Төр, ард түмнийхээ өмнө өргөсөн тангарагтаа үнэнчээр зүтгэж яваад алтан амиа алдсан цагдаагийн гавьяат үйлстнүүдийг дурсаж хүндэтгэх ажлыг жил бүр “Бид мартахгүй” хүндэтгэлийн өдөр болгон тэмдэглэж байна.
Цагдаагийн байгууллагын түүхэнд гэмт хэрэгтэй тэмцэх, хэв журам хамгаалах, зам тээврийн осол, хэргээс урьдчилан сэргийлэх, иргэдийн амгалан байдлыг хангах, монгол төрийн тусгай албанд андгай тангараг өргөн хүчин зүтгэхэд амь нас, эр зориг, тэсвэр хатуужил, хүч хөдөлмөр, сэтгэл зүтгэлээ зориулж яваад амь насаа алдсан 90 алба хаагч байдгаас хөдөлгөөний аюулгүй байдлыг хангах зохицуулалт хийдэг 15 замын цагдаагийн албаны алба хаагч албан үүргээ гүйцэтгэж яваад амь эрсэдсэн байдаг.
Тус үйл ажиллагаанд Замын цагдаагийн албаны удирдлагууд болон цагдаагийн албанд шинээр орсон алба хаагч, амь үрэгдсэн алба хаагчдын гэр бүлийн төлөөлөл оролцож хүндэтгэл үзүүллээ.
Сэтгэгдэл бичих