Маршал К.К.Рокоссовский бол Эх орны дайнд тодорсон авъяас билэг төгөлдөр эр зоригт гайхамшигт сурган хүмүүжүүлэгч жанжин байсан . Константин Константинович Рокоссовский 1896 оны 12 -р сарын 8 хуучин тоолоор (20)-нд Великие Луки хотод төрсөн. Маршал Рокоссовский бол орос эхтэй , эх нь 1911 онд нас барсан , польш аавтай, эцэг нь төмөр замчин машинист хүн байсан байдаг , Тэр Дэлхийн 1-р дайн эхлэх үед 1914 оны 8 -р сараас 1917 -р сард 12 сард Хаант Оросын Каргополийн драгуны хороонд цэргийн алба хааж байгаад 1917 оны 12 -р сард Улаан Армийн эгнээнд орж 1918 оноос Уралын морьт 1 -р хорооны сумангийн захирагч , 1919 оны 6 -р сард Уралын морьт 2 -р дивизионы захирагч болж дэвшжээ . Рокоссовский 1919 онд Улаан тугийн одонгоор анхлан шагнагдаж байсан бол 1921 онд хоёр дахь удаагаа бас шагнуулж байсан байна . Тэр 1920 оны 1 -р сараас морьт хорооны захирагч болж 1921 онд Монголын нутагт цагаатныг дарах цэргийн ажиллагаанд оролцож байжээ . 1922- 1929 онд Өвөр байгал дахь Кубаны 5-р тусгай бригад командалж байх үедээ 1926-1928 онд Монгол улсын 1-р морьт дивизийн сургагч хийж ажилласан байдаг . Ингээд 1929 оны 11 сард Дорнод-Хятадын төмөр замд гарсан мөргөлдөөнд Хятадын цэргийн бут цохиход гарамгай гавьяа байгуулж улаан тугийн одонгоор 3 дахь удаагаа шагнуулав. 1930 - 1935 онд морьт дивизийн захирагч 1936 оноос морьт корпусын захирагчаар ажилав.
Гэвч ирээдүйн маршалын польш удам угсаа нь 1937 оны их хэлмэгдүүлэлтийн жилд Рокоссовскийг польшийн тагнуул, ардын дайсан хэмээн баривчилах хангалттай шалтгаан болж 1940 оныг хүртэл Ленинградын шоронд 3 жил хоригдоод цагаадаж хошууч генерал цолтой Рокоссовский механикжуулсан корпусын захирагчийн хувиар 1941 онд дайныг угтжээ . Дайны эхний өдрөөс л Баруун-Өмнөд фронтод байлдаж барьц алдалгүй, нөхцөл байдлыг хяналтдаа авч чаддаг байсан учир хурдан дэвшиж 16-р армийн командлагч болж Москвагийн дэргэд тулалдаж тулаанд шархдан эмнэлгээс гараад 1942 оны 7 -р сарын 14 -нд Брянскийн фронтын командлагч , 10 -р сарын 1 -нд Донын фронтын командлагчаар Сталинрадын дэргэд их тулалдаанд оролцож германы 6 дугаар армийн командлагч, генерал-фельдмаршал Фридрихфон Паульс армийг буулгаж авсан байна . Үүний дараа 1943 онд Төвийн фронтын командлагчаар Курскийн цүлхэнд дэхь тулалдаанд Германы армийн цохилтын чиглэлд нь гүн цуваа хориглолт байгуулан тамирдуулж, давшилтын районд цэргээ хуралдуулж байхад нь артилерийн галын цохилтыг урьдчилан өгөх үүргээ нэр төртэй гүйцэтгэжээ. Түүний жанжины авъяас чадвар хурц тод илрэн гарсан байлдааны операци нь Белоруссийг чөлөөлөх “Багратион” ажиллагаа байлаа. Тухайн үеийнхээ бүх цэргийн онолтой зөрчилдсөн, нэг бус хоёр чиглэлд гол цохилт өгөх К.К.Рокоссовскийн санааг байлдааны төлөвлөгөөг боловсруулахад оролцсон бүх генералууд Жуков, Васильевский нар ч эсэргүүцэж байв.
Гэвч Константин Константинович өөрийнхөө байр сууринд бат зогсож байсан тул “Багратион” төлөвлөгөөг гурван удаа буцаасны дараа Рокоссовскийн саналыг Дээд Ерөнхий Командлагч хүлээн авч цохилтыг хоёр чиглэлд хийхээр болов. Уг ажиллагаа Эх орны дайны хамгийн амжилттай хэрэгжсэн цэргийн ажиллагааны нэг байсан ба хоёр чиглэлд цохилт өгөх санаа ямар том санаа байсныг ухаарсан Сталин 1944 оны 06 дугаар сарын 29-нд армийн генерал К.К. Рокоссовскийд ЗХУ-ын маршалын одыг гардуулсан бол үүнээс сарын дараа 1944 оны 7 дугаар сарын 30-нд түүнд ЗХУ-ын баатрын анхны Алтан таван хошууг нь зүүж өгсөн юм. Зөвлөлтийн арми “Багратион” ажиллагааны үр дүнд германы 105 мянган цэргийг олзлон авсан нь Сталинградад олзлогдсон цэргээс даруй 15 мянган хүнээр их байлаа. Москвагийн гудамжаар германы олзлогдсон цэргүүдийг жагсаалаар явуулах Сталины тушаалыг биелүүлсний дараа дэлхий дахин энэ ялалтад итгэсэн юм.“Багратион” ажиллагааны дараагаас Сталин Рокоссовскийд үлэмж хүндэтгэлтэй ханддаг болсон бөгөөд түүнийг Константин Константинович хэмээн бүтэн овог нэрээр нь дуудах болов. Урьд өмнө Сталин зөвхөн маршал Шапошниковыг л ингэж овог нэрээр нь дуудан хүндэтгэн харьцдаг байжээ. И.В.Сталин улс төрийн холын хараатай удирдагч хүний хувьд заримдаа хайртай жанжинаа өөрийн эрхгүй гомдооход хүрдэг байлаа. Ийм явдал Сталин, Рокоссовский хоёрын дунд 1944 онд болсон гэдэг. Белоруссын 1 дүгээр фронтын командлагч Рокоссовскийд Сталин өөрөө утасдан, түүнийг Белоруссын 2 дугаар фронтын командлагчаар томилж, түүний оронд Г.К.Жуковыг тавьж байгаагаа мэдэгдсэн байна.
