Улсын Их Хурлын дарга Г.Занданшатар өнөөдөр (2020.02.18) Монголын үндэсний худалдаа аж үйлдвэрийн танхим (МҮХАҮТ) дээр үйлдвэрлэл эрхлэгчидтэй уулзаж, амны хаалт, ариутгах бодис, хүнсний хангамжийн асуудлаар ярилцаж, санал солилцлоо.
Уулзалтын эхэнд УИХ-ын дарга Г.Занданшатар үйлдвэрлэл эрхлэгчдэд төр засгийн зүгээс авч хэрэгжүүлж буй зарим арга хэмжээний талаар мэдээлэл өгсөн юм.
Тэрбээр, “Хүнсний бүтээгдэхүүний хувьд хангамж харьцангуй тогтвортой, үнийн өсөлт бага байгааг өнгөрөгч амралтын өдрүүдэд зах, худалдааны төвүүдэд хийсэн Үндэсний статистикийн газар болон холбогдох бусад байгууллагуудын судалгаа харуулж байна. Сар шинийн баяр ойртож байгаатай холбоотойгоор махны үнэ бага зэрэг өссөн байна. Супермаркетууд болон зарим үйлдвэр, ханган нийлүүлэгчид үнийн өсөлт гаргахгүй гэдгээ албан ёсоор мэдэгдсэн. Харин эмийн сангуудад амны хаалт хангалтгүй, түүхий эдийн нөөц дутмаг байгаа учраас амны хаалтны зориулалтын бараа, материалыг оруулж ирэх талаар ажиллаж байна. Манай үйлдвэрлэгчид БНХАУ-аас, тэр дундаа Ухань мужаас голчлон түүхий эдээ татдаг байсан. Одоо тэндээс авах боломжгүй болсон тул БНСУ, БНСВУ зэрэг орноос авч байгаа юм байна. Турк улстай яриа хэлэлцээ хийж байгаа.
УИХ дээр бараа, бүтээгдэхүүн, түүхий эдийн хангамжийг хэвийн байлгах асуудлаар Эдийн засгийн байнгын хорооны дарга Ж.Ганбаатараар ахлуулсан ажлын хэсэг ажиллаж байгаа. Цаашид гол нэрийн хүнсний бүтээгдэхүүний хангамж, нөөцийг нэмэгдүүлэх, эрсдэлээс урьчилан сэргийлэх баталгаатай нөөц бүрдүүлэх шаардлагатай. Маргааш (2020.02.19) УИХ-ын Аюулгүй байдал, гадаад бодлогын байнгын хорооны хуралдаан болно. Та бүхний санал санаачилгыг УИХ-аар хэлэлцэж, Засгийн газарт санал хүргүүлнэ” хэмээн танилцуулав.
Дэлхийн зах зээл дээр амны хаалтны түүхий эд болон өргөн хэрэглээний гурил, элсэн чихэр, цагаан будаа, ургамлын тос, улаан буудайн үнэ нэмэгдэх хандлагатай байгаа аж. Энэ нь хүнсний хангамжийн 90 гаруй хувь нь импортоос шууд хамаардаг манай улсын хувьд хүндрэл учруулж магадгүй. Тиймээс валютын ханшийг тогтвортой байлгах талаар анхаарах шаардлагатай гэсэн асуудлыг үйлдвэрлэл эрхлэгчид хөндөж байв.
Тэд стратегийн гол нэр төрлийн хүнсний бүтээгдэхүүний гаалийн болон бусад төрлийн татвар төлөлтийг тодорхой хугацаагаар хойшлуулах шийдвэр гаргах шаардлага байгааг УИХ-ын даргад уламжилсан юм. Ингэснээр бүтээгдэхүүний үнэд өөрчлөлт орохгүйн дээр нөөц бүрдүүлэх боломжтой болно гэлээ.
Уулзалтын үеэр үйлдвэрлэгчдийн хэлсэн зүйлээс толилуулъя.
