Цамбагарав уул мөнх цаст уул бөгөөд 4195 метр өндөр. Энэ уул нь ан амьтнаар баялаг Монгол Алтайн нуруунд байдаг. Энэхүү Цамбагарав ууланд авиралт хийх болон явган аяллын хөтөлбөрийг хэрэгжүүлэхэд тохиромжтой. Урьд цагт өөлд үндэстнүүд Цамбагарав уулыг Цаст гэдэг байжээ. Нэгэн уран дархан хүн уулын өнгө байдалд нийцүүлж бурхан бүтээгээд түүнийгээ Цамбагарав хэмээн нэрлэж, Цастын өвөр Жинст уулын оройд залснаас хойш Цамбагарав хэмээн нэрийджээ. Өөлдүүд 11 багтай байсан бөгөөд баг бүхэн Цамбагарав уулаа тахидаг тахилгын овоотой байжээ. Тахилгат уулынхаа үр жимс, ургамлыг хөнддөггүй байсан бөгөөд гар хүрвэл тусгай уншлага уншин авдаг байсан уламжлал саяхныг болтол хадгалагдаж байжээ. Цамбагарав уулын бүс нутгийн 111462 га газрыг 2000 онд улсын хамгаалалтанд авчээ.
5 сэтгэгдэлСэтгэгдэл бичих
Баян Өлгий аймаг Баяннуур сумын зүүн тал УВС аймгийн Өмнө говь сумын нутгийн зааг Ховд голын зүүн талаас авсан зураг байна.Төрүүлж өсгөсөн аав ээж, ах дүү,тоглож өссөн үеийн нөхдөө санан дурсаж нутагтаа очсон мэт сайхан сэтгэгдэл төрж байна. Нутаг орон амгалан тайван, хүн олон нь сайн сайхан байх болтугай. Би Цаст хайрхан уулын энэ талд мэндэлж, тоглож наадаж өссөн.1961 оны намар Ховд аймгийн 10 жилийн сургуульд оруулахаар аав минь анх эндээс дагуулж мориор явж байлаа. Цаст хайрхан минь мөнхжин гялалзаж байх болтугай
Цаст өндөр Цамбагарав өндөр минь. сайхан байна
Цаст сайхан хайрхан мөнхжин гялалзах болтугай
Гоё хайрхан
Гоё