Жүжигчин У.Цогтбаяр: Өнөөдөр та бүхэнд жендэрийн тухай үзэл бодлоо илэрхийлье гэж бодлоо. Би 30 настай. Гурван хүүхэдтэй. Гэр бүл зохиогоод таван жил болж байна. Хүмүүс манай гэр бүлийг харахдаа өдөр бүр аз жаргалтай, инээж өдрийг өнгөрөөдөг гэж боддог байх. Тэр нь ч надад мэдрэгддэг. Гэтэл бодит байдал тийм биш. Би эхнэрээ гомдоож, уйлуулж байсан ч удаа бий. Өнөөдөр Монголд маш олон өрх толгойлсон эх, амьдралаа үүрч явах гээд өрхийн тэргүүн болчихсон ээж нар бий.
Жендэрийн тухай ярина гэсэн маань үүнтэй маш их холбоотой. Би бол эхнэрээ зөвхөн хүүхдүүдээ харж, гал тогоонд хоолоо хийж, хувцасаа угааж, ахуйн хэрэглээний бүх зүйлийг цэвэрлэдэг үйлчлэгч, цэвэрлэгч гэж хэзээ ч боддоггүй. Би бол залуу хүн, карьер маань дөнгөж эхэлж байгаа учраас маш завгүй байдаг. Гэхдээ би гэр бүлээ нэгдүгээрт тавьдаг. Орой ирээд би аяга тавгаа , дотуур хувцсаа угаадаг. Хогоо бол ээлжлээд асгадаг. Зарим нэг эрчүүд маань хогоо асгахгүй харагдаад байдаг. Яагаад гэхээр эхнэр нь өмнүүр нь ороод хийдэг байх л даа. Гэхдээ яагаад тэр хогийг хааяа ээлжлээд асгаж болохгүй гэж. Эхнэртээ тусалдаг, эхнэрийгээ халамжилдаг, эхнэртэйгээ ярилцдаг, хүүхдүүдийнхээ яриаг сонсдог, хүүхдүүдтэйгээ хамт цагийг өнгөрөөдөг инээмсэглэл дүүрэн тийм өрхийн тэргүүнийг л жинхэнэ эр хүн гэж хэлнэ. Түүнээс биш үхрийн өвчүү, ул боовны ард суучихсан өөртөө архи хундаглаад, 100 грамм татаад, том том зүйл яриад л сууж байгаа хүн надад жинхэнэ эр хүн шиг санагддаггүй.
Шувтан мөртэй, шувуун цээжтэй, сайрга хөлтэй, савхан хуруутай над шиг залуу байсан ч хогоо асгаж, эхнэрээ хүндлээд лифтэнд суухдаа ч юмуу түрүүлж оруулж байгаа эр хүн хажууд нь жинхэнэ эрх хүн шиг харагддаг. Эмэгтэйчүүд, охид бүсгүйчүүд хэрэв хохирч байгаа бол таслан зогсоогч нь эрэгтэй хүмүүс байх ёстой. Бүгдээрээ үг ярихаа болъё. Үйлдэл байхад үг, яриа юу юм бэ. Бүх зүйл дээр тэнцвэртэй байдал, тэгш эрхтэй байя гэж би өнөөдөр уриалах гэж ирсэн юмаа. Бүгдэд нь баярлалаа.
Хүчирхийллийн эсрэг үйлдлээрээ үлгэрлэе.
4 сэтгэгдэлСэтгэгдэл бичих
Hodoonii hedenhaltar hoshin shogchid harahaas durgui hurmeer tegeed chaavaas oorsdiinh n bodloor brand huvtsas omchihoor bayan gangan bolchihloo gej boddog yum bhaa lol…,
Энэ одоо юу вэ .энэ согтуу өвчтэй мэдэгдэхгүй ярианы соёл байхгүй хийж байгаа зүйл хэлж байгаа үг бага насны хүүхдүүдэд буруу замруу татах үйлдэлтэй. Өөрийгөө жоохон боловсон болгоод ирдээ
ККК кккк ККК сэтүүлч нь ч тэр Жүжигчин нь ч тэр ....янз нь гэр бүлийн харилцаа, эрэмбэ, хүмүүжил яриад байна, кккк Гэр бүлийн хүчирхийлэл ярих гээд байна уу,,,, нийтлэлийн хаяг чинь нийтийн бидний хагас мэдэх гэр бүлээс өөр гадуурх хүчирхийлэлийн асуудал шиг л байх юм...мэдээллийн ялгамжаа сайн анхаарвал яана вээ ...кккк
UURIIGUU GARGAH SAIHAN SHAANS GARAA SHAASS