2022 оны 2-р сарын 8
11 цаг 43 минут

СУРВАЛЖИЛГА: Оюутолгойн ажилчдын эрүүл мэндэд “ЗАНАЛХИЙЛСЭН“ хүнс нийлүүлэгч компанид хариуцлага тооцох уу

      Сүүлийн үед хөдөө орон нутагт үйл ажиллагаа явуулж буй уул уурхайн компаниудад ажиллаж буй ажилчдын эрх ашиг ба түүнийг зөрчсөн үйлдлүүд гарах болсон талаарх асуудлыг олон нийт ихээр хөндөх болсон. Тэгвэл бид энэ удаад Өмнөговь аймгийн Ханбогд суманд үйл ажиллагаагаа явуулж буй Оюутолгой компанийн ажилчдын эрүүл мэнд тэр тусмаа эрүүл хүнсээр хангагдах эрх зөрчигдөж байж болзошгүй асуудлыг сурвалжиллаа.

Өмнөговь аймгийн Засаг даргын Тамгын газар, Оюутолгой ХХК-тай хамтран ажиллах гэрээг 2015 онд байгуулсан байдаг. Уг гэрээний хүрээнд 2020 онд орон нутгийн компани, үйлдвэрлэгчдээс Оюутолгой ХХК 155 сая долларын худалдан авалт хийхээр төлөвлөсөн аж.

Орон нутгийн компаниудын хүнсний ханган нийлүүлэлтийг нэмэгдүүлэх чиглэлээр Оюутолгой компанитай санамж бичиг байгуулж байв. Ингэхдээ хүнсний бүтээгдэхүүн ханган нийлүүлэх компаниуд нь мах, махан бүтээгдэхүүн, хүнсний ногоо, жимс жимсгэнэ, монгол хоолоор ханган нийлүүлэлт хийх журамтай. Тэгвэл Оюутолгой компанийн 10 мянга гаруй Монгол ажилчдаас гадна гэрээлэгч компаниуд ажилчид гээд нэжгээд олон хүнийг хүнсний ногоогоор хангадаг зарим байгууллагууд ажилчдын эрүүл аюулгүй хүнсэээр хангагдах эрхийг нь зөрчиж байна.

Тодруулбал, Оюутолгой компанид хүнсний ногоо ханган нийлүүлдэг хүнсний гурван үйлдвэр Өмнөговь аймгийн Ханбогд суманд байрладаг. Нэр бүхий гурван компанийн нэг нь мэргэжлийн хяналтын байгууллагаас гаргасан шийдвэрээр ДУНД түвшний эрсдэлтэй хэмээн үйлдвэрлэлээ зогсоож, хаалгаа барьсан аж. Харин үлдсэн хоёр үйлдвэрийн нэг нь эрүүл ахуйн шаардлага хангахгүй байна.

Тус хоёр үйлдвэрийн нэг нь Б.Батзориг захиралтай “Шим зэрэглээ” ХХК. Тус компани нь 2021 оны есдүгээр сарын 20-нд Оюутолгой ХХК-д хүнсний ногоо ханган нийлүүлэх гэрээг хийсэн аж. Одоогийн байдлаар 10 гаруй удаагийн ханган нийлүүлэлтийг хийгээд буй. Гэтэл уг байгууллагад 2021 оны 11 дүгээр сарын 05-ны өдөр Өмнөговь аймгийн мэргэжлийн хяналтын байгууллагын холбогдох албан тушаалтнууд болох улсын байцаагч Т.Нандин-Эрдэнэ, Б.Баярмаа нар хяналт шалгалт явуулахад нийтдээ 21 зөрчил илэрсэн байдаг. 21 зөрчлийн хувьд хүнсний ногоонд өөрчлөлт орох, үндсэн түүхий эд бүтээгдэхүүний гарал үүсэл, найрлага, хаана үйлдвэрлэж бэлтгэгдсэн нь тодорхойгүй цаашилбал хүний эрүүл мэндэд хохирол учруулж болохуйц ноцтой зөрчлүүд илэрсэн болохыг доорх зургаас харж болно.

