Монголын эдийн засгийн нэг тулгуур аялал жуулчлал байх боломжтой гэдэг. Гэвч жилдээ хагас сая жуулчнаас хэтэрдэггүй. Монгол Улс хоёр том хөршийн дунд оршдог гэдэг утгаараа ОХУ, БНХАУ-аас жилдээ сая байтугай жуулчин авах боломж бий. Харамсалтай нь Монголд ирэх хятад жуулчдын тоо сүүлийн жилүүдэд байнга буурсаар иржээ.
Жуулчдыг урин залах янз бүрийн ажил зохиож байгаа. Үүний үрээр өнгөрсөн жилээс эхлэн манайхыг зорих жуулчдын тоо 17 хувиар өссөн гэх мэдээлэл бий. Энэ дунд Хятадаас ирэх жуулчдын тоо 8 хувь өсчээ.
Хөрш гурван орны хувьд “Цайны зам” төслийн хүрээнд энэ салбарт хамтран ажиллахаар зорьж байгаа юм. Цайны зам 1728 оны үеэс эхлэн Монголын Нийслэл хүрээгээр дайран хойшоо одоогийн Хиагт хүрч байсан гэх сурвалж байдаг.
Өнөөдөр БНХАУ-аас 400 жуулчин Улаанбаатарт хөл тавилаа. Хөтөлбөрийн дагуу жуулчид Монголд тав хонох юм. Төв талбай дээр 10 гаруй автобус хөлөглөн ирсэн эдгээр жуулчин “Цайны зам” хөтөлбөрийн хүрээнд ирж байгаа юм. Энэ мэтээр долоо хоног бүр 400 жуулчин хүлээн авах зорилготой байгаа бөгөөд дараагийн ээлжийн 400 жуулчин наймдугаар сарын 3-ны өдөр ирэх аж.
Нийслэлийн Аялал жуулчхлын газрын дэд дарга Ц.Энхтүвшингээс энэ асуудлаар тодруулахад: долоо хоног бүр 400 жуулчин ирээд байвал манай аялал жуулчлалын салбар хөгжихэд томоохон дэм болно. Ялангуяа Хятадын жуулчид бол худалдан авах чадвар өндөр байдаг учир эдийн засагт үлдээх нэмэр тус ихтэй гэдгийг онцолж байв.
Тоо баримтаас харвал БНХАУ-ын 140-150 иргэн жил бүр гадагшаа жуулчилдаг аж. Үүний нэг хувь нь гэхэд л 1.4-1.5 сая жуулчин болно. За байг, бүр эдгээр жуулчдын 0,5 хувийг Монголдоо татахад л 700-800 мянга болно.
Хил залгаа хөрш орны хувьд Хятадын жуулчид олноороо ирэх боломж бий. Эндээс эдийн засагт чамгүй валют орж ирэх нь тодорхой.
М.Нэргүй
4 сэтгэгдэлСэтгэгдэл бичих
япон орос оронтой хамтарч ажиллавал дээр баймаар
Casino olniig bariad iruuleed bna daa Kamboj.
yu ch yariad bdiin ene nuhur
YANAA ENE HULHI HUN BAS IIM DARGA BSON U ARAI BISHEE ENE NOHRIIN AH DAVAANYAM GEED LUIVARCHIN BAS BDAG