2019 оны 5-р сарын 6
11 цаг 30 минут

СУРВАЛЖИЛГА: Бэлгийн хүчирхийлэлд өртсөн долоон охин сэтгэл заслын эмчилгээ хийлгэж байна

Хүний эрхийн Үндэсний комиссоос гаргасан тайлан мэдээнд өнгөрсөн онд 2-7 насны 298 хүүхэд бэлгийн хүчирхийлэлд өртсөн тухай дурьдагджээ.

Энэ бол зөвхөн олон нийтэд ил болсон хэргүүдийн тоо. Гэтэл хаалттай хаалганы цаана хэчнээн бяцхан зүрх ийм шаналал амсан уйлж суугааг бид таашгүй. Хуулиндаа бага насны хүүхдийн эсрэг хүчиндэх гэмт хэрэг үйлдсэн тохиолдолд 12-20 жил хорих ял оноодог хэмээн тусгажээ. Гэвч яг энэ ялаа оноож чаддаг уу. Судалгаанаас хараад байх нь ээ хүүхэд хүчирхийлсэн этгээдүүдийн ял хөнгөдөөд байх шиг. Ялын санкцаа тултал нь оноож чадахгүй байгаа дүр зураг харагдаж байна. Харин үүний цаана гэмт хэргийн хохирогч болсон охид, тэдний ар гэрийнхнийх нь сэтгэлийн гүн шарх 20 жил болсон ч эдгэнэ гэж үү.

Ялангуяа хүчирхийллийн хохирогч болсон насанд хүрээгүй хүүхдүүд насан туршдаа сэтгэлдээ гунигтай амьдардаг.

Харвардын Их сургуулийн эрдэмтдийн хийсэн судалгаагаар, хүүхдийн хүчирхийлэл нь бие махбодь, сэтгэл санаанд хохирол учруулаад зогсохгүй хүний ДНК-д ч арилахааргүй сорви үлдээдэг болох нь нотлогджээ. Тиймээс бэлгийн хүчирхийлэлд өртөн хохирсон хүүхдүүдэд сэтгэл нөхөн сэргээх эмчилгээ хийх шаардлага зүй ёсоор тулгардаг байна.

"Хүүхдүүдийн хамгийн сайн хадгалдаг нууц бол бэлгийн хүчирхийлэл"

Гэтэл манай улсад яг энэ чиглэлээр дагнаж үйл ажиллагаа явуулдаг ганцхан байгууллага байдаг юм байна. Тэр нь өнгөрсөн онд үйл ажиллагаагаа явуулж эхэлжээ. Тиймээс бид тус төвийг зорьж, үйл ажиллагаатай нь танилцсан юм. Мөн бид энэ удаагийнхаа сурвалжлагаар дамжуулж өдөр болгон шахуу БАГА НАСНЫ ХҮҮХЭД ААВДАА, ӨВӨӨДӨӨ, АХДАА хүчиндүүлжээ гэх аймшигт мэдээ чих дэлсэж байгаа энэ цаг үед энэ чиглэлээр үйл ажиллагаа явуулдаг байгууллага ганц биш бүр олон байх ёстой гэдгийг харуулахыг зорьлоо.

-БЭЛГИЙН ХҮЧИРХИЙЛЭЛД ӨРТСӨН ДОЛООН ОХИН УРТ ХУГАЦААНЫ СЭТГЭЛ ЗАСЛЫН ЭМЧИЛГЭЭ ХИЙЛГЭЖ БАЙНА-

 Бидний зорин очсон газар бол Гэр бүл хүүхэд залуучуудын хөгжлийн газрын дэргэдэх, "Үжин" төв юм. Тус төвийн үүдээр ороход аль нэг албан байгууллагын үүдээр орж байгаа юм шиг мэдрэмж огт төрсөнгүй. Яг л шинэхэн өрх тусгайрласан залуухан айлд орж байгаа юм шиг халуун дулаан, тав тухтай мэдрэмж төрж байв. 

