2019 оны 10-р сарын 9
13 цаг 25 минут

Технологийн мэдлэгтэй залуучуудыг ажилд авах хэрэгцээ өндөр байна

  • Чухам яагаад мэдээллийн технологийн буюу програм хөгжүүлэх институт байгуулахаар шийдсэн юм бэ?

Сүүлийн жилүүдэд мэдээллийн технологийн салбарт томоохон хувьсгалууд гарч байгааг дурдах нь зүйтэй болов уу. Монголд ч гэлтгүй дэлхийн маш олон орнуудад мэдээллийн технологийн чиглэлээр ажилд авах хэрэгцээ өдрөөс өдөрт нэмэгдэж байна.

Монгол улсын хувьд мэдээлэл технологийн салбарт ажиллах хүчний хомстол бий болсон энэ нь үндсэн хоёр шалтгаанаас үүдэлтэй гэж харж байгаа. Үүнд чадварлаг боловсон хүчин маань гадаад улсын компаниудад ажиллахаар явсан нөгөөтээгүүр мэдээллийн технологийн чиглэлээр суралцан төгсөж буй мэргэжилтнүүдийн тоо хэмжээ цөөн байгаатай холбоотой. Иймд мэдээллийн технологид суурилсан институт байгуулах нь цаг үеээ олсон зүйл гэж бодож байна.

  • IO гэдэг нэршилээ тайлбарлана уу? Юу гэсэн үгийн товчлол вэ?

IO гэдэг нь Input буюу орц, Output буюу гарц гэсэн үгийн товчлол юм. Ерөнхий дүр зургаар харвал програм гэдэг нь ямар нэгэн мэдээлэл дамжин ороод боловсруулагдаад гарахдаа хүнд ямар нэгэн байдлаар хэрэгцээт мэдээлэл болон хувирна гэсэн утгаар ойлгож болно. Мөн аливаа бизнес болоод үйл ажиллагаа энэ зарчим дээр явагддаг. Энэ утгаараа манай институтэд анх програм бичих чадваргүй суралцагч хамрагдаад энэ тухайд тодорхой мэдлэг, чадвартай болж бэлтгэгдэнэ гэсэн утга санааг билэгдэж энэ нэрийг өгсөн.

  • Хамтран ажилладаг байгууллагуудаа бидэнд танилцуулаач?

Хамтын ажиллагааны хүрээнд хамгийн том түнш маань мэдээж Санхүү эдийн засгийн их сургууль байна. Cуралцагчиддаа академик орчинд суралцуулах мөн чанартай мэдлэг, чадвар олгоход СЭЗДС маш томхон оролцоотой байгаа. Институтэд маань хичээллэж байгаа бүхий л хичээлүүд кредит цагийн системээр тооцогдох тул төгсөгчид маань Санхүү эдийн засгийн их сургуульд дэвшин суралцах боломжтой. Мөн тус сургалтыг Тайваны Азийн их сургуулийн албан ёсны хөтөлбөрөөр хичээллүүлж дэлхийн жишигт нийцэхүйц боловсролыг олгох юм.

Одоогоор дотоодын технологи суурьтай компаниуд болох UbCab, Mongol iD, Bloomberg TV Mongolia мөн Ард санхүүгийн нэгдэл, Нэткапитал зэрэг байгууллагуудтай хамтын ажиллагааны хүрээнд төгсөгчдөө ажиллуулахаар гэрээ хийгдэж байна.

Нэмж хэлэхэд Нийслэлийн шинжлэх ухаан, үйлдвэрлэл, инновацын газраас санаачилж буй 10K буюу арван мянган програмист бэлтгэж гаргах зорилготой төслийн хүрээнд манай байгууллагатай хамтарч ажиллахаар болсныг тэмдэглэх нь зүйтэй.

  • Сургалтын үндсэн чиглэл, зорилт юу вэ?

Мэдээлэл технологийн чадварлаг мэргэжилтнүүдийг бэлтгэж зах зээлд нийлүүлэх, одоогоор ажил эрхэлж байгаа залуучуудад давхар мэргэжил эзэмшүүлэх зорилт дэвшүүлэн ажиллаж байна.

