Засгийн газрын ээлжит хуралдаан 2019 оны 11 дүгээр сарын 13-ны өдөр болж дараах асуудлуудыг хэлэлцэн шийдвэрлэлээ.
2030 он гэхэд дөрвөн сая хүн амтай болох төлөв гарчээ
Хөдөлмөр, нийгмийн хамгааллын салбарт 2020-2024 онд хэрэгжүүлэх бодлого, хөрөнгө оруулалт, бүтээн байгуулалтын төсөөллийн талаар сайд С.Чинзориг танилцууав. Хүн амын шинэчилсэн хэтийн тооцоогоор манай улсын хүн ам 2030 онд дөрвөн сая, 2045 онд таван сая хүрэх төлөвтэй байна. Хэдийгээр төрөлт тогтвортой өсч байгаа ч ахмад настны тоо илүү хурдацтай өсч, нийт хүн амд эзлэх ахмад настны тоо 2030 онд 12.9 хувь, 2045 онд 16.3 хувь болж одоогийнхоос хоёр дахин нэмэгдэх нь. Иймээс хүн амын өсөлтийг дэмжих, өсвөр үе, залуучуудын хөгжил, нийгмийн хамгааллыг нь сайжруулах чиглэлээр дорвитой арга хэмжээ авах нь зүйтэй гэж үзжээ. Төсөөлөлд тусгаснаас үзвэл нийгмийн хамгааллын үйлчилгээг оновчтой болгож, зорилтот бүлэгт шилжүүлнэ, Нийгмийн даатгалын сангаас олгох тэтгэврийн хэмжээг инфляцын түвшинтэй уялдуулан жил бүр нэмэх юм. Мөн тэтгэврийн зөрүүг арилгаж, тэтгэврийн олон давхаргат тогтолцоо бүрдүүлж, үе шаттай нэвтрүүлнэ. Ажилгүйдэл, ядуурлыг бууруулж, эрэлтэд нийцсэн ажиллах хүчин бэлтгэх бодлого хэрэгжүүлэн залуучуудын хөдөлмөр эрхлэлтийг дэмжих юм. Цалингийн бодит өсөлтийг хангахуйц хэмжээгээр цалинг үе шаттай нэмж, хөдөлмөрийн хөлсний доод хэмжээг нэмэх замаар бага цалинтай хэсгийн эзлэх хувийн жинг бууруулна. Бүсийн ахмад настны төрөлжсөн асрамжийн газар, хүчирхийлэлд өртсөн хүүхдэд урт хугацааны нөхөн сэргээх үйлчилгээ үзүүлэх байр, Мэргэжлийн боловсрол, сургалтын байгууллагуудын салбар дундын дадлагын бааз, Улаанбаатар хотод Ахмадын үйлчилгээний төв, мэргэжлийн өвчин судлалын эмнэлэг, хүнд хэлбэрийн хөгжлийн бэрхшээлтэй хүүхдийн асрамжийн төв, хүүхдийн зуслан, хүүхэд хамгааллын үйлчилгээний цогцолбор зэргийг барьж байгуулахаар тусгасан байна.
Товч мэдээ
- “Найрсаг харилцаа, иж бүрэн стратегийн түншлэлийн тухай Монгол Улс, ОХУ хоорондын гэрээ”-г соёрхон батлах тухай хуулийн төслийг дэмжиж УИХ-д өргөн мэдүүлэхээр болов. Хоёр улсын төрийн тэргүүн дээрх гэрээнд 2019 оны 09 дүгээр сарын 03-ны өдөр Улаанбаатар хотноо гарын үсэг зурсан юм.
- “Хууль бусаар оршин суугаа иргэдийг буцаан шилжүүлэх тухай Монгол Улс, Бүгд Найрамдах Чех Улсын Засгийн газар хоорондын хэлэлцээр”, “Хууль бусаар оршин суугаа иргэдийг буцаан шилжүүлэх тухай Засгийн газар хоорондын хэлэлцээрийг хэрэгжүүлэх тухай протокол”-ыг батлав.