БАРИМТ1: Мэргэжлийн хяналтын байгууллагын илрүүлсэн 21 зөрчлийн талаар дурдсан албан бичгийг энд хавсаргав

Үүнээс үзэхэд, Мэргэжлийн хяналтын улсын байцаагчийн албан дүгнэлтээс харахад олон мянган ажилчдыг эрүүл аюулгүй хүнсээр хангах үүргээ ноцтой зөрчиж буй “Шим зэрэглээ” ХХК-д яагаад өнөөдрийг хүртэл хугацаанд хариуцлага тооцоогүй вэ гэх асуудал энд урган гарч байна.

Хүнс бэлтгэдэг, хүнсний үйлдвэрлэл үйлчилгээ эрхэлдэг компаниудад технологийн урсгалыг хангаагүй, үндсэн түүхий эдийн гарал үүсэл хаана үйлдвэрлэж байгаа нь тодорхойгүй, цонхны хамгаалалт байхгүй, бохирын усны зөв шийдэл байхгүй зэрэг зөрчлүүдийг арилгаж, албан шаардлагын хүрээнд хууль тогтоомжийн хэрэгжилтийг хангаж, биелэлтийг эргэн мэдэгдэх шаардлага тавьжээ.

Харин БОДИТ БАЙДАЛ ямар байв?

Улсын байцаагчийн албан дүгнэлт гарснаас хойш даруй хоёр сарын хугацаа өнгөрсөн байхад буюу энэ оны нэгдүгээр сарын 15-нд Өмнөговь аймгийн Ханбогд суманд байрлах “Шим зэрэглээ” ХХК-ийн үйлдвэрийн байраар ороход зөрчлийг ямар нэгэн байдлаар арилгасан, арилгах гэж оролдсон нөхцөл байдал төдийлөн ажиглагдсангүй.

Хүнсний үйлдвэр үйлчилгээ эрхэлдэг компанийн ажилчид Эрүүл мэндийн урьдчилан сэргийлэх үзлэгтээ хамрагдсан байх ёстой. Үүнд, сүрьеэ, арьсны халдварт өвчнүүд, нян тээгч, хамар залгиурын арчдас, цагаан хорхой зэрэг дөрвөн төрлийн шинжилгээ өгсөн байх ёстой. Гэтэл уг байгууллагын найман ажилтанд урьдчилан сэргийлэх үзлэг, шинжилгээний дэвтэр байхгүй гэдгээ хэлж байсан юм.

Хэрвээ энэ ажилчид дунд халдварт өвчин тээж яваа нэг л ажилчин байвал Оюутолгой компаний 10 мянга гаруй ажилчдыг эрсдэлд оруулж байгаа хэрэг. Жишээ дурдъя. 2019 оны хоёрдугаар сард KFC Зайсан салбарын ажилтан цусан суулга өвчин үүсгэгч нян тээж байсан нь олон үйлчлүүлэгчдэд халдварласан тохиолдол гарч байв. Өөрөөр хэлбэл, нэг ажилтны эрүүл мэндийн нөхцөл байдлаас шалтгаалан үйлчлүүлэгч нар эрсдэлд орсон хэрэг юм. Тэгвэл Оюутолгойн 10 мянга гаруй ажилчдад ч өнөөдөр эрсдэл учраад байна. Цаашилбал ажилчдын дунд үүсч болзошгүй нөхцөл байдлаас шалтгаалан үйл ажиллагаа нь зогсвол хэн хариуцлага хүлээх вэ.

Бид тус суманд ажиллаж байхдаа “Шим зэрэглээ” ХХК-ы захирлаас үүссэн асуудлын талаар захирал С.Батзоригоос тодруулга мэдээлэл авлаа.

БАРИМТ2

БАРИМТ3

Ийхүү бид "Шим зэрэглээ" ХХК-д өнгөрсөн оны 11 дүгээр сарын 15-ны өдөр мэргэжлийн хяналтын хяналт шалгалтын ажил явуулсан хүнсний чанар стандартын улсын байцаагч Т.Нандин-Эрдэнэтэй холбогдож шалгалтын ажил бодитой явагдсан эсэх талаар лавласан юм.