Д.Батхишиг: Амны хаалт хийх түүхий эдийг татвараас чөлөөлөөгүй учраас үнэ нэмэхгүй байх боломжгүй байна
“Мөнхийн тун” ХХК-ийн ТУЗ-ийн дарга
-Манайх амны хаалт хийх түүхий эдээ БНСУ-аас авах гэрээ байгуулан ажиллаж байгаа. Түүхий эдийн үнэ болон тээврийн зардал өсөж байна. Анх 3 ам.доллар байсан даавуу өнөөдөр 16 ам.доллар болтлоо өссөн. Амны хаалтны үнийг нэг түвшинд буюу 300 төгрөгт барих шаардлагыг төрөөс тавьж байгаа. Нэг удаагийн амны хаалтыг хоёр ээлжээр тасралтгүй үйлдвэрлэж байна. Тээвэрлэлтэд хүндрэл үүсэж байгаа учраас амны хаалтны түүхий эдээ онгоцоор авчирч байна. Амны хаалтыг татвараас чөлөөлсөн хэрнээ түүхий эдийг чөлөөлөөгүй. Тиймээс амаргүй хүнд байдалд ажиллаж байна. Үнийг аль болох нэмэхгүй байхад анхаарч байгаа ч хүндрэл их гарч байна.
С.Түмэнгэрэл: Валютын ханш өсөхгүй бол бид үнийг тогтвортой барьж чадна
“Өгөөж чихэр боов” ХХК-ийн Ерөнхий захирал
-Үүссэн нөхцөл байдлыг хамтдаа даван гарах гарц шийдлийг олохоор үйлдвэрлэл эрхлэгчидтэй уулзаж, саналыг нь сонсож байгаад баяртай байна. Хүнсний хангамж хамгийн чухал асуудал. Манай үйлдвэрийн хувьд нэг сарын нөөц бий. Түүнээс цааш хүндрэл гарах магадлалтай. Үйлдвэрлэл хэвийн явагдаж байгаа. Бидний зүгээс ашиг хонжоо хайж, бүтээгдэхүүний үнээ нэмэхгүй. Түүхий эд, материалаа гаднаас авч байгаа үед валютын ханшаа барих хэрэгтэй байна. Валютын ханш өсөхгүй бол бид үнийг тогтвортой барьж чадна.
О.Доржханд: Гуравдугаар сараас цааш гурилын нөөцгүй болох магадлалтай
“Улаанбаатар гурил” ХХК-ийн Гүйцэтгэх захирал
-Манай улс жилд нийт 240 мянган тонн гурил хэрэглэдэг. Сард 20 мянга орчим тонн гэсэн үг. Үүнийг үйлдвэрлэхийн тулд 360 орчим мянган тонн улаан буудай хэрэглэдэг. Хоёрдугаар сарын 10-ны байдлаар манай улсын хэмжээнд 12 мянган тонн гурил, 45 мянган тонн буудайн нөөц байна. Үүнээс үзвэл гуравдугаар сараас цааш нөөцгүй болох магадлалтай. Салбарын яамнаас гурил үйлдвэрлэгчдэд 60 мянган тонн улаан буудай импортлох квот олгосон ч татвартай холбоотойгоор татан авалтаа хийж чадахгүй байна. 2019 оны намар буудайны дундаж үнэ 580 мянган төгрөг байсан. Өнөөдөр ОХУ-аас татваргүйгээр 700 мянган төгрөгийн үнэтэй буудай авч байна. Үүн дээр татвар нэмэгдвэл 800 мянга орчим болно. Аливаа бүтээгдэхүүний үнэ өртөг дээр суурилж гардаг. Буудайг ийм өндөр үнээр авчихвал гурилаа хэдэн төгрөгөөр зарах вэ гэдэг асуудал гарч байна. Тиймээс төр засгаас гол нэрийн хүнсний бүтээгдэхүүний татварыг хөнгөлөх, чөлөөлөх талаар арга хэмжээ авч өгөхийг хүсэж байна. Энэ бол хэсэг үйлдвэрлэгчийн асуудал биш. Улсын хэмжээнд хамгийн багадаа 3-4 сарын нөөц байх шаардлагатай.
