Нийслэлийн Засаг даргын зөвлөлийн хуралдаанаар авто замын түгжрэлийг бууруулахын тулд тээврийн хэрэгслүүдийг ажлын таван өдөр улсын бүртгэлтэй дугаарыг тэгш, сондгойгоор оролцуулах саналыг гаргасан. Тэгвэл энэ саналын талаар иргэд ямар бодолтой байгааг асууж сонирхлоо.
-С.Намхай: Эхлээд нийтийн тээврийн асуудлуудыг цогц хэлбэрээр шийдвэрлэ
Сонгинохайрхан дүүргийн иргэн
-Энэ буруу шийдвэр шүү дээ. Ажил ихтэй эсвэл хол замыг туулж ажилдаа очдог хүмүүс нэг өдөр яваад, нэг өдөр явахгүй гэсэн үг үү. Эхлээд зам тээврийн зөв зохицуулалт хийх хэрэгтэй. Хөдөөний машинууд хотод маш их орж ирдэг. Бүх аймгууд хар замд холбогдсон учраас хөдөөнөөс орж ирсэн машинууд л их харагдах юм. Манай хотын дарга нар анхнаасаа хот төлөвлөлтийг маш буруу хийсэн. Газрын зөвшөөрлийг ямар ч бодлогогүй өгснөөс болж хаа сайгүй барилга барьсан. Одоо автомашины зогсоол ч байхгүй, маш их түгжрэл үүсгэж байна. Эдгээр асуудлыг шийдэхгүй атлаа бусдын машиныг ачна, торгоно.
Би хотын төвөөс 21-р хороолол хүртэл 3 цаг түгжирч хүрдэг. Тэгш, сондгой дугаараар явуулах шийдвэрийн гол зорилго нь иргэдийг автобусаар зорчуулах юм болов уу. Тэгвэл хотын иргэдийн автобусыг хүртээмжтэй болгох хэрэгтэй. Автобус хангалтгүй байгаагаас болж хүн бүр машин унаж байна. Ганцаараа, эсвэл хажуудаа хүүхдээ суулгачихсан явж байдаг. Энэ нь хөдөлгөөний ачааллыг маш их нэмдэг. Тиймээс иргэд хувийн унаанаас татгалзаж, нийтийн тээврээр үйлчлүүлэх хэрэгтэй. Харин хотын удирдлагууд нийтийн тээвэртэй холбоотой асуудлуудыг цогцоор нь шийдвэрлэ.
-В.Александр: Санхүүгийн боломжтой хүмүүс нь хоёр машин унах байх
Баянзүрх дүүргийн иргэн
-Нэмэргүй байх. Зарим боломжтой айлууд тэгш, сондгой дугаартай хоёр машин унах байх. Хэрвээ нэг айл хоёр машин ашиглавал хот доторх автомашины тоо улам л нэмэгдэнэ. Тиймээс тэгш, сондгойгоор нь ялгахын оронд автобусны тоог нэмэх хэрэгтэй. Цаашлаад нийтийн тээврийн автобуснуудын эвдрэл гэмтлийг засаж, цэвэрхэн болгох хэрэгтэй байна. Тэгш, сондгойгоор хуваарилсан ч машинууд адилхан л хөдөлгөөнд оролцоно шүү дээ. Ядаж автобусны хүртээмжийг нэмэгдүүлбэл түгжрэлийг шийдэх боломжтой байх.
-Г.Мөнхөө: Автомашинуудыг тэгш, сондгойгоор дугаараар явуулсан ч түгжирнэ
Баянзүрх дүүргийн иргэн
-Автомашиныг тэгш, сондгойгоор явуулсан ч хөдөлгөөн буурахгүй, ямар ч ялгаагүй л байх болов уу. Өглөө автобусанд суугаад ажилдаа гарахад зам дээрх түгжрэл ямар их байгааг хүн бүр мэдэж байгаа. Хувийн унаатай хүмүүст бүр хэцүү байдаг байх. Өглөө 07:00 цагт автобусанд суугаад 10:00 цаг хүртэл түгжирч явсаар очдог. Түгжрэлийг хэрхэн бууруулахыг дарга нар л мэдэх байх. Харин хэрхэн яаж шийдвэрлэхээ одоо болтол мэдэхгүй байгаа бололтой.