-"Шим зэрэглээ" ХХК бага эрсдэлтэй гэж үнэлэгдсэн юм байна. Энэ үнэлгээ яг бодитой байсан уу?

-Хяналт шалгалт хийж, шалгалтаар илэрсэн зөрчлийн арилгуулахын тулд албан шаардлага өгсөн. Албан шаардлагаар тухайн ААН зөрчлөө арилгаж манайд хариу ирүүлдэг. Зөрчлүүдээ арилгасан бол үйл ажиллагаа хэвийн явдаг. Тухайн суманд тийм төрлийн үйлчилгээ эрхэлдэг гурван төрлийн байгууллага байдаг. "Шим зэрэглээ" ХХК зөрчлөө арилгасан байсан учраас эрсдэл нь бага гэж гарсан.

-Хүнс бэлтгэн нийлүүлэгчээр ажиллахад та шаардлага хангасан үйлдвэр гэж үзэж байгаа юм байна. Эрүүл орчин нөхцөлд хүнс бэлтгэж ханган нийлүүлж, эрсдэлгүй байна гэж үзэж болох уу?

-Шалгалтаар зөрчлөө арилгасан байсан болоод л эрсдэлгүй гарч ирсэн үг.

"Цаашлаад мэдээлэл өгөх боломжгүй гэв"

"Шим зэрэглээ" ХХК-ийн захирал С.Батзориг, хүнсний чанар стандартын улсын байцаагч Т.Нандин-Эрдэнэ нарын зөрчлийг арилгуулсан, арилгасан гэх яриа нь бодит байдалтай нийцэхгүй байгааг та бүхэн энэ сурвалжилгаас харж болно. Оюутолгой төслийн хүнсний ханган нийлүүлэлтийн тендерийг Таванбогд группын охин компани болох “SSM” ХХК авсан байдаг бөгөөд ийм нөхцөл байдалтайг нь мэдсээр байж тус компаний үйл ажиллагааг дэмжиж байгаагийн ар талд тэдний маш том ашиг сонирхол ч байж болзошгүй байдалтай байна. Хамгийн сүүлд нэгдүгээр сард гэхэд л "Шим зэрэглээ" ХХК дизель түлштэй холилдсон хүнсний ногоог нийлүүлсэн шуугиан дэгдэхэд Оюутолгой төсөлд мэдэгдэлгүй нам “дараад” өнгөрсөн аж. Иймд Оюутолгой төсөл ажилчдынхаа эрүүл аюулгүй хүнсээр хангагдах тал дээр анхаарах, хүнс ханган нийлүүлж буй компаниуддаа өөрсдөө шаардлага тавих нөхцөл байдал нэгэнт үүсчээ.б

Үргэлжлэл бий...

“ШИМ ЗЭРЭГЛЭЭ” ХХК-НИЙ БОДИТ БАЙДАЛ /Бага эрсдэлтэй гэж үнэлэгдсэн/

1. Үйлдвэрийн гадаад орчны байдал

Үйлдвэрийн бохирын шугам нь стандартын дагуу баригдаж, битүүмжлэгдээгүй, соруулах явцад үйлдвэрийн бохир гадагш алдагдаж байна

2. Үйлдвэрийн бохир зөөж буй тээврийн хэрэгслийн байдал, бохир гадна талбайд алдагдсан байдал

3. Үйлдвэрийн гадна орчны эргэн тойрны байдал

Үйлдвэрийн хашааны баруун хойд хэсэгт хог ихээр хуримтлагдсан, салхи ихтэй үед хийсэх, зуны цагт ялзарч муудсан үнэр бүтээгдэхүүнд шингэх, нянгийн халдвар тархах эрсдэл үүсэж болзошгүй

4. Үйлдвэрийн гадна орчин эргэн тойрны байдал 

Үйлдвэрийн ажилчдын бие засах газар гадаа хэвээр

Аймгийн МХГ-аас стандартын шаардлагад нийцсэн гэж дүгнэсэн хогийн цэг.

