зээл авч өг гээд амар тайван суулгахгүй зовоох нь
Харин тийм шүү нэг хөгшнийг 2 талаас нь сугадчихсан түшээд зээл авахуулж байхыг банкин дээр харсан. Банкнаас заавал өөрийг авчир гэсэн бололтой Тэр хөгшинд тэр зээл ямар хэрэг байхав Тэр сугадаад чирч гулдраад байгаа 2 нөхөрт л хэрэгтэй байгаа. Одоо бол бүр тэргэн дээр түрж ирээд зээл авахуулах биз
amjilt
Тэтгэвэр хэзээ нэмэх вэ
МАН-ын бүлгийн дарга Тогтохсүрэн ТВ-ээр ахмадуудын тэтгэвэрийг нэмэгдүүлэх талаар судалж байна гээд ярьж байсан цагаан сараас өмнө ахмадуудынхаа тэтгэвэрийг нэмээд өгчвөл үнийн дарамтанд ядарч туйлдаж байгаа олон ахмадуудад буян болохсон. Уг нь ахмадууд МАН-ыг дэмжиж саналаа их өгсөн энэ итгэлийг нь бодоод тэтгэвэрийг нь нэмж өгөөд ахмадуудаа баярлуулбал сайнсан
Ахмадуудын тэтгэвэрийг нэмж өгөөч ээ өргөн хэрэглээний барааны үнэ их нэмэгдсэн байна шүү дээ. Ахмадуудын дийлэнх нь сард 300-350 мянган төгрөг авч байна үнэндээ юмны үнэ өссөн инфляци өссөн энэ үед зах зээлтэйгээ уялдуулан ахмадуудын тэтгэвэрийг нь яаралтай нэмж өгмөөр байна. МАН сонгуульд өрсөлдөж байхдаа ахмадуудын тэтгэвэрийг үе шаттай нэмэгдүүлнэ гэж сонгогч бидэнд амлаж хэлж явсан. Ахмадуудын тэтгэвэрийн доод хэмжээг амлаж мөрийн хөтөлбөртөө тусгаж байснаараа биелүүлээд ядаж үе шаттай нэмэгдүүлэн 500-550 мянган төгрөг болгоод өгчөөчээ.
банкныхан нас барсан хүмүүсийн нэр дээр зээл аваад одоо ийм юм зохион байгуулж байна.
Тэтгэвэр нэмэх нь зөв боловч ахмадуудыг ялгаварлан гадуурхахаа болиочээ. Тэтгэвэр чинь тухайн хүний ажилласан жил, нийгмийн даатгалд төлж байсан татварын хэмжээ зэргээс хамаарч тогтоодог: Тэгээд арай хэдэн төгрөг илүү тогтоолгосон ахмадын буруу юм уу. Аливаа тухайн үеийнхээ хууль тогтоомжоор л болсон байж таараа : Тиймээс тэтгэврийг алгачилгүй нэмээрэй гуйж байна. Мөн тэтгэврийг өвлүүлнэ гээд юу яриад байгаа ойлгохгүй л байна. Харин хань ижилд нь тодорхой хугацаанд өвлүүлэх нь зөв байх. Бас ханилж суусан хугацаа зэргийг харгалзах нь дээр байхда
Нас дээр гарах тусам ахиухан зээл туугад байвал болох юм байна