-Ж.Чинзориг: Улсын дугаарыг тэгш, сондгойгоор нь ялгаж хөдөлгөөнд оролцуулах нь хамгийн зөв шийдвэр
Баянзүрх дүүргийн иргэн
-Маш зөв шийдвэр. Одоо үүнээс өөр арга байхгүй шүү дээ. Учир нь монголчууд өдрийн хагасыг түгжрэлд барж, ажил төрлөө ч бүтээж чадахгүй байна. Энэ хэмжээгээр өрхийн эдийн засагт ч хүндээр тусч байна. Зарим иргэд энэ шийдвэртэй санал нийлэхгүй байж магадгүй. Тэгвэл томоохон ААН-үүд өөрсдийн унаагаар ажилчдаа зөөдөг болох хэрэгтэй. Энэ нь түгжрэл, хувийн автомашинтай холбоотой асуудлуудыг шийдэж чадна. Хотын даац үнэхээр хэтэрчихсэн байна. Автомашинуудыг тэгш, сондгойгоор нь явууллаа гээд түгжрэлийн асуудал арилахгүй.
-Б.Алтанцэцэг: Долоо хоногийн нэг өдөр л дугаарын хязгаарлалт хийх хэрэгтэй
Налайх дүүргийн иргэн
-Дугаарын хязгаарлалт хуучнаараа нэг өдөр байвал зүгээр. Хүнд гэнэтийн төлөвлөөгүй ажил гардаг тэр үед нь автомашиных нь дугаар явахгүй өдөр хэцүү шүү дээ. Ядаж л долоо хоногийн нэг өдөр нь тэгш сондгойгоор нь оролцуулах нь зөв болов уу.
-А.Баярхишиг: Хотын удирдлагууд хамгийн амархан бүтэх арга мэт санагдсан байх
Сүхбаатар дүүргийн иргэн
-Өдөр болгон л түгжирч байна. Амралтын өдөр ч ялгаагүй түгжирсээр л байна. Автомашинд дугаарын хязгаарлалт хийж, хөдөлгөөнд оруулбал хотын түгжрэл буурах л байх. Учир нь өдөр бүр зорчдог тээврийн хэрэгслүүдийн тал нь оролцохгүй гэсэн үг байх. Эсвэл дарга нар нь хоёр машин унаад эхлэх юм болов уу. Хэрвээ тэгвэл автомашины тоо нэмэгдэж, зам нь ачааллаа дийлэхгүй байх.Хотын удирдлагууд амархан бүтэх боломжтой арга гэж бодсон байх.
34 сэтгэгдэлСэтгэгдэл бичих
Энэ олон дээд сургууль нэртэй мөнгө хүүлэгч нараа хотоос гаргаж аймгуудад тараан байрлуул. Нэг аймаг нэгээс хоёр дээд сургуулийг хичээллэх боломжоор ханга гэдэг захирамж гарга . Дараа нь Нарантуул мэтийн том том захуудаа хотоос зайтай гарга.Ер нь хийе гэвэл зөндөөн боломж байгаа юм биш үү.