- Монгол Улс, БНЭУ-ын Экспорт-Импортын банк хоорондын зээлийн хэлэлцээрийг соёрхон батлах тухай хуулийн төслийг хэлэлцэн дэмжиж УИХ-д өргөн мэдүүлэхээр болов. Газрын тос боловсруулах үйлдвэр барихад нэмэлт 236 сая ам.доллар шаардлагатай гэсэн тооцоог БНЭУ-ын “Инженерс Индиа Лимитед” компани гаргасан. Зээлийн хугацаа 20 жил, үндсэн төлбөрөөс чөлөөлөгдөх хугацаа таван жил, жилийн 1.75 хувийн хүүтэй байх юм.
- Байгаль орчин, аялал жуулчлалын салбарын хүрээнд 2020-2024 онд хэрэгжүүлэх бүтээн байгуулалтын 19 төслийг улс, орон нутгийн төсөв, олон улсын байгууллагын зээл, тусламж, төр, хувийн хэвшлийн түншлэлийн хүрээнд санхүүжүүлэхийг сайд Н.Цэрэнбат, Ч.Хүрэлбаатар нарт даалгав.
- “Дипломат албан болон энгийн паспорт эзэмшигчдийг визийн шаардлагаас чөлөөлөх тухай Монгол Улс, Бүгд Найрамдах Прагвай Улс хоорондын хэлэлцээр”-ийг батлав. Ингэснээр иргэд хоёр улсын нутаг дэвсгэрт 90 хүртэлх хоногийн хугацаанд визгүй зорчих юм.
8 сэтгэгдэлСэтгэгдэл бичих
Өсөөд яах юм одоо байгаагаа яая гэж байж тоо өсвөл амьдрал улам л хэцүү болох байлгүй дэ арчаагүй ноомой тэнэг хүмүүстэй улс монгол орноос өөр хаач байхгүй байх
дөнгөж 4 хөн сая уу арай ч дээ хүн амаа өсгөх бодлогоо эрчимтэй болгоо чээ..шинээр гэр бүл болсон монгол гэр бүл болгонд үнэгүй байр өг..тэгвэл эрчимтэй өсөж магадгүй..
Монголчууд аа олуулаа болье оо . Хөх нуур цайдамаас хамгиын багадаа 300 мянган Хазараа нараас доод тал нь 400 мянган ах дүү нараа авчирч хүн ам аа 4 сая болгое оо . 700 800 мянган хүн ээ 6 7 аймаг тараагаад суулгачия аа . Тэгэхгүй бол хөдөө хот гэлтгүй аймшигтай цус нь ойртож гаж гаж биетэй маанаг маанаг хүмүүс их болох нь ээ . Эр ч биш эм ч биш манин манин хүүхнүүд их байнаа цаана чинь . Ээ нүдний булай .
Нэмэлт 236 сая долларын санхүүжилт хэрэгтэй байгаа тооцоог Энэтхэгийн тал гаргасан гэдэг чинь газрын тосны үйлдвэрийн санхүүжилт Оюутолгойн араас орохоор болоод байгаа юм уу.
3 сая хүнээ чүү чай тэжээж байж 4, 5 болвол яандаа энэ хэвээр байвалих хэцүүдэх байх гэхдээ хүн ам өсөх ни улс орны хөгжилд сайнаар нөлөөлдөг гэдэг манай улсын хөгжилд яаж нөлөөлөхюм бүү мэд
Яана даа энэ Төр. Хүрэлцээтэй төрөх тасаг, Хүрэлцээтэй ясли, цэцэрлэг, сургууль барьчихаж чадахгүй. Суглаагаар оруулна бас анги дүүргэлт хэтэрсэн. Авилгал, хариуцлага байхгүй. Үнэн дампуурсан улс. Бас дээр хүүхдүүд чөлөөт цагаа өнгөрөөчих чөлөөтэй спорт заалууд байхгүй. Бүгд л түрээс хувийн эзэмшилд. Баар ресторанууд л хогоороо. Хятад шиг нэг өрх, нэг хүүхэд бодлого барьчихвал яасан юм гэмээр.
Энээс хурдан өсөж байгаа гайхалтай шүү харин нас баралт багасгах хэрэгтэй байна эрүүл хооллолт хэрэгтэй байна 2030 онд 4 сая гаран байх болно
Mongoliin urs mash olon boltugai uls oron hogjiltei hun bur ajiltai baihad 10say bolsonch alzhguie