“ЖИНХЭНЭ ЖДҮ”: Жирэмсэн үеийн бэлхүүсний хэвээ урлуулж, нандин дурсамжаа насан туршдаа хадгалаарай

Үр хүүхэддээ амьдралынхаа бүхий л цаг хугацааг зориулж, аав ээж болсон тэр л цагаас зөвхөн үрийнхээ төлөө амьдарч, тэднийхээ төлөө зүтгэсээр насан эцэслэдэг гайхамшигт өв уламжлал, үндэсний онцлогтой ард түмэн бол монголчууд.

Ийнхүү оршил бичих болсны учир болвоос манай сайт энэ удаагийн “Жинхэнэ ЖДҮ” буландаа монголчуудын үр хүүхдээ гэсэн тэр л сэтгэлийг яв цав илэрхийлэх нэгэн өвөрмөц, хайр татам бизнесийн гарааг танилцуулж байна.

Та бүхэнд зөвхөн сайн сайхан, хайрыг түгээх "Mon belly art” урлан үүдээ нээгээд тун удаагүй байна. Хэдийгээр ЖДҮ-ийн хэмжээнд хүрч, олон хүнийг цалинжуулж эхлээгүй боловч  гар, сэтгэл нийлсэн хоёр бүсгүй зориг шулуудан эхлүүлэхээр энэ бичил бизнес нь улам тэлж, тэр хэрээр олон олон эцэг,  эх хайр дүүрэн дурсамжаа мөнхөлж үлдэх, ганцхан хоромд биш насанд туршдаа аз жаргалыг мэдэрч амьдрах тэр л үүд хаалга нээгдээсэй гэсэн үүднээс энэхүү сурвалжилгаа бэлтгэлээ.

Тэд бүсгүй таны гэдэсний хэлбэрийг яг байгаагаар нь урлаж, ирээдүйд бяцхан үр тань түүнийгээ харж дурсамж болгон ярьж, инээж байх баримлыг бүтээж байна. Жирэмсэн, үрээ хүлээн тэсэн ядаж буй бүсгүй та өөрөө хүссэн, таалагдсан загвараараа өөрийн жирэмсэн үеийн бэлхүүсний хэвээ урлуулж хадгалах боломж бүрдлээ. Хөөрхөн биш гэж үү. Үр хүүхэд амьдралд гэрэл гэгээ бэлэглэдэг шиг дурсамжийг тань хадгалах баримал нь хүртэл насан туршид таны хажууд гялалзах нь. Урьдчилан хэвийг нь аваад төрснийх нь дараа найздаа, ханьдаа бэлэглэхэд хамгийн нандин бэлэг болох бүтээл энэ л урланд хийгдэж байна. Хүү, охин тань насанд хүрч, том болох үед “Миний хүү, охин энд байсан байна шүү” гээд баяр хөөр болон яриа өрнөвөл хичнээн дурсамжтай вэ. Ингээд та бүхэнд "Mon belly art” урланг үүсгэн байгуулж, өхөөрдөм бизнесээ эхлүүлсэн бүсгүйчүүдийн яриаг хүргэж байна. Та бүхэн тэдэнтэй холбогдохыг хүсвэл дараах утсаар залгаарай. 80080069, 89000100