Тэгш сондгой 2 дугаартай болоод ээлжлээд солиод явах болно ш дээ ямарч ялгаагүй
За дахиж нэг машин авах хэрэгтэй юм байна даа
Zohitsuulaltyn hamgiin zuv arga tatvar shuu dee. Tatvaraar l shiiddeg shd. Taxi, avtobus naraa standard bolgood tatvaraa sain nemeed ugohod demii selguutsegch nar bhgui bolno. Hariutslaga undorsono
Mashingui bh uydee gertee hevteed bdag bsan yum uu? Amid hubd arga n oldoj l taarna shd. Tatvar navs nemeed hagas sondgoigoor n yavuul. Zorigtoi shinechlel heregtei bna. Dan hognoos achij irsen mashinuud bdag, UB yamar hogiin savny sav yumuu?
sard 100000 tatvar avchih, tgd zugeer bolno
buruu rulitee mashin importolhoo bolio
Гэхдээ бүсчилсэн татвар авахад маш их хүндрэл гарна. жишээлбэл хотын амьдрагчид байнга их татвар төлөхөөр маш их эсэргүүцэл гарна гээд асуудал их байна шүү
хөдөлгөөнд оролцогчдын хамгийн багадаа 30% дахин нэг машин авна. угаасаа одоо зарим айл 2-5 машинтай байгаа. нэг машинтангууд нь нийт ТХ хэрэглэгчдийн 80-90% байгаа энэ 80-90%-ийн дор хяаж 30% дахин машин авна. бүсчилсэн татвар аваа
тал татвар төлнө гэж хуулиа эхлээд өөрчил. тэгээд энэ хууль батлагдвал ахиад 1 машин авая доо
Бүсчилсэн тойрог гээд бгаа зүйл нь хамгийн зөв төврүү орж ирлээ торгуульгүй, торгуульа төлсөн тээврийн хэрэгсэл зорчих , нийтийн тээврийг цэвэрхэн дулаахан , хүртээмжтэй оновчтой зохион байгуулах , төвийн зогсоолын төлбөрийг өндөр үнэтэй байлгах , орон нутагийн авто машин нийслэл рүү орж ирэхэд өндөр төлбөр авдаг байх 3хоногоос дээш Нийслэлд байхаар бол нэмэлт татвар авдаг бхаар зохицуулвал болно байх
Хувийн хэвшилийн компануудын үйлчилгээнд явдаг авто машинууд яах юм бэ жолооч нараа 7хоногт 2-3 удаа амраана цалин бүтэн бодогдох уу , ажилын фонд цагт нь хүрэх үү ?
Нийтийн тээвэр нь тохьтой, тухтай бол бүгд л сууна, Автобусныхаа тоог нь олон болгоод ойр ойрхон явуулахгүй бол автобус пиг хүнтэй ирээд сууж чадахгүй байнаа.
нэг дугаар 7хоногт нэг удаа л явдаг болгох хэрэгтэй. машин тоо хирээсээ хэтрээд Улаанбаатарт багтахаа больчихоод бна
УБ оршин суугчидын 600 гаруй мянган иргэн авто машинтай байгаагаас бараг тал нь дахиад 1-2 машин худалдан авах шийдвэр нь тэгш сондгойгоор явах сонголт болж байна даа яанаа
Ард иргэдээс биш замын хөдөлгөөн зохицуулах үүрэг бүхий татвар төлөгчдийн мөнгөөр цалинждаг нөхдүүдээс ажилаа хийгээч гэж асууж шаард.зөвхөн ийм чиг үүрэг бүхий түмэн дарга захирал байгаа
Нэгдүгээр эгнээгээр автобуснаас өөр унаа явуулахаа больчихвол түгжээ жаахан багасмаар санагдаад байгаа юм даа
Дөрвөн хайрхан дундаа хүн амынхаа талаас илүүг нь бөөгнөрүүлээд, орон зай харгалзахгүйгээр тэнгэр хатгасан хот хотхон нэртэй шавар овоолоод хаячихсан !!! Одоо нэмэргүй ээ ! Бахь байдгаараа л бх вий ???
УБ-т цагдаагийн биет зохицуулалтыг шал дэмий гэж үзсэн нөхөд нэлээдгүй байна. Тэгэхээр яг 7 хоног цагдаагийн биет зохицуулалт хийхгүйгээр орхи тэгээд юу гэх нүү.
