Нийслэлийн Засаг даргын зөвлөлийн ээлжит хуралдаан өнөөдөр болж, Улаанбаатар хотын 2040 он хүртэлх хөгжлийн ерөнхий төлөвлөгөөний концепцын тухай хэлэлцлээ. Хөгжлийн ерөнхий төлөвлөгөөний концепцын талаар Улаанбаатар хотын Ерөнхий архитектор болоод нийслэлийн Хот байгуулалт, хөгжлийн газрынхан танилцуулга хийв.
Улаанбаатар хотыг хөгжүүлэх шинжлэх ухааны үндэслэлтэй, урт хугацааны анхдугаар хөгжлийн ерөнхий төлөвлөгөөг 1954 онд ЗХУ-ын Москва хотын “Гипрогор” институт хийж гүйцэтгэж байжээ. Үүнээс хойш тус институт 1961, 1976, 1986 онуудад дөрвөн удаагийн хөгжлийн ерөнхий төлөвлөгөөг боловсруулсан байна. Монгол Улс зах зээлийн эдийн засгийн харилцаанд шилжсэнээс хойш Улаанбаатар хотыг 2000-2020 он хүртэл хөгжүүлэх тав дахь удаагийн ерөнхий төлөвлөгөөг манай архитектор, инженерүүд боловсруулж, Засгийн газрын 2003 оны 28 дугаар тогтоолоор батлуулсан. Улмаар тус ерөнхий төлөвлөгөөг хэрэгжүүлэх явцад нийслэлийн хүн ам, эдийн засаг, газрын харилцаанд томоохон өөрчлөлтүүд гарсны улмаас тодотгол хийх шаардлага бий болж “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хөгжлийн чиг хандлага”-ын баримт бичгийг боловсруулж Монгол Улсын Их Хурлын 2013 оны 23 дугаар тогтоолоор батлуулан мөрдөж буй.
Дээрх хөгжлийн ерөнхий төлөвлөгөөний хэрэгжилтийн хугацаа дуусаж байгаатай холбогдуулан холбогдох хууль тогтоомжид заасны дагуу дараагийн хөгжлийн ерөнхий төлөвлөгөө буюу зургаа дахь төлөвлөгөөг өдгөө боловсруулж байна. Улаанбаатар хотын 2040 он хүртэлх хөгжлийн ерөнхий төлөвлөгөөг “Үнэлгээ дүгнэлт, суурь судалгаа”, “Концепц”, “Ерөнхий төлөвлөгөө” гэсэн гэсэн үндсэн гурван үе шаттай хийхээр төлөвлөж ажлын хэсэг гарчээ. Өнөөдрийн зөвлөлийн хурлаар уг төлөвлөгөөг нарийвчлан хэлэлцээд, зарим үйл ажиллагааны төлөвлөгөөг хасах, уялдаа холбоогоор нь нэгтгэх, үргүй зардлыг танах, орхигдсон зарим бүтээлч ажлыг нэмээд, дахин хурлаар оруулж эцэслэхээр тогтов.
“Ерөнхий төлөвлөгөө гэдэг бол Улаанбаатар хотын амин сүнс учраас маш нухацтай хандаж, нарийн судалгаа тооцоотой эргээд гарах үр дүнтэй ажлууд хийгдэх ёстой. Өнгөрсөн хугацаанд хийж хэрэгжүүлсэн, баталсан ерөнхий төлөвлөгөөнүүдээс хийгдээгүй орхигдсон ажлуудад нь хариуцлага тооцдог байх хэрэгтэй. Хот өөрөө цогцоороо хөгжих эдийн засгийн чадамжтай, байгаль орчны нөөцөө зөв зохистой ашигладаг, эдийн засгийн тогтвортой эрх зүйн орчинд тулгуурлан хөгжих ёстойг ажлын хэсэг сайн анхаарч, төлөвлөгөөндөө тусгаарай” хэмээн хотын Захирагч С.Амарсайхан санууллаа.
Нийслэлийн ЗДТГ-ын Хэвлэл мэдээлэлтэй харилцах хэлтэс
7 сэтгэгдэлСэтгэгдэл бичих
зуун айлийн замийг засаж барилгын захыг нүүлгэнэ яасан, хятадууд мөнгөөр зодоод болохгүй байна уу
Амин сүнсээ ягштал биелүүлэх хэрэгтэй, дараагийн дарга гарч ирээд өөрчилдөг, дунд шатны дага нар болохгүй газар зөвшөөрөл өгдөгөө бодох хэрэгтэй.Бид Азийн улс, хүний хөгжлийн хувьд 100-гаад улсын ард, хөгжилтөй улсуудын хүнтэй харьцуулбал иргэншиж, соёлжиж, суурьшиж арай чадаагүй байгааг бодох хэрэгтэй.
balai tolovlogoo gargahiin horongo mongo ureed mahni une tengert tullaa togrogiin hansh unchihlaa bodoj bga yum bnu . mahnii une 15000 bolchihoor 500 myangiin tsalingaar yaj amidrah ve tsalingaa 5 saya avdag bolohod anhaar
za ter sur duuliantai tölövlögöönd ni ger horoololuu tatah bohir,tseveriin shugam,avto zamiin daguu us zailuulah shugam hooloi bagtav uu....tösöv baihgui gevel hiinee geed avsan Batuul tuunii huugees garguulaad hiine uu hotiin mer guai
sunuj buy hot balgadiin hetiin 20 jiliig yarij balaglaj suuhaar niislelee nuulgeh talaar bodoj suuwal
Ямарч бсн баяр хүргье. Өмнөх алдаагаа давтаж болохгүй..! Хотын төвөөртдүүрэн ихидээд сургуулиа нүүлгэвэл учир гээч нь бнаа бна. Ядаж иоээдүйн боловсон хүчэн нь бага архидалт явагана. Учиринь гадуур дүүрэн баар сав архидалт ийм хот ч байхгүй бхоо. Архины хуулиа чангалах хэрэгтэй. Явган замаа чанартай схн хийдэг болох .
Ерөнхий төлөвлөгөөг ч ингэж мэргэжлийн бус дарга нэртэй хэдэн хүн тойрч суугаад хийдэг, өөрчилдөг бичиг баримт биш л юмсан. Болсон болоогүй мөрдөж ирсэн олон жилийн цаас, зурган дээр бүхэл бүтэн институт ажиллаж байж хийнэ, танилцуулж санал авах байсан ч зөвлөлийн хурал дээр хийдэггүй байхаа, юм бүр хялбар ч болсон юм шиг, бүгд юм мэддэгч болсон юм шиг...