Биднийг тус төвийн зохицуулагч С.Буянхишиг үүднээс угтаж, төвийнхөө үйл ажиллагааг танилцууллаа. Тэрбээр, "Манай төв бэлгийн хүчирхийлэлд өртсөн хүүхдүүдэд сэтгэл заслын эмчилгээ хийж эхэлснээс хойш нийт 13 хүүхдэд үйлчилгээ үзүүлсэн. Зургаа нь эмчилгээ нь дуусаад гарсан. Өнөөдрийн байдлаар манайд 7-17 насны долоон хүүхэд урт хугацааны сэтгэл заслын эмчилгээ хийлгэж байна. Манай охидуудын гурав нь байхгүй хичээлдээ явчихсан. Дөрөв нь байна" гээд охидуудаа танилцуулсан юм.  Охидууд С.Буянхишигт яг л ээждээ эрхэлж байгаа юм шиг элгэмсэг дотноор эрхэлж, хацраа өгөн үнсүүлж байсан бөгөөд бүгдээрээ "ЭЭЖЭЭ" гэж дуудаж байв. Тэдний хамгийн бага нь болох 12 настай охин бидэнд ээждээ зориулж бичсэн шүлгээ уншиж өгсөн юм.

"Ээж"

Эх хүн гэдэг эгэл бус эмэгтэй

Эрж хайгаад олдошгүй энэ хорвоогийн амьд бурхан

Аз жаргалын тэнгэр, алсыг харах ухаантай

Аялгуу зөөлөн хоолтой, уран гартай, ухаан төгс

Уужуу бодолтой ургаж буй цэцэг юм

Хийж бүтээхдээ хэрсүү, миний л ээж, миний ганц нар билээ

Түүнийг шүлгээ уншиж байхад С.Буянхишиг "Энэ шүлгийг надад зориулж бичсэн юм. Үнэхээр хөөрхөн байгаа биз дээ манай охидууд" хэмээн хоолой зангируулан хэлсэн юм.

-АМИА ХОРЛОХ ТАЛААР ЯРЬЖ БАЙСАН ХҮҮХЭД 74 ХОНОГИЙН ЭМЧИЛГЭЭНИЙ ДАРАА ӨӨРИЙН ГЭСЭН МӨРӨӨДӨЛ ЗОРИЛГОТОЙ БОЛЖЭЭ-

"Үжин" төв гурван ээлжийн нийгмийн ажилтан, нэг зохицуулагчтай бөгөөд СЭМҮТ-ийн эмч, сэтгэл засалч болон хоёр хуульчтай гэрээгээр хамтран ажилладаг юм байна. Тэд бэлгийн хүчирхийлэлд өртсөн хүүхдүүдийг гурван сараас нэг жил хүртэл хугацаагаар байрлуулан сэтгэл зүйн зөвлөгөө, сэтгэл заслын эмчилгээ, боловсролын үйлчилгээг тасралтгүйгээр хангах сургууль, цэцэрлэгт хамруулж, цаашид эрүүл ахуйн зөв дадал хэвшилтэй, амьдрах ухааны чадвар чадамжтай болгох талаас нь анхаарч ажилладаг аж. Үүний үр дүнд анх ирэхдээ амьдрах хүсэлгүй болоод амиа хорлох сэдэлтэй болчихсон байсан хүүхдүүд өнөөдөр өөр зорилго мөрөөдөлтэй болсон гэдгийг Гэр бүл, хүүхэд, залуучуудын газрын Хууль эрх зүй, хамтын ажиллагааны газрын дарга А.Энхбаатар  онцлов.

Мөн тэрбээр, "2018 оны арваннэгдүгээр сард тус төвд ирсэн нэгэн охинд дээрх мэргэжилтнүүд эхний ээлжинд 90 хоногийн эмчилгээ шаардлагатай хэмээн үзэж байсан. Гэтэл амиа хорлох талаар ярьж байсан хүүхэд 74 хоногийн эмчилгээний дараа охин өөрийнхөө ирээдүйг сайхнаар төсөөлж, том байшин зураад тэндээ асрамж, халамжийн төв ажиллуулах хүсэлтэй байгаа, өөртэйгөө адил асуудалтай тулгарсан хүүхдүүдэд туслах ажил хийхийг хүсч байгаагаа ярьсан. Энэ бол ердөө ганцхан жишээ. Сүүлийн гурван жилийн хугацаанд энэ төрлийн гэмт хэргийн улмаас шүүхээр шийдвэрлэгдсэн тохиолдол гэхэд л 1000 гаруй байгаа. Тэр хүүхдүүдэд бүгдэд нь ийм эмчилгээ, үйлчилгээ хүрэх ёстой. Тиймээс энэ чиглэлийн үйлчилгээг өргөжүүлэх чиглэлд зорьж, энэ төрлийн гэмт хэргийн хохирогч болсон хүүхэд бүрд хүрч, чанартай эмчилгээ үйлчилгээ үзүүлэхийг зорьж байна" гэв.