Польшийн цагаачлалын засгийн газар Лондонд үйл ажиллагаагаа явуулж, зөвлөлтийн талтай зөвшилцөлгүйгээр Варшавт бослого эхлэн, польшууд өөрөө өөрсдийгөө чөлөөлөхийг хүссэн нь Сталин Польшийг чөлөөлөх үүргийг Рокоссовскийд, өөрөөр хэлбэл польш хүнд даалгах бололцоогүй болгосон байна. Польшийг чөлөөлөх, Берлинийг эзлэх операцуудыг Орос жанжинд даалгах нь зөв гэж Сталин үзсэн , ийм ч учраас Берлины операцийг Белоруссын 1 дүгээр фронтын /Хуучин К.К.Рокоссовскийн командалж байсан фронт/ командлагч Г.К.Жуков, Украйны 1 дүгээр фронтын командлагч И.С.Конев нарт даалгаж , харин Рокоссовский 1945 оны 1 -р сараас 3 -р сард Дорнод-Прусс, Дорнод-Помераны операцийн фронтын цэргийг удирджээ .Рокоссовскийд Польшийг чөлөөлөх, Берлиныг эзлэх хувь улс төрийн шалтгаанаар олдоогүй ч Сталин чухамхүү түүнд л 1945 оны 6 дугаар сарын 24-ны Ялалтын парадыг командлах нэр хүндтэй үүргийг ноогдуулсан билээ. Энэ нь Сталины зүгээс К.К.Рокоссовскийн жанжины авъяас чадварыг зүй ёсоор үнэлсэн үнэлгээ төдийгүй, Зөвлөлтийн жанждын дотор түүний эзлэх байр суурийг зааж өгсөн үйлдэл байсан гэж үзэж болно. Г.К.Жуков парадыг хүлээн авсан юм.
Маршал К.К.Рокоссовский доод тушаалын хүмүүстэйгээ чин сэтгэлээсээ харьцдаг тэдний зөв санал санаачлагыг хөхүүлэн дэмждэг байсан нь бусад жанждаас хамгийн их ялгардаг чанар гэгддэг байжээ .
13 сэтгэгдэлСэтгэгдэл бичих
Ene bol delhiin ard tumniig fashizmin darlalaas chuluulsen Orosin baatarlag ard tumnii ih yalaltiin parad bailaa.Gaihamshitai humus,gaihamshigtai abiyaslag janjnuud baijdee.Getel odoo tuuhiig martuulah gej,Staliniig het harluulah gej oroldoh bolj!Fashizm Oros orniig dotroos zadalah bodlogo yabuulj baisan gej olon tuuhen kinod gardag shuu!
ТОМ ТОЛГОЙТОЙ ХҮҮХЭД ШИГ ЮМ БОДОХО БОЛЬ ӨНӨӨГИЙН 1,5 САЯ КМ ТАЛБАЙДАА ЭЗЭНИЙГ ЁСООР ХАНД БААХАН ТОЛГОЙНУУД ГАДНЫХ
Маш хүнлэг хүн гэж жирийн цэргүүдийн дунд алдаршсан маршал гэж уншиж байсан
Сталин мундаг түүний билэгт жанжнууд , орсын ардууд мундаг ! Гэхдээ бидний дээдэс үлээсэн эх нутгаас их дээрэмдсэнийг үеийн үед бүү март !!! Мандах буурдагийн жам бидэнд тохиох үе ирнэ!
Оросууд ухарч байхдаа Ялах тактикаа боловсруулж байдаг Ард түмэн.
Рокосовскийн тухай маршал Васелевскийн болон маршал Буденный нь номноос бага насандаа уншиж сэтгэл догдолж тэр номыг хэчнээн удаа ч уншсанаа мэдэхгүй,Одоо хүртэл би санаж байдаг, байлдааны өндөр ур чадвартай анги нэтгэлүүлдийг генериал Рокосовский гээл, Би тэр номноос амьдралд хандах хандлагынхаа тодорхой хэсгийг олж авсан, Ур чадвар тэсвэр тэвчээр бол орос цэрэг оросын ард түмний мөн чанар боловуу
Оросын агуу ард түмэнд ялалтын баярын мэнд хүргэе
aguu atd tymen !!!baatruud !!!
агуу командлагч
Оросын алдарт жанжинуудын нэг дээ, энэ хүн. Оросууд л Монголыг Японоос аварсан түүхтэйг хүн бүр мэддэг байх хэрэгтэй шүү дээ ээ.
Жуков, Конев, Рокоссовский Берлиныг чөлөөлсөн 3 жанжин. Эхний хоер нь Монгол улсын баатар. 3-уулаа Монголын түүхэнд нэрээ үлдээсэн хүмүүс. Харин Рокоссовскийд шагнал өгсөнгүй. Нэхэн олгох л хэрэгтэй. Ерөнхийлөгчөө.
Ok.
АНУ, Англи, Герман, Япон зэрэг колончлогч орнуудаас Монгол орныг минь аварсан Оросын агуу их ард түмэнд гүнээ хүндэтгэн ёслоё