Энэ жил Монгол Улс, БНСУ хооронд дипломат харилцаа тогтоосны 30 жилийн ой тохиож байгаа бөгөөд үүнтэй холбогдуулан “Солонгост сургууль төгсөгчдийн холбоо”-ноос (MAGIKO) БНСУ-ын Элчин сайдын яам, Олон улсын Боловсролыг дэмжих үндэсний хүрээлэнтэй хамтран “Солонгост суралцацгаая” боловсролын үзэсгэлэнг анх удаа онлайнаар энэ сарын 20-24-ний хооронд МУИС-ийн Төв номын санд зохион байгууллаа.
Дөрвөн өдөр үргэлжилж буй уг үзэсгэлэнд өнөөдөр БНСУ-аас Монгол Улсад суугаа Элчин сайд Ли Ё Хун, “Солонгост сургууль төгсөгчдийн холбоо” ТББ-ын тэргүүн С.Бат-Эрдэнэ болон бусад албаны хүмүүс оролцож, залуучуудтай санал солилцлоо.
Элчин сайд Ли Ё Хун: “Сүүлийн үед Монгол, Солонгос Улсын хоорондын харилцаа бүхий л салбарт өргөжин хөгжиж байна. Хоёр улсын харилцаа цаашид улам өргөжихөд иргэд хоорондын харилцаа хамгийн чухал. Тэр дундаа хоёр улсын залуучууд харилцан суралцах нь чухал хэмээн үзэж оюутан солилцооны ажлыг хийж хэрэгжүүлдэг. Бидний зүгээс цаашид илүү олон оюутныг манай улсад суралцаасай гэж хүсдэг. Манай улсад суралцаж ирсэн оюутнууд хоёр улсын цаашдын хөгжилд ихээхэн хувь нэмэр оруулах боловсон хүчин болон гэдэгт итгэлтэй байна. Манай улсын их дээд сургуулиудын материаллаг бааз болон тав тухай орчинд суралцах боломж нь хангалттай бүрдсэн учраас эндээс очсон залуучууд зөвхөн сургалтын чанартаа л анхаарах бүрэн боломжтой.
БНСУ-ын 50 гаруй их, дээд сургуулиуд оролцож, 200 гаруй мэргэжлээр сургалтын хөтөлбөрөө танилцууллаа
“Солонгост сургууль төгсөгчдийн холбоо” ТББ-ын тэргүүн С.Бат-Эрдэнэ “Солонгост суралцацгаая” боловсролын үзэсгэлэн маань 10 дугаар сарын 20-23-ны хүртэл онлайнаар амжилттай зохион байгуулагдлаа. Үзэсгэлэнгээр БНСУ-ын төрийн болон хувийн 50 гаруй их, дээд сургуулиуд оролцож, 200 гаруй мэргэжлээр бакалавр, магистр, докторын зэрэг олгох сургалтын хөтөлбөр, танилцуулгууд анх удаа онлайн хэлбэрээр хийгдсэн.
Оюутан, залуус өнөөдөр Солонгос улсад сонирхож буй сургуулийнхаа багш, мэргэжилтнээс шууд холбогдож зөвлөгөө мэдээлэл авч, олон залуус хамрагдаж, хүссэн мэдээллээ авлаа. Энэ дашрамд бидний ажлыг дэмжин хамтран ажилласан БНСУ-ын Элчин сайдын яам, сургуулиуддаа талархал илэрхийлье. ” гэв.
Энэхүү боловсролын үзэсгэлэн нь оюутан залууст БНСУ-ын шилдэг их, дээд сургуулийн элсэлт, хэлний бэлтгэл, тэтгэлэг зэрэг олон талын мэдээлэл солилцох боломжийг олгож, мэргэжлээ зөв сонгоход туслах ач холбогдолтой юм.
Жүжигчин Оргил үстэй болжээ
СУДАЛГАА: Гадаад хэл эзэмших нь Монгол хүүхдийн сэтгэхүйн хөгжилд нөлөөлөх тухай
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Бидэнд гоё ганган нэртэй цогцолбор хэрэггүй зүгээр л 2 давхар цэцэрлэг л байхад болноо
Монгол Улсын Ерөнхийлөгч танд эгэл жирийн сурагч захидал илгээж байна
Наран трейдийн С.Болдхэтийн хүүхдийн цэцэрлэгийн зориулалтаар баригдсан газрыг өмчлөн авч орон сууц барих гэж байгааг иргэд эсэргүүцжээ
ЭЕШ-ын бүртгэл өнөөдөр 18.00 цагт дуусна
1 сэтгэгдэлСэтгэгдэл бичих
solongisd yaj yanhandah, yaj hulhidahiig l surahgui yum bol uur suraad baih yum baihgui.Arai undur hugjiltei orchin bolohois bish chanargui huviin deed surguuliydaa yay geed zasagiin gazar n tolgoi segsereed suuj bna.Mash olon surguuliud haagdaj bna.Ene olon chanargui surguulid n orshin togtnohiin tuld hujaanuydiig olnoor n oruulsanaas bolood dotooddoo eserguutsel bosloho ih garch odoo hujaanuud n humigdaad irlogo n gaGdanguut muusain mongolcguudiin karmaag segsreh geed tarhi ugaaj ehellee.Bolovson yanhan, soliorson esuschidiin armi aisui!