Нийслэлийн лавлагаа, мэдээллийн 1800-1200 тусгай дугаар нь 24/7 цагийн хуваариар ажиллаж байгаа. 2021 оны гуравдугаар сарын 2-ны өдөр иргэдээс нийт 507 дуудлага ирлээ. Нийт дуудлагын хүлээлгийн дундаж хугацаа найман секунд, иргэнтэй ярьсан дундаж хугацаа 1.23 минут байна. Мөн “Нийслэлийн мэдээ” фэйсбүүк хуудасны чатботод 25 иргэн хандсанаас 18 иргэн автомат хариулагчаас мэдээлэл авч, долоон иргэнд оператор ажилтан мэдээлэл өгч ажилласан байна.
Иргэдээс ирүүлсэн дээрх дуудлагын 221 буюу 43.8 хувийг шинжилгээний цэгийн хаяг, байршил, цагийн хуваарь, шинжилгээний цаг хэрхэн захиалах, шинжилгээний цэгийг нэмэгдүүлэх талаар, 83 буюу 16.5 хувийг хот хооронд зорчих иргэд ямар баримт бичиг бүрдүүлж, хэрхэн зорчих тухай дуудлага тус тус эзэлж байна.
Хөдөө орон нутаг руу зорчих, яаралтай эрүүл мэндийн тусламж үйлчилгээ авах, оршуулгын үйл ажиллагаанд оролцох иргэдээс шинжилгээний цэгүүдийг яаралтай нэмэгдүүлж өгөх хүсэлтг цөөнгүй ирүүлсэн байна. Иргэдээс ирүүлсэн санал, хүсэлтийг үндэслэн Нийслэлийн Онцгой комиссоос гуравдугаар сарын 3-5-ны өдрүүдэд шинжилгээ авах цэгийг наймаар нэмэгдүүлэн 22 болгож, иргэдэд хүндрэл, чирэгдэл үүсгэхгүй байх арга хэмжээг шуурхай авч ажиллалаа.
1 сэтгэгдэлСэтгэгдэл бичих
ENE CH SHAL HUDLAA MEDEELEL BAINA 3-5 NII HOOROND AJILALAA GENUU UNUUDUR 3 DUGAAR NSARIIN 4 PCR UGUH GEED GARTAL BUUN DARAALAL UUSSEN BNA MONGOL 3 DUGAAR SURGUULI DEER TSAG AVAH GEED ALI HEDIIN DUUSSAN BAINA. ENUUHEN HUI DOLOON HUDAG ORCHOOD IREHED ZAAVAL PCR UGSUN BH ESTOI GENE ARAI DANDUU YUMAA