Д.Нарангэрэл:Цэргийн төв эмнэлэгт эмчлүүлж байгаа гурван хүний биеийн байдал хүнд байна

ЭМЯ-наас өдөр бүрийн 11:00 цагийн ээлжит мэдээллээ хүргэлээ. Мэдээллийн эхэнд ЭМЯ-ны Тандалт, шуурхай удирдлагын хэлтсийн дарга Д.Нарангэрэл "Дэлхийн 216 оронд коронавирусийн халдвар тархаж,  19 сая 736 мянган  хүн өвчилж, 731 мянган хүн нас баржээ. 12 сая гаруй хүн эдгэрcэн байна.  24 цагийн хугацаанд 273 хүн шинээр өвчилж, 6000 гаруй хүн эндсэн байна. Сүүлийн арваад хоног коронавирусийн халдвар эрчимчиж тохиолдлууд өндөр тоогоор бүртгэгдэж байна. Тиймээс ДЭМБ-аас дэлхий нийтээрээ дахин коронавирусийн эсрэг нэшдэх цаг болсон гэж хэлсэн байна.

24 цагийн хугацаанд шинээр АНУ 54, Энэтхэгт 62, Бразилд 23 мянган хүн халдвар авсан байна. ОХУ-д 24 цагийн дотор дэлхийд халдвар хамгийн их авсан гурван оронд багтаж байна.

Манай хөрш ОХУ-ын хувьд 24 цагийн хугацаанд 5180 хүн шинээр халдвар авч, 77 хүн эндсэн байна. БНХАУ-д 121 тохиолдол шинээр бүртгэгдсэний 35 нь гадаад орноос зөөвөрдөгдөн ирсэн байна. Сүүлийн үед Япон улсад халдварын дэгдэлт эрс нэмэгдэж байгаа. Тус улсад 24 цагийн хугацаанд 1443 хүн халдвар авч, 5 хүн эндсэн байна.

Олон улсын эрдэмтдийн хамтарсан судалгаагаар хүн амын 60-70 хувь коронавирусийн эсрэг дархлаа бий болсон үед халдварын хоёр дахь давлагааг хохирол багатай даван туулж чадна гэж үзэж байна. Одоогоор өндөр дархлаа тогтоож чадсан улс орон дэлхийд нэг ч алга. АНУ-д хичээл сургуулийн үлй ажиллагаа явуулж эхэлсэн эхний өдөр багш нар коронавирусийн халдвар авсан байна. Үүнийг сурагчдын ихэнх нь амны  хаалт зүүхгүй байгаатай холбоотой гэж АНУ-ын өвчин судлалын эрдэмтэд үзэж байна. Тиймээс эцэг, эхчүүд сургууль, цэцэрлэг орох гэж байгаа энэ өдрүүдэд маск зүүлгэж хэвшихэд сургах хэрэгтэй байна.

Манай орны хувьд  ажиглалтад шинээр 289  хүн орж, 26 хүн гарч, гэрийн тусгаарлалтад шилжсэн. Одоогоор 3358 хүн ажиглалтад байна. Үүргийн онгоцоор ирсэн 79 хүн Цэргийн төв эмнэлэгт хэвтэн эмчлүүлж байна. Үүнээс 3 хүний биеийн байдал хүндэвтэр, эрчимт эмчилгээний тасагт байна" хэмээлээ.

ХӨСҮТ-ийн Тандалт судалгааны албаны дарга А.Амбасэлмаа "2020 оны наймдугаар сарын 09-ний өдөр ХӨСҮТ-ийн вирус судлалын, Дархан-Уул аймгийн салбар, нийтдээ 621  хүний сорьцоос шинжилгээ авахад бүгдийнх нь сорьцод коронавирус илрээгүй. Шинжилгээнд хамрагдсан хүмүүсийг дэлгэрэнгүй танилцуулъя.

-2020 оны наймдугаар сарын 9-нд Франкбур-Улаанбаатар чиглэлийн онгоцоор ирсэн 260 хүний шинжилгээ

-Тусгаарлах байранд ажиллаж байгаа эмч ажилчдын 30 хүний шинжилгээ

-ХӨСҮТ-д тусгаарлагдсан  6 хүний давтан шинжилгээ,

-Дархан-Уул аймагт тусгаарлагдсан 36 хүний шинжилгээ

-Алтанбулаг боомтоор орж ирсэн ачаа тээврийн 16 жолоочийн шинжилгээ

-Долдугаар сарын 21 Токио-Улаанбаатар онгоцоор ирсэн 262 хүний давтан шинжилгээ

-Цэргийн төв эмнэлэгт байгаа 11 хүний давтан шинжилгээнээс коронавирус илрээгүй байна.

 Монголд батлагдсан тохиолдол 293, эдгэрсэн хүн 263, сувиллын ажиглалтад байгаа 47, гэрийн ажиглалтад 23, ажиглалт , тандалтын хугацаа дууссан 193 хүн байна.  ХӨСҮТ-ийн клиникт байгаа 1 хүний биеийн байдал  хүндэвтэр байна. Эмчилгээ үргэлжилсээр байна” хэмээлээ.