Одоогоос 28 жилийн тэртээ, 1992 оны нэгдүгээр сарын 13-ны өдөр монгол түмэн идэр есийн хүйтэнд шинэ Үндсэн хуулиа баталж, “МЭДЭГТҮН, САХИГТУН” хэмээн даяар олноо зарлан тунхагласан байдаг. Тэгвэл энэхүү түүхэн өдөрт зориулсан үндэсний бөхийн барилдаан өчигдөр буюу 2020.01.12-нд бөхийн өргөөнд боллоо. Улсын аварга Н.Батсуурь, Улсын арслан Р.Пүрэвдагва нараар манайлуулсан хүчит 128 бөхийн барилдаанд авхан аймгийн Яруу сумын харьяат, “Жем Интернэшнл” ХХК-ийн бөх аймгийн заан М.Лхагвагэрэл урамтай сайхан барилдан түрүүлж, Хөвсгөл аймгийн галт сумын харьяат, Улсын өсөх идэр начин Ч.Хөхчирэнгэр үзүүрлэлээ. Оны эхний барилдаан энэ болдог тул бөхчүүд олноор барилддаг. Аварга, арслан хоёр хоёрын даваанд аймгийн цолтнуудад өвдөг шороодсон бол түрүү бөх М.Лхагвагэрэл онцгой сайн байгаа Ховд аймгийн хоёр харцага О.Хангай, Б.Бат-Өлзий нарыг 5,6-гийн даваанд дараалан хаяж түрүүллээ. Тэрбээр улс аймгийн алдар цолтой бөхийн барилдаанд анх удаа түрүүлж байна. Чөлөөт бөхөөр 125 кг жинд улсын аварга болсон идэрхэн хүчтэнд спортын өндөр амжилт хүсье.
4 сэтгэгдэлСэтгэгдэл бичих
Ih sportiin hun oor baina shuu. Dongoj 20n nastai zaluu. Mgldoo ooriinhoo neriig bish delhiid mongoliinhoo neriig gargaj baigaarai.
Баянмөнх, Мөнхбат, Өсөхбаяр , Сүхбат,Сумъяабазар гээд аваргууд чөлөөтөөр , Бат-Эрдэнэ Балжинням гээд аваргууд жудогоор тив дэлхийд сайн барилддаг байлаа. Их спортыг үндэсний бөхтэй сайн хослуулцгаа залуусаа. Амжилт хүсэе . Олимп дэлхийн аварга болоорой.
Бэртэж гэмтэхгүй, бие тоохгүй улам сайн барилдаж үзэгч олноо хүндэтгэж баясгаж яваарай дүү минь. Золбоотой үзүүштэй сайхан барилдсан залуу хүчтэн үнэхээр сайхан барилдсан.
Amjilt xvcii Zabxanaas sain bukh turj bgaa yum bna daa