2020 оны 3-р сарын 26
12 цаг 40 минут

Дөрөвдүгээр сарын 2, 3, 4-нд СӨҮЛ, ТОКИО руу тусгай нислэг үйлдэж, 750 иргэнээ авч ирнэ

    УОК-ын Шуурхай штабаас мэдээлэл хийлээ. УОК-ын орлогч дарга, ОБЕГ-ын дарга Т.Бадрал "Өнөөдөр шинээр нэг тохиолдол нэмж илэрлээ. Нөхцөл байдал амаргүй байна. Гэхдээ УОК энэ бүхнийг зохицуулах чиглэлд анхаарч ажиллаж байна. Дэлхий дахинд байгаа 4805 иргэн эх орондоо ирэх хүсэлтээ тухайн улсын Элчин сайдын яам, Консулын газраараа дамжуулж өгсөн байгаа. 

Иргэдээ татан ажиллагаа зөвхөн манай улсад хийгдээгүй. Бүх улс орон гадаад оронд суугаа иргэдээ татан авч байна. Жишээлбэл, Австралийн Засгийн газраас Монгол Улсаас иргэдээ татаж авах хүсэлтээ гаргаснаар өнөөдөр өглөө зургаан иргэнээ татаж авсан. Мөн энэ амралтын өдөр БНСУ-ын Засгийн газар манай улсад байгаа иргэдээ татан авна. Нийт 200 гаруй солонгос иргэн эх орон руугаа буцна. 

Ингээд бид дөрөвдүгээр сарын эхээр гурван нислэг хийж, нийт 750 иргэнээ авч ирэхээр боллоо. Тодруулбал, дөрөвдүгээр сарын 2-нд 08.00 цагт БНСУ руу,  дөрөвдүгээр сарын 3-нд 01.30 цагт Токио руу, дөрөвдүгээр сарын 4-нд дахиад 08.00 цагт БНСУ руу нислэг үйлдэнэ. БНСУ руу хоёр удаа нислэг үйлдэж байгаа нь эх орондоо ирэх хүсэлтээ өгсөн 4805 иргэний 50 гаруй хувь нь БНСУ-д байгаа монголчууд байгаа тул ийнхүү хоёр удаагийн нислэг үйлдэхээр болсон. Тусгаарлалтад байх хугацааг сунгах эсэх асуудлыг ярьж байгаа. Дөрөвдүгээр сарын гурван нислэгээр ирж байгаа иргэдийг хамгийн багад нь 21 хоног тусгаарлана. Тэд 21 хоногийн төлбөрөө төлөх зайлшгүй шаардлагатай. Төлбөр төлсөн эсэхийг харгалзан үзэж, онгоцонд суулгана. Мөн тухайн байгаа улсдаа шинжилгээ өгсөн байх зайлшгүй шаардлагатай" гэлээ. 

ГХЯ-ын Консулын газрын дарга Л.Мөнхтүшиг "Иргэдээ татаж авах гэж байгаатай холбогдуулан Сөүл, Токио дахь Элчин сайдын яам ажиллаад эхэлсэн байгаа. Эхний онгоцонд суухаар 800 орчим хүн бичгээр хандсан. Тэгэхээр өмнө нь бүртгүүлсэн иргэдийг онгоцонд суулгах чиглэл барьж байна" гэв. 

МХЕГ "Тусгай үүргийн онгоцонд эрүүл ахуйн хоёр байцаагч дагалдаж явна. Энэхүү хоёр байцаагч маань эмч хүмүүс бий. Улмаар онгоцонд халдвар хамгааллын дэглэмийг сахиулж ажиллана. Тиймээс иргэд маш сахилга баттай явах хэрэгтэй. Иргэдээс 14 асуулттай санамж асуулгын хуудас бөглүүлнэ. Үүнд иргэд их хайнга ханддаг. Тиймээс үнэн зөв хариулаарай. Энэхүү санамж асуулгыг хараад тусгаарлагдан эмчлэгдэх үү, тусгаарлан ажиглалтад орох уу гэдэг нь шийдэгддэг тул маш няхуур хандах хэрэгтэй. Энэ бол таны л төлөө хийж байгаа зүйл гэдгийг ойлгох хэрэгтэй. Мөн суудлын дугаар буруу бичих, суудлаа сольж суух зэрэг асуудал гардаг. Жишээ нь, Истанбулын онгоцоор ирсэн коронавирусийн халдвартай иргэнийг шүүж үзтэл дугаараа буруу бичсэн байна лээ. Энэ нь өөртөө ч, өрөөлд ч, ажил хийж байгаа албаныханд ч саад болж байна.

Сүүлийн 14 хоног явсан улс орноо дэлгэрэнгүй сайн бичих ёстой. Аюулгүйн үүднээс онгоцонд хоол унд өгөхгүй. Тиймээс онгоцны буудал дээрээ сайн идэж, уугаад, бие засах хэрэгтэй. Онгоцонд аль болох шилжилт хөдөлгөөн хийхгүйгээр явах нь аюулгүй байна. Онгоцонд суухад маск өгнө. Маскаа хэрэглэж дуусаад шууд хаяхгүй. Тусгай хогийн саванд хаяна. Халуунтай иргэдийг онгоцонд суулгахгүй байхвий гэж айгаад халуун бууруулах эм тан уух хэрэггүй. Та нэг минутын өмнө ч гэсэн эмчилгээ хийлгэсэн нь танд аюулгүй. Онгоц газардахад бүгд пир гээд босох хэрэггүй. Нэр нэрээр нь дуудаж гаргана. Түүний дагуу явах ёстой" гэлээ. 

