Бэтмэн машин хөлөглөгч П.Тэмүүжинтэй ярилцлаа

Хүүхэд бүхэнд бага насных нь супер баатар байдаг. Сүүлийн үед нийслэл Улаанбаатар хотод бэтмэн тоноглол бүхий машин хөдөлгөөнд оролцож явах болсон нь маш олон хүүхдийн сонирхлыг татсан гэхэд болно. Хүүхдүүд ч гэлтгүй томчуудын хараанд өртөж, тоглоом шоглоом болгон хэлэхэд хөвгүүд аавыгаа машинаа ийм болго гэж шахаж шаарддаг болсон гэх шуум ч сонсогдож байв.

Манай сайтын сурвалжлах баг сурвалжлагаар гадуур явж байх үед өнөөх бэтмэнийг дурандаа “олзлон” авав. Улмаар хүүхдүүдийн хүсэл мөрөөдөл болсон бэттмэн хүүхэлдэйн киноны баатрын дүрээр хэн гэгч эрхэм автомашинаа тоноглосныг олж мэдэхээр жолоочийг нь хүлээсэн нь амжилттай боллоо.

Бэтмэн тоноглолтой, харахад сүрдмээр энэхүү машины эзэн нь П.Тэмүүжин гэх залуу аж. Тэрбээр энэхүү машиныг хийх болсон хамгийн том шалтгаан нь мэдээж хүүхэд насных нь мөрөөдөл байсан гэнэ. Цаашлаад энэ стресс бухимдалтай, утаа униартай Улаанбаатар хотын иргэний хувьд хийж чадах зүйл юу байгаа вэ гэж бодсоны эцэст машинаа бэтмэн болгож тоноглохоор шийдсэн юм билээ. Машинаа бэтмэн болгох нь Улаанбаатар хотод ямар ач холбогдолтой юм бол гэж та гайхаж байж мэднэ. Энэ залуугийн яриаг сонсоход та нээрээ л тийм дээ гэж толгой дохих байх. Замын түгжрэлд уур бухимдлаа барьж ядсан жолооч нар нэгнийгээ харааж ерөөн байдгийг юу эс андах вэ. Гэтэл энэ үед нь гэнэт л ид шидийн гэмээр бэтмэн машин хажууд нь зогсож байхад стресс бухимдлаа хэн ч гэсэн түр ч болов мартах нь дамжиггүй. Ингээд та бүхэндээ П.Тэмүүжингийн яриаг хүргэж байна.