Бага насны хүүхдийн хооллолт ба сэтгэл зүй

Сэтгэл зүйч Н. Ариун-Эрдэнэ: Ядарч ядарч гэртээ ороход хоол хийчихсэн байвал, эсвэл гоё хоол хараад бид цаанаасаа л баярладаг даа. Сайхан хоол нь хүний сэтгэл зүйд давхар нөлөөлж байдаг байна. Сайхан хоол идээд цадахад #Окситоцин даавар ялгардаг.

Сэтгэл зүйн зөвлөгөөнөөс ажиглаж байхад бидний хоолонд хандаж байгаа хандлага, тухайн айлын хүмүүсийн хоололт нь ялангуяа хүүхдийн хоололт, хоол дагаж эрүүл мэндийн асуудал, сэтгэл зүй нь маш асуудалтай байна.

Халуун хоол нь хүүхдийн сэтгэл зүйд нөлөөлж, хүүхдийн зан төлөвийг бүрдүүлдэг гэдгийг хэлэх нь зүйтэй байх.

Бидний амьдралд бэлэн бүтээгдэхүүн, амттаны хэрэглээ улам бүр өсөж байна. Ээжүүд ажил хийх нь ихсэж, гэртээ бага цаг зарцуулах, бэлэн бүтээгдэхүүнээр хүүхдээ хооллох, эсвэл гэртээ хоол хийхгүй байх зэрэг олон олон өөрчлөлт айл гэрт бий болсоор л.

Хоол хүүхдийн сэтгэл зүйд нөлөөлнө гэж дээр хэлсэн билээ. Хүүхэд маш тогтворгүй, анхааралгүй, ой тогтоолт багатай байх нь уураг, амин дэм, усны дутагдал байж болно. Мөн уураг, аминдэм, ус, кальци дутагдалтай байх нь хүүхэд байтугай том хүн ч асар ууртай байж болно.

Хэт хөдөлгөөнтэй хүүхэд нь чихэр, чипс, зайрмаг их иддэг байх боломжтой. Чипс их тостой байдаг тул хүүхдэд өдрийн турш цадсан мэдрэмж төрүүлэх ба дотоод эд эрхтэн шим тэжээлээ авч чадахгүй болохоор туранхай, чөргөр байдаг. Учир нь мах идэх дургүй байдаг. Мах идэхгүй хүүхэд уургаа нөхөж чаддаггүй. Тархи уургаар тэжээгддэг. Мөн цусанд чихэр их байдаг ба хордлого өндөр байдаг гэсэн үг. Чихэр их идэх тусмаа л хүүхэд маш хөдөлгөөнтэй байна.

Жишээ нь өтгөн хатдаг хүүхэд хоолны дуршил муу, мах иддэггүй, шөлтэй хоол идэхгүй мөн ээжийн хоолонд хандах хандлага нь сөрөг, сэтгэлгүй байдаг бол гурилан бүтээгдэхүүн хэт их идэх нь гэдэсний гүрвэлзэх хөдөлгөөн муу байна. Магадгүй хижээл насандаа бүдүүн нарийн гэдэс асуудалтай болно гэнэ.

Аав ээж хүүхдээ маш сайн анзаарах хэрэгтэй байна. Мөн гэрийн хоолонд хандах хандлага, хүүхдээ хэрхэн хооллох, хоолоо идэж байгаа эсэх, бид зөв хооллож байгаа эсэх гээд олон зүйлийг давхар анхаарах хэрэгтэй байна.

Хоол хүүхдийн сэтгэл зүйд давхар нөлөөлнө. Хэт өлссөн хүүхэд зүрхгүй гэж үг ч бий.

Ер нь бол элдэв амттан, лаазалсан бүтээгдэхүүн, бэлэн бүтээгдэхүүнээс илүүтэй бидний хоол, соёл ахуй, орчин нөхцөл л бидэнд илүүтэй хэрэгтэй байгааг дахин дахин хэлье. Дэлгүүр гараад тансаг бүхнийг биш хэрэгтэй, шим тэжээлтэй хоол ундаа авч, их хэмжээгээр биш бага багаар авч, авсан хоол хүнсээ хайрлан идэх хүмүүжлийг багаас нь суулгах хэрэгтэй байна.

Би хоол үлдээдэг, замбараагүй их хийгээд асгадаг, хоолыг үл хүндлэн иддэг занд дургүй. Нэг малын амь хороож байгаа бол юу ч үлдээлгүй хайрлан идэх хэрэгтэй. Бидний амин зуулга бол мал аж ахуй. Үүнд бид хүндэтгэлтэй хандах хэрэгтэй. Цамаан загнаж байгаад амны хишиг нь ар дээрээ гарна гэдэг