Нийгмийн даатгалын ерөнхий газраас Нийгмийн даатгалын дэвтрийг бүрэн цахимжуулж, хэрэглээнд нэвтрүүлээд эхэлсэн талаар мэдээллээ. Цахим дэвтрийг нэвтрүүлсэнээр ажил олгогчийн санхүүгийн ажилтан, нийгмийн даатгалын байцаагч, ажилтны ажлын ачаалал буурч, нийгмийн даатгалын үйлчилгээг шуурхай, чирэгдэлгүй үзүүлэхэд бодит нөлөө үзүүлж байгаа аж.
ИРГЭД, ДААТГУУЛАГЧДЫН ХУВЬД:
- Нийгмийн даатгалын үйлчилгээг цаг хугацаа, орон зайнаас үл хамааран чирэгдэлгүй авах,
- Дэвтрийн бичилт хийлгэн баталгаажуулахын тулд нийгмийн даатгалын хэлтэст биеэр очин, дугаарлан цаг хугацаа, зардал гаргах шаардлагагүй,
- Шинэ дэвтэр авах, хаясан үрэгдүүлсэн дэвтрийн лавлагаа авах, баталгаажуулахад цаг хугацаа шаардахгүй,
- Даатгуулагч нь ажил олгогчийнхоо нийгмийн даатгалын шимтгэл төлөлтийг хянах, шимтгэлийн өр үүсгэж байгаа эсэхийг сар бүр харах.
АЖИЛ ОЛГОГЧДЫН ХУВЬД:
- Нийт 49 мянган ажил олгогчийн Нийгмийн даатгалын дэвтэрт сар бүр бичилт хийх, дэвтэрт нийгмийн даатгалын байцаагчаар баталгаажуулалт хийлгэх шаардлагагүй болсноор цаг хугацааг хэмнэсэн, нягтлан бодогчдын ажлыг хөнгөвчилсөн,
- Ажилтныг ажилд авсан, чөлөөлсөн тушаал шийдвэрийг нийгмийн даатгалын цахим системд бүртгэх, хөдөлмөрийн хэвийн бус нөхцөлд ажиллаж байгаа ажилтны тушаалыг нийгмийн даатгалын шимтгэл төлөлтийн тайланд хавсаргадаг болсноор тушаал шийдвэрийн бичигт хийгдэхгүй орхигдох, ажилтнаас заавал тушаал шаардах болон хуурамч тушаал нөхөж гаргах эрсдэлээс сэргийлэх боломж бүрдсэн.
НИЙГМИЙН ДААТГАЛЫН БАЙГУУЛЛАГА, БАЙЦААГЧИЙН ХУВЬД:
- Нийгмийн даатгалын дэвтэр хэвлэхтэй холбоотой төсвийн зардлыг хэмнэх,
- Нийгмийн даатгалын байцаагчийн 964.7 мянган албан журмын, 192.0 мянган сайн дурын, нийтдээ 1.2 сая даатгуулагчийн нийгмийн даатгалын дэвтрийг сар бүр баталгаажуулах, бичилт хийх ажлыг хөнгөвчлөх, ажлын ачааллыг бууруулах,
- Нийгмийн даатгалын байцаагч нийгмийн даатгалын ач холбогдлыг сурталчлах, нийгмийн даатгалын хуульд тогтоомжийн хэрэгжилтийг хангах, зөрчлөөс урьдчилан сэргийлэх, ажил олгогч, даатгуулагчдад зөвлөгөө өгөх, шимтгэлийн өр авлагыг барагдуулах, өөрийгөө мэргэшүүлэх, суралцахад түлхүү анхаарах боломж бүрдэх,
- Тэтгэвэр, тэтгэмж, төлбөр авах зорилгоор хуурамч баримт бичиг бүрдүүлэх, нийгмийн даатгалын санд үүсэх эрсдэлээс хамгаалах зэрэг давуу талтай аж.
7 сэтгэгдэлСэтгэгдэл бичих
Цалингийн задаргаа өгөхгүй байгаа ня-бо нар ажлаа хүлээлгэж өгөөд буцаад суралц оо. Ажлаа хийж чадахгүй, мэдэхгүй бна гэсэн үг дээ.
Цахим нэртэй луйвар гарч мэдэхийн. Зарим байгууллага ажилтандаа цалингийн задаргаа мэдээлэл авъя гэхэд өгдөггүй нь хачирхалтай.Шаардсаар байтал өгөхгүйгээр 2 жил боллоо.
Hi yaj daatgal tulugduj baigaag shalgah be
Shaal dutuu yum hiij haychaad uhseniih ni tsahim bdiin. Devter deer buten tolchood bhad tsahim deeree oroogui odoo teriig ni arhivaas tsaasan barimtaas shuune ch geh shig hund ajil udsan shal dutuu yumaa yanzalchaad ingej reklamdaach
Сайхан шийдэл байна.Ажлын амжилт хүсье.
сар бүр цаасан тайлан нэхдэгийг болиулаачээ
Капитал банк дампуурч НДШ~ ын мөнгийг яаж зохицуулах юм бол доо.Хэдэн дарга нар нь дээгүүрээ их л идэж уух юм даа