5. Үйлдвэрийн дотоод орчин  

Үйлдвэрлэлийн процесс нь ангилах, угаах, арилгах, савлах хэсгүүд нь бүгд тус тусдаа өрөөнд НЭГ чигийн урсгалтай байх байтал тус газар нь 1 өрөөнд бүгдийг нь багтаасан нь ариун цэвэр, эрүүл ахуйн наад захын шаардлагыг хангахгүй байна.

6. Үйлдвэрийн дотоод орчин

Үйлдвэрийн бохир ус гарах хэсэг нь битүүмжлэгдээгүй, хөлдөж бөглөрсөн бохирдсон байгааг та харж байна.

7. Үйлдвэрийн дотоод орчин 

Ногоо угаах машинаас гарах бохир усыг хаах траф буюу хаалт байхгүй, үйлдвэр дотор цацарч бүтээгдэхүүн бохирдуулах эрсдэл шууд үүссэн

Тус машин нь 380 вольтоор ажилладаг бөгөөд хөдөлгүүрийн хэсэг онгорхой байгаа нь шингэн зүйл орж тогны масс үүсгэх, ажилчдын хувцас хавчуулагдах, гар хуруугаа тасдуулах зэрэг ХЭААБ-г шууд зөрчсөн байдалтай байна.

8. Үйлдвэрийн дотоод орчин  

Угаагдсан ногоог газар буюу үйлдвэрийн бохир шалан дээр арилган түүнтэй зэрэгцээд муудаж илжирсэн хүнсний ногоо тус өрөөнд байршиж байна. Тус үйлдвэрийн ажилтан ногоо арилгахдаа тамхи татаж байгаа нь үйлдвэрлэлийн орчинд эрүүл ахуйн ноцтой эрсдлэл үүсгэхээс гадна тухайн ажилчдын хэнд нь ч хүнсний үйлдвэрт ажиллахад шаардлагатай шинжилгээг өгөөгүй, шинжилгээний цагаан дэвтэр байхгүй гэсэн нь дүрс бичлэгт баримт болон үлдсэн болно.

9. Үйлдвэрийн дотоод орчин: Хөргүүрийн өрөөнд хураагдсан хүнсний ногоо

Энд стандарт, шаардлагай тавиур нэг ширхэг ч байхгүй байгааг та харж байна.

 10. Үйлдвэрийн дотоод орчин: Ажилчдын хувцас солих өрөө

11. Үйлдвэрийн дотоод орчин

Үйлдвэрийн байрны оффис хэсэгт ажилчдын гал тогоо хамт байршсан, мөн хоол хийх бүтээгдэхүүн байгааг та харж байна. 00 өрөө нь дээд хэсгээр битүүмж байхгүй, үйлдвэрлэлийн болон бэлэн бүтээгдэхүүний хэсэгт агаар болон бусад замаар нян бактер шууд тархах эрсдэл тус үйлдвэрт үүсчээ.

16
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

16 сэтгэгдэлСэтгэгдэл бичих

203.98.76.100Зочин   • 2 сарын 10. 11 цаг 56 минут

Муухай нь ч муухай л юм байна. Хурдан сайжруулахгүй бол ажлаа алдах нь дээ. Муу байна. Ийм орчин байх гэж ...

66.181.185.176Зочин   • 2 сарын 10. 11 цаг 29 минут

Оюу толгой ажилчидын хоол үнэхээр муу амт гэж ёстой хэрэг байхгүй Амтлагчаар зодож хоол хийнэ.хүндэрхэд өтгөнөөс шууд амтлагч үнэртэнэ.За тэр боолтны хоол зүгээр хор ходоодны дайсан

66.181.161.118Зочин   • 2 сарын 10. 8 цаг 05 минут

тендерийг нь авах гээд үхэх нь ээ. Нэг ч гэсэн Монгол мөнгө олог л дээ чааваас

202.9.47.28Монголчууд бээлий өмсөж сур   • 2 сарын 9. 23 цаг 58 минут

Заваарсын ой гутмаар . Эрүүл мэндийн шинжилгээний дэвтэрийн үнэн зөв бөглөснын шалга бузарын

192.82.70.33Зочин   • 2 сарын 9. 15 цаг 22 минут

Мэргэжлийн хяналт, стандарт хэрэггүй гэдэг нөхдүүд одоо ингээд эрүүл мэндээрээ хохироод сууж байгаа хэрэг. Таарсан оркууд

106.131.140.167Зочин   • 2 сарын 9. 6 цаг 16 минут

Zanalhiilj bn. Kkk garchig .. mongold er ni haa saigui l iimerhuu buzde. Ger hirooliin ailuud ch.