Хязгаарлаж, хориглож хүч хэрэглэхээс арай өөр арга зам сэтгэх чадвартай дарга байхгүй юу. GPS систем нэвтрүүлэх, хотыг гадуур нь тойрсон хурдны зам байгуулах, гол уулзваруудад гүүрэн гарцтай зам барих, замын ачаалал харуулсан гэрлэн самбарууд байршуулах, шинэ баригдаж байгаа барилгуудын доод давхаруудад хангалттай машины зогсоолтой бариулах, зам хаасан зүй бус хаалт хашлагуудыг авч чөлөөлөх, хөдөөний тэрэгийг хотын захад тодорхой зогсоолд тавих, цагдаа зөвхөн гэрлэн дохиог дэмжиж замын хөдөлгөөний зохицууладаг болгох гээд зөндөө боломж бн
Зүгээр л ****** идсэн хуучин сэгүүдээ хориглооч. 2005 оноос өмнөх бүх машиныг хорь
khuduunuus ireh irgediig boliulaachee. mashin ch barij chadahgui ymnuud tugjrel uusgej buhimdal uusgej bna
зээл хийгээд хоёр машинтай болсон толгой өвдөх юмгүй сайхан байна.
одоо тэгш сондгой болбол 3 дахь машинаа авна тийм үү
Мань нь өнгөрсөн жил Ланд 200 авч унсан, харин уржнан жил авсан Приус 30 бас байдаг, зарж амжаагүй байгаа хүлээзнэхээс
тэгш ,сондгойгоор явуулаад үз,,,уул нь түгжирэл багасах ёстой,,манайхан нэг арга олоод дугаараа сольно,,,тэгвэл хотын бүх авто машинууд бүртгэлтэй татвараа төлдөг байх учиртай ,,,энд хяналт тавьж болноо доо ,,цахим ертөнц хөгжижээ хотын захиргаа толгойгоо ажиллуул арга олдож л таараа,,, он хуучинтай -утаа гаргаж байгаа муухан машинуудыг зогсоох ,,буруу талдаа хүрдтэй машинуудыг цөөрүүлэх,дизел хөдөлгүүртэй машинуудыг анхаарах, том оврын тэргүүдийг тусгай замтай ,мөн хүнсний хангалын ,шатхуун зөөгч ,хогны машинуудийг явдаг зам ,цагтай болгох аж
Shuud 50 huvi buuruulah arga tegsh sondgoi .
буурсан 50%-ийн чинь 50% дахиад машин нэмж авна
Автобусныхаа тоог нэмэгдүүлээ.
Нийтийн тээвэрээ хөгжүүлж байж тэгш сондгой гэж ярих хэрэгтэй. Юу ч мэдэхгүй байж нэг их ажил хийсэн дүр үзүүлсэн албан тушаалын донтой юмнууд иргэдийн амьдралд битгий гай бол
Орон нутгийн машин битгий явуулаад бай зам ачааллаа дийлэхгүй бн гэчихээд гаднаас нэмж аваад байх юм
Нийтийн тээвэрээ зөв зохион байгуулж стандартын шаардлага хангах хэмжээнд хүргэхгүй бол автомашины дугаарын тэгш сондгойгоор хязгаарлаад ямарч үр дүн байхгүй шүү дээ
tiishde urdah awtobusaa yay gj baij
Нийтийн тээвэрээ шийдээд тэгш сондгойгоор явууллаа. Автобус их хүлээлгэн ирэхээр хүн ихтэй ирнэ. заваан байна. 1 эгнээгээрээ явахгүй хөндлөн гулд явна. чанга чанга утсаар ярьсан огцом тормоз гишгэсэн залуус. Автобус буудалд дээр нь хувийн такси багсарсан замбараагүй. энэ бүгдээ цэгцлэх хэрэгтэй. Замын цагдаа уулзварууд дээр машин хөдөлгөөн хорих л ажил хийж байна. Эгнээ байр эзлэх, автобусны буудал чөлөөлүүлэх гэх мэт ажлаа эрчимжүүл.