Олон тооны чадварлаг технологийн мэрэгжилтэн бэлтгэснээр гадаад улсаас ирэх захиалгат ажлыг гүйцэтгэх чадвартай олон тооны багуудыг бүрдүүлэх боломжтой юм. Ингэснээр Монгол улсдаа ажлангаа захиалагч оронд ажилласан мэт өгөөж, цалин, үр шимийг хүртэх боложмтой болно гэж харж байна.

Үүнээс гадна институт маань бизнес болоод бусад секторт тулгамдаж буй асуудлыг технологид суурилсан байдлаар шийдвэрлэх ухаалаг шийдэл олоход чиглэх юм.

  • Жилийн дотор ямар түвшний програм хөгжүүлэгчийг бэлтгэх вэ?

Мэдээж програмын суурь ойлголтуудыг хангалттай ойлгох түвшний технологид суурилсан төсөл хөтөлбөрүүдэд ажиллах боломжтой мэргэжилтэнг бэлтгэн гаргах зорилготой байна. Төгсөгчид маань гар утас болон веб-д суурилсан, суурь програм хангамжийг бичих чадвар бүхий мэргэжилтэн болж төгсөнө.

  • Элсэлтээ хэзээнээс авч эхлэх вэ?

Одоогоор нэг жилийн эрчимжүүлсэн сургалтандаа элсэлт аваад эхэлсэн байгаа.  Програм хангамжаар суралцах, мэргэших сонирхолтой бүхий л насны хүнд зориулсан, мэргэшсэн програм хангамжийн хөгжүүлэгч бэлтгэх зорилготой тус хөтөлбөр нь уламжлалт дөрвөн жилийн хөтөлбөрийг ганцхан жилд багтаан олгодогоороо онцлогтой.

  • Бусад сургалтаас ялгарах давуу талаа дурдана уу?

Төгсөгчдийн дунд байдаг түгээмэл асуудал бол төгсөөд гарахдаа хангалттай хэмжээний туршлагагүй, ажилд ороод нэг хүртэлх жилийг зайлшгүй дадлагажих байдлаар ажиллаж өнгөрүүлдэг. Ингээд бодохоор дөрвөн жил сураад дахин нэг жил дадлагажаад хангалттай хэмжээнд код бичдэг болдог, цаг хугацаа их алддаг гэсэн үг. Мөн төгсөөд гарахдаа ажлын байргүй байдаг.

Тэгвэл манай суралцагчид маань институтэд суралцангаа хоёр хүртэлх өөрийн оюуны бүтээлтэй мөн технологид суурилсан төслүүд дээр ажилласан туршлагатай болоод төгсөх юм. Энэ нь тухайн оюутанг төгсч гараад ажилд орох мөн олон улсын сургуулиудад дэвшин суралцах, томоохон хөшүүрэг болно гэж харж байгаа.

  • Багш нарынхаа ур чадварыг бидэнд танилцуулна уу?

Багш нарын хувьд гадаадын их дээд сургуулиудад магистр зэрэгтэй төгссөн 5-7 жилийн програм хангамжийн компанид хөгжүүлэлт хийсэн, багшилж байсан туршлагатай боловсон хүчин байна. Мэдээж багш нар маань СЭЗДС-ын багш ажилчдад тавигддаг шаардлагын дагуу багаа бүрдүүлсэн.

  • Цаашдын төлөвлөгөөгөө хуваалцана уу?

Цаашдаа технолгийн зохих түвшний мэдлэгтэй, чадвартай мэргэжилтэнг ажилд авах хэрэгцээ улам бүр нэмэгдэх хандлагатай байгаа. Иймд програм хангамжийн чиглэлээр үйл ажиллагаа явуулдаг компани болон мэргэжлийн програм хангамжийн инженерүүдэд зориулан AI, BLOCKCHAIN, IOT, BIGDATA гэх зэрэг ирээдүйд бизнесийн салбарт хүч түрэн гарч ирж буй шинэ технологиудын талаар ахисан шатны мэдлэг олгох мэргэшсэн хөтөлбөр болон UI, UX дизайны хөтөлбөр мөн зуны хөтөлбөр хэрэгжүүлэхээр төлөвлөж байна.