202.179.27.250Уншигч   • 2 сарын 9. 4 цаг 22 минут

Энэ захирал С. Батзориг язгуурын монгол хүн байж чадах уу? Санаатай үйлдэл гаргаж байгаа юм биш үү? Тагнуулын ерөнхий газрын дарга Одонбаатар ,МХЕГ-ын дарга Гантулга нарыг байцаагч Нандин-Эрдэнэтэй нь цуг нэн даруй халах хэрэгтэй.Компанийн нэрнээсээ эхлээд хулхи гэдэг нь харагдаж байна

64.119.27.31shit shit shit   • 2 сарын 8. 23 цаг 50 минут

nuudalchan shit

66.181.180.201shit   • 2 сарын 8. 18 цаг 35 минут

saihan huudalchan baasan jorlon bn,tegeed nuguu angli amerikuud ni eniig ni ideed taarchdee

202.72.245.125тт   • 2 сарын 8. 16 цаг 15 минут

оюутолгойн тэндэрийг шудрага болгох цаг болсон

182.232.182.146Зочин   • 2 сарын 8. 13 цаг 34 минут

Zavaan buduuleg nuudelchdiin baidag neg amidraliin nev mayag bn, oron nutag hot geltgui bugdeeree iimerhuu,

202.9.46.250Зочин   • 2 сарын 8. 14 цаг 38 минут

харанхуй бүдүүлэг соёлгүй бохир заваан харх шиг амьдардаг хэрнээ өөрсдийгөө тэнгэрийн амьтан шиг магтдаг ичих булчирхайгүй оркууд шүү дээ.

202.131.245.154гэрэл   • 2 сарын 8. 13 цаг 30 минут

Ажлыг чинь булаах гэж байна даа.Гэхдээ их арчаагүй байдал харагдаж байна

202.9.46.185иргэн   • 2 сарын 8. 14 цаг 55 минут

Ийм шаардах хуудас өгөөд хугацаа өгөөд эргэж шалгахад ийм байгаа юм чинь булаах биш хөөж явуулаад хариуцлага тооцох хэрэгтэй. Гэрэл гуай ямарк хөгийн ОРК сэтгэлтэй юм бэ.

202.9.46.185зочин   • 2 сарын 8. 14 цаг 53 минут

Булаахгүй гээд ийм гахайн хороо шиг юманд бэлтгэсэн хүнс хэрэглэх үү ОРК ОО

202.9.46.250Зочин   • 2 сарын 8. 12 цаг 06 минут

Монголчууд л хоорондоо бие биенээ хорлох шулан мөлжих залилан мэхлэх бие биенээ гадуурхах зүйлийг бий болгож байгааг ойлгох хэрэгтэй.

