Хятадын эрдэмтэд өөрөө суралцдаг хүчирхэг процессорыг зохион бүтээнэ

 Хятадын ШУА явцын дунд өөрөө суралцах чадвартай “Cambrian Period” процессорыг зохион бүтээхэд зориулан 10 сая юань /1,4 сая доллар/ зарцуулна. Энэ тухай “Синьхуа” агентлаг мэдээллээ.

“Хиймэл оюун ухааны бүтэц болон алгоритмыг бий болгох зорилгоор судалгаа шинжилгээ явуулах нь гол ажил юм. Энэ нь процессорын дэлхийн зах зээл дээрх Хятадын байр суурийг бэхжүүлнэ” гэж Хятадын ШУА мэдэгджээ. Процессор нь мэдрэлийн эсүүдийн үйл ажиллагааг хуулбарллан дууриах боломжийг олгоно гэж эрдэмтэд найдаж байгаа аж. “Cambrian Period” процессор хүчин чадлаараа AlphaGo-гээс дутахгүй бөгөөд овор хэмжээгээрээ илүү авсаархан, эрчим хүчний зарцуулалт багатай” гэдгийг хөтөлбөрийн удирдагч Чэнь Юньзи онцлон дурджээ. Харин тэрбээр уг төслийг хэрэгжүүлэхэд хэдий хэрийн цаг хугацаа орохыг хэлсэнгүй. 

Google корпорацид харьяалагддаг “DeedMind” компанийн зохион бүтээсэн AlphaGo программ нь “Го” гэдэг ширээний логик тоглоомын дэлхийн хүчтэй мастеруудын нэг болох Солонгосын иргэн Ли Седолтой хийсэн анхны цуврал тоглолтуудад хожсон юм.

Энэхүү программ нь өмнө нь тоглосон өргүүддээ дүн шинжилгээ хийн мөн оролдлого болон алдаа хийх замаар өөрөө суралцдаг программ юм. Мөн уг программ нь бусад программтай тоглосон өргийнхөө 99,8 хувьд нь хожсон төдийгүй “Го” тоглоомын Европын аваргыг 5:0-ийн харьцаагаар илт илүүрхэн хожиж байжээ.

О.Барс

Эх сурвалж: Монцамэ