Нийслэлийн хойморт нэгэн сайхан бүтээн байгуулалт хийгдэж байна. Чингэлтэй хайрхан уулын хажуу бэлд Дээд салхитад соёл, спорт, амралт, аялал жуулчлалын том цогболбор баригдаад бараг дуусах тийшээ ханджээ. Гэхдээ төлөвлөсөн өөр хэд хэдэн байгууламжийн ажил ирэх жил үргэлжилнэ.
Үүх түүхээс харвал Богд хаан энэ уулнаас эмийнхээ ургамлыг түүдэг байсан бөгөөд Чингэлтэй хайрхан уулыг эрдэм номын авшигтай гэдэг. Тийм болохоор энэхүү цогцолбороо “Эрдмийн цэцэрлэгт хүрээлэн” гэж нэрлэжээ.
Чингэлтэй дүүрэг Чингэлтэй хайрхан болон салбар уулсыг нь орон нутгийн тусгай хамгаалалтад авсан гэдгээрээ онцлог. Мөн 10-аад жилийн тэртээгээс нүцгэн уулаа ойжуулж энэ хугацаанд 40 мянга гаруй мод тарьсан нь эдүгээ сайхан ургажээ. Энэ бүхэн энэхүү цогцолборыг байгуулах холын санааны эхлэл байжээ. УИХ-ын гишүүн Д.Ганболд анхлан санаачилж шаардлагатай хөрөнгө санхүүг улсын төсөвт суулгаснаар бодит ажил болж хэрэгжиж байгаа нь энэ. Гэхдээ энэ бүтээн байгуулалтад зөвхөн улсын гэлтгүй нийслэл, дүүрэг ч төсвөөсөө нэмэрлэж, аж ахуйн нэгж, хувь хүмүүсийн дэмжлэг туслалцаа, хүчин зүтгэл их байсныг дурдана билээ. Ямартай ч ийнхүү тал талаасаа эрвийх дэрвийхээрээ хөдөлсний хүчинд ийм сайхан цогцолбортой болж байна. Чингэлтэйчүүдээсээ нийслэлийнхэнд, бүр монголчууддаа барьж байгаа бэлэг хэмээвэл илүү зохимжтой юм шиг санагдлаа.
Уулын хажуу бэлийг ашиглаж энэ бүх бүтээн байгуулалтыг хийсэн бөгөөд хойшоо лагерь чиглэсэн төв замаасаа 2 зм зайтай юм байна. Энэхүү цогцолборт хүрэх засмал зам шинээр тавьжээ. Наймдугаар сард энэ цогцолборын нэг хэсэг 1000 хүний суудалтай Эрдмийн задгай театрийг нээсэн. Үргэлжлүүлээд олон улсын жишигт нийцсэн хөнгөн атлетик болон хөл бөмбөгийн талбай, доохно бэлд сагсан бөмбөг, софт теннисний талбай ашиглалтад оржээ. Цаашид энд цанын бааз байгуулах бөгөөд хоккей, уран гулгалт, тэшүүрийн өвлийн мөсөн ордон баригдах юм. Мөн цөөрөм, ногоон байгууламж бүхий амралтын тоглоомын талбай, үйлчилгээний цогцолбор бий болно.
Сагсан бөмбөг, софт теннисний талбайн нээлтийг тохиолдуулан Чингэлтэй дүүргийн 12 сургуулийн ахлах ангийнхны дунд 3х3 сагсан бөмбөгийн аварга шалгаруулах тэмцээнийг зохион байгуулсан. Тэмцээнд сургууль бүрээс эрэгтэй, эмэгтэй 6 баг оролцсон бөгөөд цаашид үүнийг уламжлал болгож, түрүүлсэн багт “Тусгаар тогтнол” цом гардуулж байх юм. Энэ тэмцээн ирэх жилээс дүүргийн бус нийслэл, улсын хэмжээнийх болж өргөжих бололтой.
Чингэлтэй дүүрэг өсвөр үеийнхний биеийн тамир спортыг их дэмждэг. Энэ дэмжлэг талаар болсонгүй. Саяхан болсон Монголын хүүхдийн спортын 4 дүгээр их наадамд тус дүүргийн 2700 хүүхэд оролцож багийн нийт дүнгээрээ улсад 3 дугаар байрт шалгарсан сайхан амжилт үзүүлжээ.
Эрдмийн цэцэрлэгт хүрээлэнгийн энэ цогцолбор улсын чанартай төдийгүй олон улсын тэмцээнийг зохион байгуулах бүрэн боломжтой бөгөөд хөнгөн атлетикийн талбай, гүйлтийн зам, сагсан бөмбөг, хөл бөмбөг, софт теннисний талбай гэхэд бүгд зориулалтын зөөлөвч бүхий өнгөлөг хучлага дэвсгэртэй юм билээ. Дээр нь гуталтай явахаас ч бэргэмээр.
Талбайн нээлт болон “Тусгаар тогтнол-2019” цомын анхны тэмцээний үеэр Чингэлтэй дүүргийн Засаг дарга Ж.Эрдэнэбаттай ярилцав.
-Сайхан цогцолбор байгуулжээ. Баяр хүргье.
-Баярлалаа. Энэ бүтээн байгуулалтын санааг анх УИХ-ын гишүүн Д.Ганболд гаргаж, өнгөрөгч зунаас ажлаа эхлүүлээд байна. Гэхдээ цогцолбор бүрэн ашиглалтад орох болоогүй. Одоо хэд хэдэн бүтээн байгуулалт хийгдэнэ.
-Нэгэнт ийм сайхан цогцолбортой болж байгаа юм чинь, цаашдаа жилийн дөрвөн улирлын турш л ажиллах байх.