Б.Аз

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Эмэгтэйчүүдийн баярын өдрөөр гэр бүлийн хүчирхийллийн 167 дуудлага иржээ34 минут 1 секундын өмнөСү.Батболдын асуудлаар улстөржсөн байр суурь илэрхийлсэн тул элчин сайд Ё.Отгонбаярыг эргүүлэн татах саналыг Ерөнхийлөгч гаргав37 минут 43 секундын өмнөҮАБЗ-ийн ажилтнууд ОХУ-д учир битүүлэг “айлчлал” хийж, 20 сая доллар ачиж ирсэн үү49 минут 1 секундын өмнөАНУ Оросыг вакцины талаарх худал мэдээлэл түгээж байгаад буруутгав1 цаг 5 минутын өмнөУДЭТ: Жүжгийн тасалбар захиалсан бол буцаах боломжтой1 цаг 23 минутын өмнө10 их наядын хөтөлбөрийн хүрээнд зээл авах ААН-үүд НӨАТ төлөгч байх шаардлагатай1 цаг 29 минутын өмнөШУУД: 10 их наядын цогц төлөвлөгөөний дэлгэрэнгүй танилцуулгыг Сангийн сайд болон Монголбанкны удирдлага хийж байна1 цаг 32 минутын өмнөЧангшин их сургуулийн зочин багш, докторант, ахмад Ж.Серикжан: Дотоод хэргийн их сургуулийн оюутнууд хамгийн өндөр тэтгэлэг авах боломжтой1 цаг 35 минутын өмнөМэдээллийн ZINDAA.MN сайт 10 нас хүрлээ1 цаг 45 минутын өмнө10 их наядын цогц хөтөлбөрийн хүрээнд ӨРХИЙН БОЛОН БИЧИЛ бизнес эрхлэгч иргэдэд зээл олгоно1 цаг 52 минутын өмнөВАКЦИН: Өнөөдөр 15391 хүнийг хамруулна2 цаг 12 минутын өмнөД.Сумъяабазар: Вакцинжуулалтын ажлыг эрчимжүүлэх хэрэгтэй  2 цаг 16 минутын өмнөШинжилгээ авах цэг, байршил2 цаг 20 минутын өмнөГадаадын улс орнуудааас 30,248 иргэн эх орондоо иржээ2 цаг 21 минутын өмнөНОК: Коронавирусийн халдвар илрэх өндөр магадлалтай ХОРООД2 цаг 24 минутын өмнөНийслэлийн лавлагаа, мэдээллийн тусгай дугаар 1087 иргэнд үйлчилгээ үзүүллээ2 цаг 50 минутын өмнөЭМЯ: Шинээр 36 хүнээс халдвар илэрч, 3 тохиолдол нь Төв аймагт бүртгэгдлээ3 цаг 5 минутын өмнөУран бүтээлчид тоглолтуудаа цуцалж байна3 сар 8. 15:36Ерөнхий сайд Л.Оюун-Эрдэнэ: Т.Чимгээд хар тамхи хэрэглүүлж, нүцгэн зургийг нь нөхөр рүү нь явуулсан бичлэгийг Т.Чимгээ ил болгох хэрэгтэй гэж үзсэн3 сар 8. 14:35Т.Чимгээ: Намайг хэрэгтэн гэх нотлох баримт байдаггүй, Ц.Амгаланбаатарын үгээр л ялласан3 сар 8. 14:24УДЭТ-т тоглолт үзсэн хүмүүс шинжилгээнд хамрагдах хүртлээ гэртээ байхыг анхааруулав3 сар 8. 14:15Шинжилгээ нь сөрөг гарсны дараа айлд очиж золголт хийж, халдварт өртсөн байна3 сар 8. 14:09Дэлхийд хоногт дунджаар 7 сая 650 гаруй мянган иргэнийг вакцинжуулж байна3 сар 8. 14:06ХӨСҮТ-д эмчлүүлж байсан маш хүнд оноштой хүн нас барлаа3 сар 8. 14:01ЭМЯ: 108 хүнээс халдвар илэрлээ3 сар 8. 13:54Тусгаарлах байрны халдвар хамгааллыг сайжруулах чиглэл өгчээ3 сар 8. 10:17Засгийн газар ээлжит бусаар хуралдаж байна3 сар 8. 10:15Олон улсын эмэгтэйчүүдийн эрхийг хамгаалах өдрийн мэнд ХҮРГЭЕ3 сар 8. 10:11Олон улсын эмэгтэйчүүдийн эрхийг хамгаалах өдрийг тэмдэглэдэг болсон ТҮҮХ3 сар 8. 10:08Улаанбаатар 4 хэм хүйтэн байна3 сар 8. 10:04
© 2008 - 2021 он. Зохиогчийн эрх хуулиар хамгаалагдсан.