Улаанбаатар хотыг 2020 он хүртэл хөгжүүлэх ерөнхий төлөвлөгөө, 2030 оны хөгжлийн чиг хандлагад нийслэлд есөн цэцэрлэгт хүрээлэн шинээр барихаар тусгасан. Эхний цэцэрлэгт хүрээлэнг Сонгинохайрхан дүүргийн XXII хорооны нутаг, 122 дугаар сургуулийн дэргэдэх "Цагдаа" толгой орчимд байгуулахаар боллоо. Тэнд ямар бүтээн байгуулалт өрнөхийг Улаанбаатар хотын Захирагчийн ажлын албаны дарга Т.Гантөмөр, Газрын албаны дарга Э.Болорчулуун, НИТХ-ын төлөөлөгч Б.Отгонсүх нар нийслэлийн ИТХ-ын дарга С.Амарсайханд танилцууллаа.
Тус толгойг тойрсон дөрвөн га газарт бүтээн байгуулалт өрнөнө. Хүүхэд, залуучуудын чөлөөт цагаа өнгөрүүлэх орчин бүрдүүлж, сагс болон хөлбөмбөгийн талбай барьж, дугуйн зам тавих гэнэ. Мөн хүүхэд, залуус, ахмад настнуудад зориулсан чийрэгжүүлэлтийн талбай хийхээр зураг төсөлд тусгажээ. Ингэхдээ орчин үеийн стандартаар гүйлтийн зам тавих юм байна. Түүнчлэн эко хавтангаар автомашины 100 зогсоол байгуулах ажээ.
Цэцэрлэгт хүрээлэнд зүлэг, мод, бут, сөөг тарьж, иж бүрэн гэрэлтүүлэг суурилуулж, тохижуулах талаар Улаанбаатар хотын Захирагчийн ажлын албаны дарга Т.Гантөмөр хэллээ.
Тус тойргоос нийслэлийн ИТХ-д сонгогдсон төлөөлөгч Б.Отгонсүх "Гэр хорооллын бүсэд хүүхэд, залууст зориулсан цэцэрлэгт хүрээлэн байхгүй. Сонгинохайрхан дүүргийн XXII хорооны орчин нөхцөл муу, өнгөрсөн онд айл өрхүүдийг цахилгаанд холбож дууссан. Гэр хороолол дахь анхны цэцэрлэгт хүрээлэнг энд байгуулах болсонд талархаж байгаа" гэсэн юм.
Нийслэлийн ИТХ-ын дарга С.Амарсайхан бүтээн байгуулалт хийх орчинтой танилцаад "Нийслэлийн хүүхэд, залуус, ахмадуудад амарч, зугаалах орчин бүрдүүлэх зайлшгүй шаардлага бий. Тиймээс дүүрэг бүрт цэцэрлэгт хүрээлэн болон ногоон байгууламж бүхий талбай байгуулахад анхаарч байгаа. Энэ хүрээнд Сонгинохайрхан дүүргийн XXII дугаар хороонд цэцэрлэгт хүрээлэн барихаар боллоо. Бүтээн байгуулалтад зарцуулах хөрөнгө, мөнгийг ирэх оны төсөвт багтаан тусгаж хэрэгжүүлэхээр төлөвлөж байна. Цаашид Нийслэлчүүдийнхээ эрүүл ая тухтай орчинд амьдрах эрхийг хангасан орчин нөхцлийг нь бүрдүүлэхийн тулд цэцэрлэгт хүрээлэн байгуулах болон бусад энэ чиглэлийн олон ажлыг хийж хэрэгжүүлэхийг зорьж байна" гэв.
Дашрамд сонирхуулахад, эл цэцэрлэгт хүрээлэнг ирэх онд ашиглалтад оруулах бөгөөд 2.1 тэрбум төгрөг зарцуулна. Үүний 500 сая төгрөгийг дэд бүтцийн ажилд зарцуулах юм.
Нийслэлийн ИТХ-ын ХМОНХТ
Хүрээ амаржих газрын удирдлага М.Мөнхсайхан, Д.Цэцгээ, жижүүр эмч, төрөх тасгийн эмч нартай хариуцлага тооцоё
ФИДИК-ийн загвар гэрээний үнэ тогтоох, ажил хүлээлцэх асуудал
“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна
“Нээлттэй –Хөвсгөл-2023” арга хэмжээ Улаанбаатарт болно
Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана
ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА
ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ
Хүүхэд хамгааллын хөтөлбөр
5 сэтгэгдэлСэтгэгдэл бичих
сайхан санал байна Ногоон нуурыг сэргээж моджуулан амралтын бүс болгох ажлыг ажлыг анхааралдаа авч хэрэгжүүлнэүү Сэлбийн хоёр талыг тохижуулан дугуй явган хүний замтай болох саналыг дэвшүүлж байна Ууланд ассан айлуудыг нүүлгэж байртай болговол, гудамжуудыг цэггцлэн шавааралдсан айлуудыгцэгцлэн халуун хүйтэн ус оруулж хаус хэлбэртэй болгох, орон сууцны гадуур барьсан олон хэрмэн хашаа,төмөр хайсуудыг буулгаж хүүхэд хөгшид амрах газар болгож моджуулах, хотын төвд нэмж байшин барихыг зогсоох зэрэг арга хэмжээ даруй авахгүй бол Улаанбаатар арлын Ма
амжилт
худлаа цэцэрлэгт хүрээлэн болгож харагдуулаад сүүлд нь өөрсдөө чимээгүйхэн шилжүүлээд авна,,тэрийгээ юу гэж нэрлэнэ гээч түрээсийн гэрээгээр гэж нэрлээд ,төр зардлыг нь даахгүй байна хувь хүнд түрээслэвгээд ,,хувчилна гэсэн үг ,,ээдээ мөнч хжцүүхэн улс төрчидөөс хэзээ сална даа,,энэ зуунд ч өнгөрлөө
нисэх спорт ордоны замын хойно цэцэрлэгтт хүрээлэн бариарай
БЗД-н алслагдсан хороонуудад ийм хүрээлэн байгуулаасай