Олон улсын сургуулиудтай хамтын ажиллагаагаа улам бүр өргөжүүлж суралцагчдаа олон улсын сургуулиудад дадлага хийлгэх, мэргэшүүлэх мөн магадлан итгэмжлэгдсэн дипломтой төгсөх боломжоор хангахаар төлөвлөн ажиллаж байна. 

www.ioi.mn

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Ж.Норовсамбуу агсныг сүүлчин замд нь үдлээ5 сар 23. 15:39Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ5 сар 20. 12:05Х.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй5 сар 16. 16:26“Дом, шившлэгтэй” хэвлэлийн хурлууд үргэлжилсээр…5 сар 16. 16:16УИХ-ын дарга Г.Занданшатар МУБИС-ийн оюутнуудад d-parliament цахим системийг танилцууллаа5 сар 16. 14:30Ц.Содномдорж: Д.Баярмагнай прокурортой Сингапурт саатуулагдсан гэдэг ор үндэслэлгүй мэдээлэл5 сар 16. 11:02Прокурор асан Д.Баярмагнай: Сингапурт казино орсон нь ҮНЭН. Хулгай хийсэн нь үнэн юм бол тэд намайг хилээрээ гаргах уу5 сар 14. 10:58Газрын түрээсийн төлбөрийг Чойжин ламын сүм музей төлж, хувийн хэвшил орлогыг нь авдаг байсныг зогсоолоо5 сар 13. 21:08ЧУУЛГАН: Банкны тухай хуульд өөрчлөлт оруулах хуулийн төслийг анхны хэлэлцүүлэгт бэлтгүүлэхээр шилжүүлэв5 сар 12. 16:29Токиод “дархлагдсан” Элчин сайд Д.Батжаргалын бүрэн эрхийн хугацаа дуусчээ5 сар 12. 12:46БНСУ-ын Ерөнхийлөгч монгол иргэдийг визгүй зорчиход анхаарч ажиллахаа илэрхийлжээ5 сар 11. 19:08Эх, нярайд тусламж үзүүлэх үйлчилгээний чанарыг сайжруулах ажлын хэсгийг П.Анужин АХАЛНА5 сар 11. 13:26М.Батбаяр: Наадмын найруулагчид 19 хүний нэр яригдаж байгаа, баасан гарагт тодруулна5 сар 11. 13:25“Автомашингүй өдөр“ зам хаагуур хаах вэ5 сар 11. 13:24Лам “Сэржим өргүүлэх“ нэрийдлээр 15 настай охиныг дуудаж, хүчирхийлсэн байж болзошгүй хэрэг гарчээ5 сар 11. 12:40Ипотекийн зээлийн хүүг буруулах боломжийн талаар Засгийн газрын хуралдаанд танилцуулж байна5 сар 11. 12:37Ослын улмаас дөрвөн бяцхан үрс эцэг, эхээ алдаж, ТӨР оршуулгын зардал өгөхөөс ТАТГАЛЗЖЭЭ5 сар 11. 12:32Гар утас, машины дугаарт АЧ ХОЛБОГДОЛ өгдөг буруу хандлагаа “Үсэг булаацалдаж“ хүүхдүүддээ ӨВЛҮҮЛЖ болохгүй5 сар 11. 12:31Д.Амгалан: Төрийн банк эрх мэдэлтэй албан тушаалтай хүмүүсийн мөнгө угаах хэрэгсэл болсон байна5 сар 11. 12:31Ц.Элбэгдорж: Надад алдаж явсан үе бий, Гэхдээ “Пулемёт, онгоц, шалдан“ бол ХЭТРҮҮЛЭГ5 сар 11. 12:30ТЦА: ОХУ-ын Элчин сайд цагдаагаас зам асууж буй 4 жилийн өмнөх зургийг гаргаж буруу ташаа мэдээлэл түгээж байна5 сар 11. 12:29Ноён Бондгор хямд үнээр дүнзэн байшинтай болох боломжийг бүрдүүллээ5 сар 10. 18:04Ерөнхий сайд Л.Оюун-Эрдэнэ бэр эгч Ч.Ундралаа дарга болгожээ5 сар 10. 13:52В.Путин 10 гаруй улсад мэндчилгээ дэвшүүлэхдээ Монгол улсад мэндчилгээ дэвшүүлсэнгүй5 сар 9. 13:39Эрт илрүүлэг, үзлэг шинжилгээнд хамрагдсан 0-17 насны хүүхдүүдээс хавдрын сэжигтэй тохиолдол гурав илэрчээ5 сар 9. 11:54
© 2008 - 2022 он. Зохиогчийн эрх хуулиар хамгаалагдсан.