Д.АРИУН
Гэрэл зургийн сэтгүүлчдийн нэр хүндтэй, томоохон уралдааны нэг “World Press Photo” 2015 оны шилдэг бүтээлүүдээ шалгаруулан зарлалаа. Энэ жил 59 дэх удаагаа болж байгаа “World Press Photo” уралдаанд дэлхийн 128 орны 5775 гэрэл зурагчны 82954 гэрэл зургаас шүүгчдийн бүрэлдэхүүн шалгаруулалт хийжээ. Шүүгчдийн бүрэлдэхүүн энэ оны хамгийн шилдэг гэрэл зургаар Австралийн гэрэл зурагчин Уоррен Ричардсоны “Шинэ амьдралын итгэл найдвар” бүтээлийг шалгаруулан “Оны гэрэл зураг” хэмээн энэ хоёрдугаар сарын 17-нд зарласан билээ.
Европ тивийг нөмөрсөн дүрвэгсдийн асуудлыг хөндсөн энэ гэрэл зургийнхаа түүхийг Уоррен Ричардсон “Хэдэн өдөр хилийн шугам хавиар явж, хоносон. Тэгж явж байгаад хилийн торны завсраар нялх хүүхдийг дамжуулж өгч байгаа эрэгтэй хүнийг олж харсан” гэж ярьжээ. Энэхүү гэрэл зурагт 2015 оны наймдугаар сарын 28-нд Серби-Унгарын хил дээр болж байгаа үйл явдлын нэгээхэн хэсэг буужээ.
Уоррен Ричардсон нь Зүүн Европод ажилладаг чөлөөт сэтгүүлч гэрэл зурагчин аж.
Фото Уоррен Ричардсон
Дүрвэгсдийн асуудал “World Press Photo”-д шилдгээр шалгарсан олон бүтээлд тусгалаа олжээ. Оросын гэрэл зурагчин Сергей Пономарев мэдээний төрөлд дүрвэгсдийн амьдралыг хальснаа буулгасан цуврал бүтээлээрээ нэгдүгээр байр эзэлсэн байна.
Фото: Сергей Пономарев – Грекийн Лесбос арлыг зорин ирж байгаа дүрвэгсдийн завь.
Фото: Сергей Пономарев – Загребын галт тэрэгний буудал дээо. Галт тэргэнд суух гэж байгаа дүрвэгсэд.
Эх сурвалж: Зууны мэдээ сонин
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Э.Макрон ерөнхийлөгчийн сонгуульд ялалт байгуулжээ
ЭСЯ: Нью-Йоркод болсон халдлагад монгол иргэд өртөөгүй
Орос цэргийн хүчээ эрс багасгахаа мэдэгджээ
Израильд халдлага үргэлжилж, таван хүн буудуулж амиа алджээ
ХЭЛЭЛЦЭЭ: Галыг түр зогсоож, энгийн иргэдийг нүүлгэн шилжүүлэхээр болов
Дэлхийн олон орны оюутнууд Украинд гацжээ
Сэтгэгдэл бичих