-ОХИДУУД ӨӨРТ НЬ ТОХИОЛДСОН АЙМШИГТ ЯВДАЛ ӨӨР ХҮҮХДЭД БИТГИЙ ТОХИОЛДООСОЙ ГЭЖ ЧИН СЭТГЭЛЭЭСЭЭ ХҮСЧ БАЙНА ГЭВ-

Бид охидууд ярихыг хүсэхгүй байх гэж бодоод охидуудаас яриа авалгүйгээр сурвалжлагаа дуусгаад гарах гэтэл тус төвд байсан хоёр охин өөрт нь тохиолдсон аймшигт явдал дахин өөр хүүхдүүдэд битгий тохиолдоосой гэж чин сэтгэлээсээ хүсч байгаагаа илэрхийлээд, "Бид бусад хүүхдүүдэд сэрэмжлүүлэг болгох үүднээс бас бидэн шиг хохирсон хүүхдүүдэд ийм газар байдаг шүү гэдгийг хэлмээр байна. Бид нэрээ нууцлаад яриа өгч болох уу" гэсэн юм. 

17 настай охин: Хүүхдүүдээ аав, ээжээсээ юу ч битгий нуугаарай

-108 утасны дэргэдэх Түр хамгаалах байранд очоод, тэндхийн багшаас "Үжин" төвийн талаар мэдээлэл аваад ирсэн. Энд ирэх үедээ амьдрах хүсэлгүй, цаашдаа юу хийх талаар хүсэл тэмүүлэлгүй болсон байсан. "Үжин" төвд ирээд зургаан сар болж байна. Хамгийн түрүүнд эндхийн багш, ажилчдад маш их баярлалаа гэж хэлмээр байна. Миний эрхийн төлөө надад хэрэгтэй бүхнийг хийж өгч байгаа. Энэ төв шиг олон байгууллага ажиллаж, бидэн шиг, биднээс ч хүнд асуудалтай олон хүүхдийн замыг гэрэлтүүлэхийн төлөө ажиллаасай гэж хүсч байна.

Миний ирээдүй их гэгээлэг төсөөлөгдөж байгаа. Том болоод маш алдартай сэтгэл засалч болохыг хүсч байна. Сэтгэл засалч гэдэг бол хүний амийг гар дээрээ авч явдаг маш хүнд мэргэжил хэдий ч олон хүний амьдралыг эергээр өөрчилж чаддаг учраас энэ мэргэжлийг сонгосон.

Өсвөр насны хүүхдүүд аав, ээжээсээ маш их юм нуудаг. Тиймээс битгий аав, ээжээсээ юу ч битгий нуугаарай, зориглоод ярилцах гээд хичээвэл аав, ээж чинь ойлгоно гэж үе тэнгийнхэндээ хэлмээр байна. Бас эцэг, эхчүүд хүүхдүүдээ битгий хайраар дутаагаарай, хүүхдээ жоохон юм чинь юу ч ойлгохгүй гэж битгий бодоорой, заавал ярилцаарай. Хүүхдүүд та нарын бодож байгаагаас илүү ухаантай шүү. Тэднийг хайраар битгий дутаагаарай.

15 настай охин: Хэнд ч хэлж чадахгүй ганцаараа шаналаад байхаар үхэхээс өөр юм бодогддоггүй юм байна лээ

-Анх энэ төвд ирснийхээ дараа гэрээ санаад гэртээ харимаар санагддаг байсан бол одоо энд гэр маань байгаа юм шиг санагддаг болсон. Манай багш нар их мундаг. Яг л ээж шиг, эгч шиг санагддаг. Тиймээс би бидэнтэй адил асуудалд орсон хүүхдүүддээ хандаж "Битгий энэ тухайгаа нууж, ганцаараа дотроо шаналаад яваарай. Өөрийнхөө төлөө 108 руу хандаарай, "Үжин" төв дээр ирээрэй" гэж хэлмээр байна.

Хэнд ч хэлж чадахгүй ганцаараа шаналаад яваад байхаар үхэхээс өөр юм бодогддогүй юм байна лээ. Харин энд ирснээсээ хойш би өөрчлөгдсөн. Одоо би ирээдүйгээ илүү сайхнаар төсөөлж байгаа. Өмнө нь би зөвхөн үхэх тухай боддог байсан бол одоо би мундаг цагдаа болохыг хүсч байна. Цагдаа болоод нүднээс далдуур гардаг гэмт хэргүүдийг илрүүлж, эрх нь зөрчигдсөн хүүхдүүдэд тусладаг хүн болохыг хүсч байна.