С.Мөнхтөр: Эрүүл мэндийн байгууллагуудаас спирт авах хүсэлтүүд ихээр ирж байна
“АПУ” ХХК-ийн Худалдан авалтын албаны дарга
-Манай байгууллагад эрүүл мэндийн байгууллагуудаас спирт авах хүсэлтүүд ихээр ирж байна. Одоогоор 17 эм, эмнэлгийн байгууллагаас хүсэлт ирсэн байна. Үүний дагуу 17 тонн хүнсний спирт, 88 тонн техникийн спиртийг худалдан борлуулсан. Цаана нь 500 тонн техникийн спирт, 203 тонн хүнсний спиртийн хүсэлт хүлээгдэж байна. Үүний шалтгаан нь мөн л улаан буудайн асуудалтай холбоотой. Манайх спирт үйлдвэрлэдэг учраас улаан буудайн квотыг авч чаддаггүй. 2009 оноос хойш дотоодын үйлдвэрлэгч, тариаланчдаас түүхий эдээ авч байна. Нөөц хангалтгүй байна.
МҮХАҮТ-аас үйлдвэрлэл эрхлэгчидтэй өмнө нь хоёр ч удаагийн уулзалтыг хийжээ. Тэндээс гарсан саналуудаа нэгтгэн УИХ-ын даргад албан ёсоор гардуулан өгсөн юм. УИХ-ын дарга Г.Занданшатар уулзалтаас гарсан саналуудыг судалж, түргэн шуурхай шийдвэрлэхээ илэрхийлсэн бөгөөд гол нэрийн хүнсний бүтээгдэхүүн импортлогч, амны хаалт үйлдвэрлэгчдийн гаалийн татварын төлөлтийг тодорхой хугацаагаар хойшлуулах хүсэлтийг шийдэх боломжтой гэж үзэж байна хэмээн мэдэгдэв.
24 сэтгэгдэлСэтгэгдэл бичих
ГУРИЛ ХАНГАЛТТАЙ БАЙГАА БИТГИЙ ШАА ХУЛГАЙЧИДАА.. ГАДНААС ГУРИЛ ОРУУЛЖ ИРЭХ АШИГАА БИТГИЙ БОД ЧОНО БОРООНООР ГЭГЧ БОЛОХ ГЭЭД БАЙНА УУ.. МУУСАЙН ХУЛГАЙЧДАА
Манай Монгол улс атрын өч төчнөөн аян гээд бараг гишгэх газаргүй шахам болтлоо газар нутгаа хагалж сэндийчэн тариа буудай тарьдаг биз дээ. Тэр их буудай нь хайччихсан юм бэ? И
Ямар азаар МАН үед ийм болвоо АН үед ийм болсон бол Монгол улс мөхчихсөн хятадад дагаар орий гээд байж байх байлгүй бүх юм өсчихсөн
ЭРГҮҮ МАЛ МИНЬ ЗАЙЛ ДАА МАНЫ МАЛАНЦАР АА
Өөрсдийн намын гишүүдийн компаниар дамжуулж мөнгө хийхийг санаархахаа больж үз. Үйлдвэрлэл эрхлэгчид гурил будааны нөөц хангалттай гэж хэлээд 10 хоноогүй байна. Ой санамжаа алддаг УИХ-ын дарга болон гишүүд суудлаасаа огцорч үз.
Гурилын үйлдвэрүүд болиочээ тэр их хураасан буудайгаа яасан юм. Юм л бол татвараас чөлөөл гээд байх юм. Төр буй дор татвар буй татвар буй дор төр буй гэдэгшдээ.