-Түм түжигнэж, бум бужигнасан газар байгаасай гэж хүсч байна. Энэ цогцолбор зөвхөн 170 мянган хүн амтай Чингэлтэй дүүргийнхэн төдийгүй Улаанбаатарчуудын амралт чөлөө цагаа ая тухтай агаар салхинд спортлог өнгөрүүлэх газар нэгээр нэмэгдэж байна гэсэн үг. Ингэхдээ хотоосоо холгүй, сайхан засмал замтай, олон улсын стандартад нийцсэн талбай тоног төхөөрөмжтэй гээд илүү давуу боломж энд байна.
-Нийтийн тээвэр явах уу?
-Салхитын амны гэр хороолол нэлээд дээшээ өгссөн. Тэгээд ч засмал замтай болсон учраас нийтийн тээвэр зорчих асуудал яригдаж байгаа. Манай энэ цогцолбор төв замаасаа 2 км зайтай.
-Нэгэнт бүтээн байгуулалт ярьсных. Энэ жил танай дүүрэгт ямар томоохон бүтээн байгуулалт хийгдэж байна вэ?
-Чингэлтэй дүүргийн 10 дугаар хороо буюу Дэнжийн мянгад спорт цогцолбор баригдаж хэзээ мөдгүй ашиглалтад орох гэж байна. Мөн 17 сургуулийн ар буюу Хайлаастын уулзварт Эмчилгээ оношлогооны 7 давхар төвийн барилгын ажил эхлээд явж байгаа.
-Сургууль, цэцэрлэгийн хүрэлцээ хэр байгаа вэ?
-Дүүргийн хэмжээнд нийт дүнгээрээ 24 сургууль цэцэрлэгийн баилгын ажил явж байна. Үүнээс энэ онд ашиглалтад орох 14 сургууль цэцэрлэг байгаа. Та нар сая замдаа харсан байх. Салхитын замын хажууд хашаа татаад газар шорооны ажил явж байсныг. Тэнд гэхэд бага сургуулийн барилгын ажил шинээр эхэлж байна.
Г.Хантулга
21 сэтгэгдэлСэтгэгдэл бичих
Ганболд гишүүн засаг дарга Эрдэнэбат Чингэлтэйчүүддээ баярлалаа. Манай дүүрэг үлгэр жишээ шүү. Та нарын ярьдагаар оркууд цөөхөн ядуус багатай хөгжлийн том тохироотой дүүрэг. Чингэлтэйгээрэй бахархаж явдаг.
МОНГОЛ ХVНИЙ САЙН САЙХАН БVТЭЭН БАЙГУУЛАЛТ САЙХАН ХАРАГДАЖ БАЙНА .Монголынхоо нутагт терсен бvх хvнийг Монголынхоо телее зvтгэдэгт хэзээч итгэл дvvрэн байдаг хvн болгон чадлынхаа хирээр сайн бvтээгч байхыг сайхан хеделмер харуулж байгаад талархалаа
tasarchihsan yumaa
Оркууд нь очоод бузарлаж дуусах вий дээ.
харинтийн
Ug n ene Salhitiin am bituu nogoon oitoi baisan, modiig n yu ch gui bolgood oroi deer n yum baiguuljee, tiim ch ih taalagdahgui bgaa, dogshin uul shuu
Их бага тахилга хийж хайрханаа үргэлж арагдаж байдаг шүү
Хүний хүчин зүйлээс болж модгүй болсон байсныг дүүрэг иргэдтэйгээ хамтраад олон жилийн өмнөөс мод тарьж арчилж байгаа, тэрнээс биш байсан модыг нь огтлоод бүтээн байгуулалт хийх мунхаг ухаантан байхгүй болой
Saihan yum bna eruul agaart huuhed burch shn togloj hicheelleed 👍👏🏽👍
Сэтгэлтэй юм хийж.
ocnij vzsen saixan byteen baiguulalt amjilt
Байнгын харуул хамгаалалттай болгохгүй бол нөгөө эмзэг бүлгийн хүнд гарууд төмрийг эвдэж зөөгөөд 2 догч түүхий эдэд тушаагаад архи уучихна даа.
ene dyyreg chin estoi zov ajillaj ehelj baigaa um baina
sain baina zaash ni telj hogoojuulah mod taih , suuh amrah tav tuhtai olon um hiih heregtei amjilt hysie
сайн байна баяр хүргэе.Ингээд хийгээд байвал нэг л өдөр нөгөө гайхшруулаад байдаг гадаадынхан шиг бүх орчин эмх цэгцтэй цэвэр сайхан хүүхэд залуучуудын очих дуртай газар болно.Баярлалаа
bolj bna sh dee ug ni ingj ajillax yostoi duurgiin zasag manuuxainuudaa suralts oorsdoo bodoj chadaxgui bol tuunees xuulbarla sertsgee manuuxainuudaa
Гоё бүтээн байгуулалт хийж буй Чингэлтэйчүүддээ амжилт хүсье.
tsetserlegt hureelen bish bieiin tamiriin tsogtsolbor bna shvde onowchtoi ner hayagtai baih hergtei
Цогцолбор учраас ерөнхий нэршлийг эрдэмтдийн зөвлөлтэй ярилцаж бгд өгсөн боловуу олон жилийн хөдөлмөрөөр маш их мод тарьж арчилж байгаа, мөн Хайрхан хөгжлийн төв, задгай театр гэх мт үе шаттай хийгдсэн ажлууд их бий
Чингэлтэйчүүд маань мундаг байна шүү. Амжилт хүсье
Ямар гоё юм бэ