Тэд эцэг эхчүүдэд хүүхэдтэйгээ ойр дотно байж, үргэлж ярилцаж байхыг аминчлан захилаа. Тиймээс эцэг эхчүүдээ, Төрсөн эцэг нь охиноо хүчирхийлдэг болсон энэ цөвүүн цагт бага насны охиддоо тавих хараа хяналтаа сайжруулж, хүүхдүүд илүү ойр дотно байж, сайн сонсож, сайн ярилцаж гэмт хэрэг үйлдэхээр санаархаж байгаа нэгний үйлдлийг нэн даруй таслан зогсоох нь хамгийн зөв арга юм шүү гэж хэлмээр байна.

Эцэст нь хэлэхэд, Өнгөрсөн онд бэлгийн хүчирхийлэлд өртсөн гэх 2-7 насны 298 хүүхдэд бүгдэд нь энэ нөхөн сэргээх эмчилгээ зайлшгүй шаардлагатай. Гэтэл өнөөдрийн байдлаар 13-хан хүүхэд энэ үйлчилгээг авсан байна. Тиймээс нэг ч гэсэн хүүхдийн ирээдүйн төлөө төр татвар төлөгчдийн мөнгийг зориулж, цаашид уг үйлчилгээний цар хүрээг улам тэлэх шаардлагатай байна гэдгийг онцолмоор байна.

3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

3 сэтгэгдэлСэтгэгдэл бичих

202.55.180.58darvin   • 2021, 2 сарын 8. 23 цаг 33 минут

hunii erhiin horoo geech yamar muu ajellaj bn be

103.14.38.137Зочин   • 2019, 5 сарын 6. 11 цаг 28 минут

2-7 нас байхдаа яахав дээ ийм жоохон юмнуудыг эмэгтэй хүн гэж хардаг эргүү пяздакууд үхээсэй

192.82.66.22хурдлаач   • 2019, 5 сарын 6. 8 цаг 42 минут

ХҮЭК Бямбадорж пялдага одоо зайлаачээ ,Ажил хийж чадах хүмүүст зайгаа тавьж өг

Шинэ мэдээ

Хоол үйлдвэрлэлээс болж хуваарьт нислэгүүд хойшлогдсон асуудалд “МИАТ ТӨХК” гүйцэтгэх захирал Б.Мөнхтамир тайлбар өгнө үү2 сар 5. 9:27“МИАТ ХХК”-ийн удирдах албан тушаалтнууд шалгагдаад эхэлсэн сургаар МАН-ын цагаан байраар даргын суудалд горилогч нар гүйдэлтэй болжээ2 сар 4. 12:08Эргэн төлөгдөхгүйгээр цугласан хагас тэрбумын орлогынхоо талаар Мобиком корпорацийн Япон эзэд болон Гүйцэтгэх захирал Кожи Курушима хариулт өгнө үү1 сар 18. 15:39Б.Энхбаяр vs Д.Амарбаясгалан1 сар 18. 11:30Соёлын сайд Ч.Номин та ДБЭТ-ын ерөнхий балетмейстер Д.Дашлхагвыг хамгаалж ажлуулсаар байх уу?2023, 12 сар 22. 16:13Мисс Бямбасүрэн “Miss Asian Awards 2023” тэмцээнд дэд байр эзэллээ2023, 12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо2023, 12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал2023, 11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн2023, 11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана2023, 11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна2023, 10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй2023, 10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ2023, 10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна2023, 10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо2023, 10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна2023, 10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг2023, 10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!2023, 9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд2023, 9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн2023, 9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна2023, 9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно2023, 9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана2023, 9 сар 17. 16:28Зул бөхөхийнхөө өмнө бадамладаг!2023, 9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА2023, 9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ2023, 9 сар 5. 16:28Хүүхэд хамгааллын хөтөлбөр2023, 8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ2023, 8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ2023, 8 сар 29. 11:23ХИЧЭЭЛ ЭХЭЛЛЭЭ АРГА ХЭМЖЭЭ ҮРГЭЛЖИЛЖ БАЙНА2023, 8 сар 26. 16:50
© 2008 - 2024 он. Зохиогчийн эрх хуулиар хамгаалагдсан.