Яаж дараагийн сонгуульд гарах вэ гэж бодохоо больж үз. Та бүхнийг дахиж хэзээ ч сонгохгүй. Бие биедээ үг хэлж чаддаггүй хянаж чаддаггүй буруу зүйлийг буруу гээд шийтгэж чаддаггүй хүмүүс дахиж сонгогдоно гэж бүү бод. УИХ зуух яндан тоглоомын талбай сургууль цэцэрлэг эмнэлэг барьдаг газар биш. ЗГ-ын хийх ёстой ажил
УИХ нь хууль эрх зүйн бодлогыг зөв явуулах болохоос энд тэнд сургууль цэцэрлэг барьж будаа гурил хүрэх эсэх маск байгаа үгүйг ярьдаг газар биш. Наад гишүүддээ ойлгуул хэдэн хуулиа өөрссөддөө биш нийт Монголын ард түмэнд зориулсан тэдний эрх ашиг нийгмийн баталгааг хангахад зориулж батал.
УИХ-ын дарга Занданшатар танхим доторх 76 гишүүнээ маллаж чадахгүй байж улаан буудайн хүрэх хүрэхгүйг бас шийддэг гэнэ. Наадах чинь Засгийн газрын хийх ёстой ажил. битгий шуналдаа хөтлөгдөөд мөнгө хийх гээд бай
Cайжруулсан түлшний барьцалдуулагч хийхээр чинь хомсдол үүсэхгүй гээд яахав дээ.
МАН-ыг дахин бүү сонго. Дандаа улсаа шулах ард түмнээ шулах бодлого барьдаг. Нам доторх хулгайчиддаа хариуцлага тооцож чаддаггүй.
Чоно борооноор гэгчээр тариаланчдын тарьсан ургац хаашаа орчихов. Хөгцрөөд авах гэзэр олдохгүй байна гээд байсан. МАН -ын увайгүй бодлого энэ л дээ
хямд буудайгаараа спирт хийгээд үнэтэй буудай оуулж ирж үнэтэй гурил хийж иргэдээ шулах нь цөвүүн цагийн төрийн бодлого
Өвчин тахал түмний зовлонг далимдуулж гурилын үнийг /нэмэх/ санаатай. Зуд болоход нохой зоолж,зовлон ирэхэд лам цадна гэж үг байдаг.Эртний үг шүү.
altan tariagaa huvichilsni gai daa
DOTOODIIN GURILAA 100% HANGALAA GEED BAISAN BIZ DEE. HANGAJ CHADAHGUI BOL GURILAA TATVARGUI ORUULAH HEREGTEI
улан буудайн нөөц хангалтай дотоодын хэрэгцээгээ хангадаг болсон гээд бгаагүй билүү
Гурилын үйлдвэрүүд намар будаагаа голж шилээд л дараа нь мөнгөн дээр нь луу унжаад одоо бас татваргүй будаа оруулж ирэх гээд хуцваа
ailuud shuudai shuudaigaar ni avaad nootsoltson bhad tegeh hereg bna uu. odoo ugaasaa ereltgui bolchihno
цагийн байдал дээр тоглолт хийхээ болимоор юм энэ уб гурилын үйлдвэрийн нөхөр өөрсдөө ашиг харж байна гэж бодож байна намар хангалттай буудай авсан гэж ярьж байсан биз дээ ХХААЯ худал гэвэл баримтаа хар даа
YAG UNEN
далимдуулж үнээ нэмэх татвараас бултах арга зам олох юм аа ард түмэн тэнэг биш шүү
ГУРИЛЫН НЕЕЦ ХАНГАЛТТАЙ БАЙХ ЕСТОЙ. ШИНЭ БУУДАЙН ХУВЬД YНЭ ОРОСТ ЕССЕН. 2019 ОНД МАНАЙХ ОЛИГТОЙ ТАРИА АВААГУЙ
Яагаад буудай,гурилын нөөцгүй гэж.Татвараас зайлах тухай гонгинож байх юм