Дэлхийн шатрын олимпиадад оролцох Монголын баг тамирчдад хүндэтгэл үзүүлэх ёслол өнөөдөр/2020.08.21/ “Их тэнгэр” цогцолборт боллоо.
Ёслолд Монголын үндэсний олимпийн хороо/МҮОХ/-ны Дэд ерөнхийлөгч Ч.Наранбаатар, Зөвлөх Ж.Отгонцагаан, Монголын шатрын холбоо/МШХ/-ны Ерөнхийлөгч Я.Санжмятав, УИХ дахь шатрын спортыг дэмжих лобби бүлгийн дарга Б.Саранчимэг, Биеийн тамир, спортын улсын хорооны дарга Ц.Шаравжамц, Дэд дарга Ц.Одонбаяр, МШХ-ны удирдлагууд оролцож баг тамирчдад хүндэтгэл үзүүлэн, амжилт хүсэв.
Монголын баг тамирчид нь Дэлхийн шатрын олимпиадад 1955 оноос хойш тасралтгүй оролцож, одоогоор чансаагаараа Дэлхийд 25, Ази тивд 4 дүгээр байрт эрэмбэлэгдэж байна.
Энэ жилийн Дэлхийн шатрын олимпиад нь цар тахлын улмаас анх удаа цахим хэлбэрээр зохион байгуулагдаж буй бөгөөд Монгол улсаас нийт 12 тамирчин өрсөлдөх юм.
ОУОХ-ны Ерөнхийлөгч Томас Бах нь Дэлхийн шатрын холбоонд илгээсэн захидалдаа тус олимпиад нь спорт-олимпизмийн үнэт зүйлс цар тахлын үед үргэлжлэн дэлгэрэх илрэл мөн хэмээн онцолсон байна.
ТОГЛОЛТЫН ХУВААРЬ:
1-3 дугаар өрөг:
08 сарын 21-ний өдрийн 16:00-19:00 цагт
4-6 дугаар өрөг:
08 сарын 22-ны өдрийн 16:00-19:00 цагт
7-9 дүгээр өрөг:
08 сарын 23-ны өдрийн 16:00-19:00 цагт тус тус болно.
ABChess шууд дамжуулалтын фейсбүүк хуудас өдөр бүр Монголын баг, тамирчдын тоглолтыг www.chess.com платформтай хамтран албан ёсны эрхтэйгээр ДШХМ Б.Ану, СМ Б.Галмандах нарын тайлбартайгаар шууд дамжуулан хүргэнэ. Шууд дамжуулалтыг дараах холбоосоор орж үзнэ үү.
Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг
ITF таеквон-догийн ДАШТ оролцохоор Монгол улсын шигшээ 54 хүний бүрэлдхүүнтэйгээр Астанаг зорьлоо
Таеквон-до: “ЭХЛЭЛИЙН ЦОМ-2023” олон хотын нээлттэй тэмцээн эхэллээ
Насанд хүрэгчид, мастер ангилалын Таеквондогийн улсын аварга шалгаруулах тэмцээн эхэллээ
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ховд Вестерн клубт Ёвропын шилдэгээр удирдуулна
“Энержи-3х3” лиг аваргуудаа тодрууллаа
Сэтгэгдэл бичих