Шинэ мэдээ

"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ6 сар 30. 9:09Г.Занданшатар: Инфляцыг бууруулах, үнийн өсөлтөөс иргэдэд ирэх дарамтыг бууруулах чиглэлээр УИХ-аас ажлын хэсэг байгуулж ажиллуулна6 сар 30. 9:09Ерөнхий сайдаа, танай намын залуус төрийн албаныхантай хамт дээрэм хийж байна6 сар 29. 10:05“Төрөөс олгох урамшууллаас нийгмийн даатгалын болон эрүүл мэндийн даатгалын шимтгэл суутган төлөх тухай” хуулийн төслийг өргөн мэдүүллээ6 сар 29. 9:09УИХ-ын дарга Г.Занданшатар Монгол Улсын Өргөмжит консул Каваүчи Широтой уулзлаа6 сар 28. 9:09Үндэсний их баяр наадмын тухай хуулийн шинэчилсэн найруулгын төслийг эцэслэн баталлаа6 сар 28. 9:09Замын түгжрэлийг бууруулах ажлын бүтээн байгуулалтын ажлыг 20 жилийн хугацаатайгаар улсын нууцад оруулсан гэв үү?6 сар 27. 12:44ЦУВРАЛ: Амар амгалан, үнэ цэн, нүд булаам бүхнийг мэдрүүлэх Жонжү хотын аялал6 сар 27. 11:24Улсын Их Хурлын дарга Г.Занданшатар нийслэлийн нутгийн захиргааны байгууллагуудын албан хаагч, иргэдтэй уулзлаа6 сар 27. 9:09Д.Ганбат: “Мөнхийн үсэг” групп Монгол хүний үнэт зүйлийг түгээн дэлгэрүүлж, сурталчлан таниулахыг зорьдог6 сар 26. 15:39УИХ-ын дарга Г.Занданшатар нийслэлийн Чингэлтэй дүүргийн иргэд, албан хаагчидтай уулзлаа6 сар 24. 9:09НҮБ-ЫН ТӨРИЙН АЛБАНЫ ӨДӨРТ ЗОРИУЛСАН УЛСЫН ИХ ХУРЛЫН ДАРГА Г.ЗАНДАНШАТАРЫН МЭНДЧИЛГЭЭ6 сар 23. 9:09Улсын дээд шүүхийн шүүгчид нэр дэвшигчтэй хийх нэр дэвшигчийн сонсгол зохион байгуулагдана6 сар 21. 13:10Хүний эрх, эрх чөлөөг хангахтай холбоотой хяналтын сонсгол 06 дугаар сарын 27-нд болно6 сар 21. 13:09Улсын Их Хурлын дарга Г.Занданшатар Монгол дахь Америкийн худалдааны танхимын Удирдах зөвлөлийн дарга, гишүүдийг хүлээн авч уулзав6 сар 21. 9:09ЦУВРАЛ: BTS хамтлагтай “цуг” үлгэрийн мэт байгальд зорчсон нь6 сар 20. 11:31Гэрийн тэжээвэр амьтны тухай хуулийн төсөлд иргэдээс санал авч байна6 сар 20. 9:09Чуулганы нэгдсэн хуралдаанаар найман асуудал хэлэлцэн шийдвэрлэлээ6 сар 16. 9:09“Хайр“-ын МАРШРУТТАЙ Сөүл дэх аялал6 сар 15. 17:04Улсын Их Хурлын дарга Г.Занданшатар Монгол Улсын Соёлын элч Мухит Чоуханыг хүлээн авч уулзав6 сар 15. 9:09УЕПГ-аас БНСУ-д амиа алдсан залуугийн хэрэгт хамтран ажиллах хүсэлтийг БНСУ-ын Дээд прокурорын газарт хүргүүлжээ6 сар 14. 13:22“Кино урлагийн салбарынхан дэлхийн хэмжээний наадамд Соёлын яамны дэмжлэгтэйгээр оролцоно“6 сар 13. 11:08Монголын тал “Нэг Хятад”-ын бодлогыг дэмжинэ6 сар 13. 10:49“Төрийн ордны нутаг дэвсгэрийн хэмжээ, заагийг шинэчлэн тогтоож, зарим орчныг олон нийтэд нээлттэй болгох тухай” УИХ-ын тогтоолын төслийг өргөн мэдүүллээ6 сар 13. 9:09Дарханчууд 0,7 га газраа авах уу? "Газрын наймаачин" С.Насанбатад алдах уу?6 сар 13. 8:32ГЕГ-ын эрх бүхий албан тушаалтнуудын орон байранд НЭГЖЛЭГ ХИЙЖ, их хэмжээний бэлэн мөнгө, ГАДААД ВАЛЮТЫГ хураан авчээ6 сар 10. 11:50
© 2008 - 2022 он. Зохиогчийн эрх хуулиар хамгаалагдсан.