Нийслэл хот үүсэн байгуулагдсаны түүхт 380 жилийн ойн өдрүүд тохиож байна. Энэ ойгоор барих нэг сюрприз нь Налайх-Чойрын уулзвар хүртэлх чиглэлийн замын хөдөлгөөний нээлт байна гэсэн мэдээлэл байв. Нийслэлийн Авто замын хөгжлийн газрын дарга "Улаанбаатар хотын 380 жилийн ойн өдөр буюу аравдугаар сарын 29-нд Налайхын замын хөдөлгөөнийг нээнэ гэсэн төлөвлөгөөтэйгөөр шаргуу ажиллаж байна" гэж байв. Тэр өдөр нь өнөөдөр тохиож байна.
Гэвч замын ажлын нээлт хойшилж, арваннэгдүгээр сарын 4 буюу ирэх даваа гарагт болж товлогдоод байна. Хөдөлгөөнийг нээх ёслол ингэж хойшилсон нь ажил удааширсантай огт холбоогүй бөгөөд замын чанар, тэмдэг тэмдэглээ зэрэг аюулгүй нөхцлийг бүрэн хангахтай холбоотой гэнэ. Түүнчлэн цаг агаарын нөхцөл байдлаас шалтгаалан гурав хоног сунажээ.
Ерөнхий сайдын зүгээс "Замын хөдөлгөөнийг нээх гэж яарах хэрэггүй. Хөдөлгөөний аюулгүй байдлаа хангах, бүтээн байгуулалтын ажлаа гүйцэд сайн шалгаж, нягтлах тав хоногийн чиглэл өгсөн" гэх мэдээлэл байгаа юм.
Төлөвлөсөн ёсоор ирэх сарын 1-нд ашиглалтад өгөх учиртай. Харин өнгөрсөн зун бороо ихтэй байснаас хоног хугацаа алдсан ч бүтээн байгуулалтын ажлаа нөхөж хугацаанд нь ашиглалтад оруулах бүх нөхцөл бүрдсэн. Замын чанарын тухайд ч үнэлэлт сэтгэгдэл өндөр байгаа. Замын чанар, технологийн горимыг хэд хэдэн хяналтаар хэрэгжүүлж байгаа бөгөөд тухайлбал, Засгийн газар, Нийслэлийн түвшинд горим мөрдүүлэх инженерийн баг, гүйцэтгэлийн түвшинд Монгол болон БНХАУ-ын зөвлөх инженерүүд хамтран энэ төсөл дээр ажиллаж байна.
Замын зузаан нь гэхэд 70 см зузаан, 26-28 метр өргөн, хоёр урсгал бүхий дөрвөн эгнээтэй, явган хүний болон дугуйн замтай байх юм. Зам ашиглалтад орсноор өдөрт 15-18 мянган тээврийн хэрэгсэл зорчино гэсэн тооцоо бий.
Налайх-Чойрын 20.9 км автозамын хувьд Монгол улс дахь “нэгдүгээр зэрэглэл”-ийн хоёр дахь зам гэдгээрээ онцлог юм.
Төслийн хүрээнд 20.9 км авто зам, 38 байршилд ус зайлуулах хоолой, 3 байршилд нүхэн гарц, Хөлийн голын 20.75 у/м гүүр, 5 байршилд явган хүний гүүрэн гарц, явган хүний зам, дугуйн зам баригдахаас 38 байршилд ус зайлуулах хоолой, 3 байршилд нүхэн гарц, Хөлийн голын 20.75 у/м гүүрийн ажлууд бүрэн дууссан байна.
Авто замын ажлын хүрээнд 85,730 м3 хөрс хуулалт, 205,800 м3 ухмал, 568,538 м3 далангийн дүүргэлт, 20.26 км хэсэгт цементээр бэхжүүлсэн суурь, 18,4 км хэсэгт суурь асфальт хучилт хийж, 19 км тусгаарлах хашлага суурилуулаад байна. Үлдсэн 2,5 км авто замын суурийн доод үеийн дүүргэлт, цементээр бэхжүүлсэн суурь үеийн ажлууд хийгджээ.
Мөн Налайхын чиглэлийн авто замын дагуу Туул гол дээгүүр 282 урт метр, 4 эгнээ зорчих хэсэг, явган зам бүхий Баянзүрхийн шинэ гүүрийн барилгын ажил дуусч, авто замын хамт замын хөдөлгөөнийг нээхээр бэлтгэл ажлыг хангаад байна. Харин явган хүн болон дугуйн зам, гэрэлтүүлгийг ирэх хавар дуусгах юм.
Төслийн гүйцэтгэлийн шатанд замын ажлыг үндсэн дөрвөн компани, туслах гурван компани хийж хэрэгжүүлж, 400 гаруй инженер техникийн ажилчид, 150 гаруй техник ашиглаж байна.
Энэ зам ашиглалтад орсоноор Улаанбаатар хот төдийгүй зүүн бүсийн, Чойр, Замын-Үүдийн ачаа тээвэр, ложистик, Тэрэлжийн аялал жуулчлалын бүсийн хөдөлгөөний эрчмийг нэмэгдүүлэх тэдгээрийг дагасан эдийн засгийн эргэлтийг дэмжих улс орны хэмжээний ач холбогдолтой төсөл юм.
Г.Тулга
4 сэтгэгдэлСэтгэгдэл бичих
Heden jiliin batalgaa uguhii???
Нийслэлийн ойг тохиолдуулан том бүтээн байгуулалт хийж байгаад баяр хүргье. АНХААРУУЛАХ ЗҮЙЛ БАЙНА.НИЙСЛЭЛ БОЛОН ЗАМ ТЭЭВРИЙН УДИРДЛАГУУД ТЭЭВРИЙН ХЭРЭГСЛЭЛ,ЗАМЫН ХӨДӨЛГӨӨНД ОРЖ БАЙГАА БҮХ ЖОЛООДОГЧ НАРТ САЙН АНХААРУУЛАГА,САНУУЛАГА ӨГСӨН МЭДЭЭ МЭДЭЭЛЭЛ ТАВИАРАЙ.ЗАМЫН ХӨДӨЛГӨӨНИЙ ДҮРЭМ ЗӨРЧИЖ АВААР ОСОЛД ОРЧИХООД ДАРАА НЬ ЗАМ ЯАХ ГЭЖ САЙЖРУУЛСАН ЮМ БЭ? ГЭХ ХҮН ГАРАХ Л БАЙХ ШҮҮ!!!!!!!!!!!!!!!!!!!!
Улаанбаатар Дарханы зам хэзээ нээгдэх вэ? Зам тээврийн сайд ажлаа хиймээр юмаа.
URGAH NARAN" horoolol ruu ergeh garsh uulzvab baihgui yumuu????